Նկարագրություն
Գիրքը նվիրված է 44-օրյա պատերազմին (2020թ. սեպտեմբեր-նոյեմբեր): Աշխատությունը քննում է հայ-ադրբեջանական զինված հակամարտության հիմնական պատճառները, ընթացքը և հետևանքներըներգրավված բոլոր կողմերի համար: Հետազոտության հեղինակները վերլուծում են ռազմական և ռազմատեխնիկական այն ասպեկտները, որոնք ազդել են պատերազմի ելքի վրա։ Քննության նյութ են Հարավային Կովկասի առանցքային խաղացողների, նաև Ռուսաստանի ու Թուրքիայի քաղաքական բարդ հարաբերությունները:
Այսօր պետությունները հայտնվել են դանդաղ հոսանքում՝ ծանր հարվածների ու նոր նավաբեկությունների վտանգի ճիշտ մեջտեղում։ Ղարաբաղում պատերազմն այդպիսի նավաբեկություն էր, որը բոլորի համար փոխեց ամեն ինչ, առաջին հերթին բախումների ուղիղ մասնակիցների՝ Արցախի, Հայաստանի և Ադրբեջանի։ Իսկ Վաշինգտոնի և Փարիզի համար որքանո՞վ էին կարևոր պատերազմի օրերին տապալված նրանց միջնորդական ջանքերը։Ռուսաստանի համար ի՞նչ է նշանակում միջնորդական դերը չկորցնելը, երբ կորսված է ավելին։ Պատերազմի ելք ցամաքում, որը կանխորոշված էր օդում։ Ադրբեջանի ղեկավարության որոշումները գրքումբացատրվում են մարտադաշտից ռազմական հետհայացքով և քաղաքագիտական արժեքավոր վերլուծությամբ։ Առանձին անդրադարձ կա Հայաստանի ղեկավարության քայլերին, որոնք չկատարվեցին և որոնց վերաբերող հարցերը դեռ հնչում են։
Լրացուցիչ տեղեկություն
Օրիգինալ անունը Буря на Кавказе
Կատեգորիան Գիտահանրամատչելի
ISBN 978-9939-884-65-3
Հրատարակության տարին 2022
Էջերի քանակը 264
Չափսը 14.5x22.3, կոշտ կազմ
Հեղինակներ
Ռուսլան Պուխով
Ռուսլան Պուխովը ծնվել է 1973 թվականին։ 1990-1994 թթ. սովորել է միջազգային լրագրություն Մոսկվայի միջազգային հարաբերությունների պետական ինստիտուտում։ 1996 թվականին նա ավարտել է ֆրանս-ռուսական երկաստիճան ծրագիրը: 1996-1997 թվականներին աշխատել է որպես Սովորական սպառազինությունների նախագծի հետազոտող Ռուսաստանի Քաղաքական հետազոտությունների վերլուծության կենտրոնում: 1997 թվականին Պուխովը հիմնեց Ռազմավարությունների և տեխնոլոգիաների վերլուծության կենտրոնը: Նա պաշտպանական հարցերի վերաբերյալ մի շարք հոդվածներ է գրել The New York Times-ի, Defense News-ի, The National Interest-ի և միջազգային այլ հայտնի թերթերի համար: Հրատարակել է մի շարք գրքեր:
Թողնել կարծիք