Newmag-ը Winter Fest-ին կներկայացնի Աստղիկ Սահակյանի «Նախագծերի կառավարում. գաղափարից մինչև արժեքի ստեղծում» գիրքը (թրեյլեր)
«Նախագծերի կառավարում» գիրքը սկսնակներին կօգնի նախագծերի կառավարման հիմնարար գիտելիք ստանալ, փորձառուների համար կբացահայտի նախագծերի կառավարման նոր նրբություններ, իսկ բարձր օղակի ղեկավարներին, ձեռնարկատերերին կօգնի ստրատեգիկ գործունեությունն ավելի թիրախավորված իրականացնել ու թիմերի հետ աշխատել արդյունավետ։
Նախագծերի կառավարումը` զրոյից ու սեփական փորձառությամբ։ Այն, ինչ տարիներ շարունակ հեղինակը կիրառել է, սովորել ու սովորեցրել, ամփոփել է մեկ գրքում։ Արդիական մասնագիտության բոլոր գաղտնիքներն ու հմտությունները, պրոֆեսիոնալ մենեջեր դառնալու ճանապարհին ընկած բոլոր խոչընդոտները հաղթահարելու նրբությունները Աստղիկ Սահակյանը նկարագրել է իր առաջին գրքում` «Նախագծերի կառավարում. գաղափարից մինչև արժեքի ստեղծում» գիրքը:
Աստղիկ Սահակյանն ավարտել է Հայաստանում ֆրանսիական համալսարանի կառավարման ֆակուլտետը։ Պետական համակարգում ղեկավարել է մասշտաբային գնման գործընթացներ, ինչպես նաև աշխատել է Ասիական զարգացման բանկի գրասենյակում, այնուհետև, տեխնոլոգիական կազմակերպությունում ղեկավարել է լայնածավալ IT պրոյեկտ։ Ղեկավարել է Հայաստան-Վրաստան սահմանի Բագրատաշենի կամրջի կառուցման պրոյեկտը։ 2014 թվականից դասավանդում է նախագծերի կառավարում, որից 5 տարին ՝ ՀԱՀ–ում, այնուհետև առանձին, ունեցել է հազարավոր ուսանողներ, թրեյնինգներ է իրականացրել բազմաթիվ հայտնի կազմակերպություններում։ Հայաստանում PMP հավաստագիր ունեցողների ճնշող մեծամասնությունն անցել են Աստղիկի դասընթացները։ Աստղիկը նաև հանդիսանում է Նախագծերի կառավարման ինստիտուտի հայաստանյան ներկայացուցչության խորհրդի անդամ։ Այժմ Վերակառուցման և զարգացման եվրոպական բանկի կողմից կորդինացնում է Հայաստան–Իրան անցակետի վերակառուցման պրոյեկտը։
Այսօր նախագծերի կառավարումը կարևորագույն և պահանջված մասնագիտություն է։ Բազմաթիվ ռեսուրսներ և գրքեր կան՝ օտար լեզուներով, սակայն հայերեն ուղեցույց մինչ այս չի եղել։ Սա կօգնի նոր մակարդակի բարձրացնել նախագծերի կառավարման գիտելիքն ու մասնագիտությունը։
Աստղիկ Սահակյանի «Նախագծերի կառավարում» ուղեցույցի շնորհանդեսը տեղի է ունենալու Ձմեռային փառատոնին՝ փետրվարի 10-ին, 17:00, Dvin Music Hall-ում։ Գրքի գլխավոր գործընկեր՝ Evoca:
NEWMAG WINTER FEST 2024-Ի ԾՐԱԳԻՐԸ