Ո՞վ է «Բելլա Բելլադոննայի», հեղինակը. 10 փաստ Նարինե Կռոյանի մասին (տեսանյութ)

1. Նարինե Կռոյանը ծնվել, այժմ էլ բնակվում է Վանաձորում:

2. Ավարտել է Մոսկվայի պետական կառավարման ինստիտուտը՝ ստանալով կառավարման կազմակերպման գծով ճարտարագետ-տնտեսագետի որակավորում։

3. Արձակագիրը նաև դասախոս է: Այժմ դասավանդում է Լոռու տարածաշրջանային պետական քոլեջում։ Տնտեսագիտության թեկնածու է, գիտական հոդվածների հեղինակ:

4. Սովորելու, ավարտելու ու դասավանդելու տարիներին չի դադարել ստեղծագործել, բայց տպագրվել է հասուն տարիքում:

5. Նարինե Կռոյանը հրատարակվել է «Գարուն», «Նարցիս» և «Նորք» ամսագրերում, մի շարք անթոլոգիաներում: Առաջին ժողովածում հրատարակել է 2010 թվականին:

6. 2010 թվականին հրատարակել  է հեքիաթների ժողովածու՝ փոքր մեծերի և մեծ փոքրերի համար:

7. Այժմ ունի յոթ հրատարակված գիրք, այդ թվում՝ հեքիաթներ, պատմվածքների և վիպակների ժողովածուներ և մեկ վեպ:

8. Արժանացել է բազմաթիվ գրական մրցանակների՝ «Նարցիս» ամսագրից, «Արձակ 2013», «Օրանժ գրքի մրցանակ», Ռուբեն Հովսեփյանի անվան մրցանակ:

9. Կին գրողների «Գույն» գրական մրցանակի հաղթողներից է, հետո համալրել է  գործակալության հեղինակների ցանկը:

10. Հայաստանի՝ վերջին 30 տարիների բոլոր պատերազմների ժամանակ գրել է պատմվածքներ՝ անդրադառնալով պատերազմի թեմային: Պատրաստվում է նաև այդ թեմայով գրել վեպ: