5 փաստ «Մեծ անկում» գրքի հեղինակի մասին․ ո՞վ է Նիլ Ֆերգյուսոնը
1. Նիլ Քեմբել Ֆերգյուսոնը բրիտանացի գիտնական է՝ բառի ամենալուրջ իմաստով։ Խորապես պահպանողական, բրիտանական կայսերականության մոլի ջատագով շոտլանդացի պատմաբանը այն քիչ հետազոտողներից է, որ, ունենալով նման հայացքներ, աշխատում է ձախ մտքի կենտրոն Կալիֆոռնիայի հանրահայտ Սթենֆորդի համալսարանում։
2. Նա անցել է աշխարհի լավագույն համալսարանների դարբնոցներով։ Օքսֆորդի շրջանավարտ Ֆերգյուսոնը դասավանդել է Հարվարդի և Նյու Յորքի համալսարաններում։ Նրա գիտական հայացքն ուղղված է աշխարհի քաղաքական, տնտեսական և ֆինանսական պատմութան, բրիտանական ու ամերիկյան կայսերականության վրա։
3. Նա հետազոտել է մարդկության պատմության ամենատարբեր դրվագներն ու վերհանել այնպիսի եզրակացություններ, որոնք նախկինում ոչ մի պատմաբան երբևէ չէր նկատել։ Ֆերգյուսոնը ֆինանսների ու տնտեսագիտության պատմությունը վերծանել է այնպիսի փաստարկներով, որ ջրի երես է հանել 2008–ի ֆինանսատնտեսական ճգնաժամի ամբողջ անատոմիան։
4. Նա վավերագրական ֆիլմաշարերի, այդ թվում 2009-ին լավագույն վավերագրություն անվանակարգում Էմմի մրցանակի արժանացած «Փողի ծագումը» ֆիլմի հեղինակն է։
5. 2004-ին TIME ամսագիրը Ֆերգյուսոնին դասել է աշխարհի 100 ամենաազդեցիկ մարդկանց ցանկում, բայց նրա ամենաազդեցիկ աշխատանքները լույս են տեսել և տեսնում դրանից հետո՝ մեր օրերում։