Մեսսի․ «Պետք Է հետևել կորոնավիրուսով չվարակվելու կանխարգելիչ կանոններին»
«Բարսելոնայի» հարձակվող Լիոնել Մեսսին ասել է, որ անհամբերությամբ սպասում է մրցաշարերի վերադարձին: Ֆուտբոլիստի խոսքով, ֆուտբոլն առանց հանդիսականի անսովոր կլինի մարզադաշտում:
«Մի անգամ խաղացել եմ դատարկ տրիբունաների պայմաներում, ինձ համար տարօրինակ էր, և այո, մենք չէինք ցանկանա բաժանվել մեր ընտանիքներից: Տեսնենք, թե ինչպես կլինի», - ասել է Մեսսին։
Ֆուտբոլիստն ասել է, որ վարակման վտանգը ամենուր է: Երբ դուրս ես գալիս տնից, ռիսկն արդեն կա: Մեսսին խորհուրդ է տալիս շատ չմտածել դրա մասին, հակառակ դեպքում երբեք չես ցանկանա դուրս գալ:
«Բայց մենք հասկանում ենք, որ կարևոր է հետևել բոլոր կանխարգելիչ միջոցառումներին»,- ասել է Մեսսին։
«Բարսելոնայի» նախկին խաղացող Էդմիլսոնն էլ ասել է, թե ինչով է «Բարսելոնայի» և Արգենտինայի հավաքականի ավագ Լիոնել Մեսսին տարբերվում Դիեգո Մարադոնայից: Նրա խոսքով, Մեսսին նման չէ մյուսներին։
«Նա չափազանց խելացի տղա է, տիրապետում է այն որակներին, որոնք շատ քչերն ունեն», - ասել է Էդմիլսոնը։
Էդմիլսոնի կարծիքով, ուրաքանչյուրն ունի իր ժամանակը, իր սերունդը: Մեսսին կարողացել է երկար ժամանակ պահել բարձր խաղամակարդակ։ Լեոն արդեն 10 տարի է ցուցադրում է բարձրակարգ ֆուտբոլ, ինչպես Պելեն: