5 փաստ ԱՄՆ ամենատարեց նախագահ Ջո Բայդենի կյանքից (տեսանյութ)

November 24, 2021

2020-ին ԱՄՆ բավական լարված ընտրապայքարում նախագահ ընտրվեց Ջո Բայդենը: Այդ նախագահական ընտրությունները Բայդենի երրորդ առաջադրումն է։ Առաջին անգամ առաջադրվել է 1988-ին։ Նա համարվում է ԱՄՆ պատմության ամենատարեց նախագահը և երկրորդ կաթոլիկ նախագահը՝ Ջոն Քենեդուց հետո։ Սենատոր դարձել է 29 տարեկանում, որտեղ աշխատել է 36 տարի։ Նրա կյանքի վերելքներն ու վայրէջքները տեղ են գտել Newmag-ի հրատարակած «Ջո Բայդեն» գրքում: Ձեզ ենք ներկայացնում նրա կյանքի 5 ուշագրավ փաստ:

1. Ջո Բայդենը Սենատոր դառնալուց մի քանի շաբաթ անց ավտովթարից կորցրեց կնոջն ու մանկահասակ դստերը: Մեքենայի մեջ էին նաև մանկահասակ երկու որդիները: Ընտանիքը գնում էր տոնածառ գնելու: Բայդենը սենատորական երդումը տվեց որդիների հիվանդասենյակում:

2.Ավտովթարից փրկված որդիներից մեկի մոտ հետագայում քաղցկեղ հայտնաբերեցին: Երկարատև պայքարը արդյունք չվեց: 2015-ին Բայդենի որդին մահացավ: Բուժման ծախսերն այնքան մեծ էին, որ Ջո Բայդենը մտադիր էր վաճառել իր տունը:

3.1987 թվականի նախագահական ընտրապայքարի կիզակետին Բայդենին մահամերձ տարան հիվանդանոց ուղեղի անոթների անևրիզմայով: Բժիշկները կարծում էին, որ լավագույն դեպքում Բայդենը կշարունակի ապրել հաշմանդամությամբ:

                                                                                     

4.Ջո Բայդենը նախագահի պաշտոնը ստանձնեց 78 տարեկանում՝ դառնալով Միացյալ Նահանգների պատմության մեջ ամենատարեց նախագահը:

5.Բայդենը որպես փոխնախագահ, Հայոց ցեղասպանության 100-րդ տարելիցին մասնակցել էր Վաշինգտոնի մայր տաճարում տեղի ունեցած միջոցառմանը: 6 տարի անց նա դարձավ Միացյալ Նահանգների առաջին նախագահը, որը պաշտոնապես ճանաչեց Հայոց ցեղասպանությունը: