«Երջանիկ լինելն արտացոլվում է իմ առօրյայում». Նեյմարի կյանքի փիլիսոփայությունն ու հաջողության գաղտնիքը
Նեյմարի հաջողության գաղտնիքն այն փիլիսոփայության մեջ է, որն իր համար ընտրել է դեռ վաղուց. պետք է կենտրոնանալ ֆուտբոլի վրա, լավ մարզվել, չշեղվել և փորձել զվարճանալ խաղադաշտում և խաղադաշտից դրսում: Կյանքը երջանիկ մարդանց համար է՝ վստահ է ֆուտբոլի գերաստղը: Նեյմարը յուրաքանչյուր խաղի վերաբերում է ինչպես իր վերջին խաղը: Նրան անվանում են ՊՍԺ-ի հրաշամանուկ, քանի որ դեռ 22 տարեկանում հասցրել է Բրազիլիայի հավաքականում ավելի շատ գոլերի հեղինակ դառնալ, քան Ռիվալդոն ու Ժաիրզինյոն իրենց ամբողջ ֆուտբոլային կարիերայի ընթացքում։ Newmag հրատարակչության Լուկա Կայոլիի «Նեյմար» գիրքը նրա կարիերայի ամենահիշարժան դրվագների, կյանքի փիլիսոփայության ու պարտությունների մասին է: Այս հոդվածում բացահայտել ենք Նեյմարի հաջողության գաղտնիքները:
Համեստ մանկությունն անցել է պար, երգ, երաժշտությամբ տարված և միշտ ֆուտբոլով ոգեշնչված: Հայրը ֆուտբոլիստ էր. հենց նրա հետ էլ Նեյմարը գնում էր մարզումների ու հանդիպումների: Հարցազրույցներից մեկում խոստովանել է՝ հոր շնորհիվ էտարվել ֆուտբոլով. «Նա էր, որ դեռ փոքրուց սովորեցնում էր խաղալ և խորհուրդներ տալիս տեխնիկայի մասին: Հորս որպես ֆուտբոլիստ ավելի շատ հիշում եմ կարիերայի ավարտին, քանի որ ես շատ փոքր էի, երբ նա սկսեց խաղալ»:
Ֆուտբոլը թիմային խաղ է, և ես դուրս եմ գալիս խաղադաշտ՝ օգնելու իմ թիմակիցներին: Իհարկե, թիմի ներսում անհատական տաղանդն օգնում է, բայց վերջում հաղթողը թիմն է:
Նեյմարի խորհուրդը՝ պետք է միշտ կատարելագործվել, զարգացնել կարողություններն ու կանգ չառնել. «Երբ դուրս ես գալիս խաղադաշտ, պետք է ամբողջությամբ տրվես խաղին ու չմտածես, որ չորեքշաբթի կամ շաբաթ կա մեկ այլ խաղ:Ֆուտբոլում երբեք չգիտես, թե ինչ կարող է պատահել, դրա համար, ով էլ որ լինի մրցակիցդ, պետք է դուրս գաս քո լավագույն մակարդակով»:
Նեյմարի նշանաբաններից՝ երախտապարտ լինել նրան, ով օգնում է քեզ ամենադժվար պահերին: Ֆուտբոլն այն խաղն է, որ միանգամից կարող է բացահայտել մարդկային հատկանիշները. «Ֆուտբոլը թիմային խաղ է, և ես դուրս եմ գալիս խաղադաշտ՝ օգնելու իմ թիմակիցներին: Իհարկե, թիմի ներսում անհատական տաղանդն օգնում է, բայց վերջում հաղթողը թիմն է: Միշտ պետք է կատարելագործվել: Երբ փոքր էի, հայրս մի անգամ ասաց՝ մարզումն ավարտելուց հետո պետք է ուժասպառ լինել,և ես մինչ օրս էլ խաղադաշտից հեռանում եմ ուժասպառ»:
Կարդացեք նաև
- Նոր սկանդալ Նեյմարի շուրջ. Նրան անվանում են «կապիկ», իսկ մարզաշապիկով մաքրում ոտքերը (տեսանյութ)
- Սկանդալային հայր, բայց լավ գործակալ. ո՞վ է Նեյմար Սանթոսը և ինչպես իր երեխային դարձրեց թոփ աստղ
Խաղադաշտում, թե խաղադաշտից դուրս Նեյմարը նույն մարդն է՝ կենսախինդ, աշխատասեր: Նախընտրում է հաճախ լինել տանն ու հարազատներով շրջապատված.«Ես սիրում եմ տանը լինել, ոչինչ չանել, խոսել, թղթախաղ, տեսախաղեր, երաժշտություն լսել: Ինձ դուր է գալիս լինել ընտանիքի և ընկերներիս հետ, խորոված անել: Երջանկությունն ինձ համար ամենակարևորն է: Համոզված եմ, որ երջանիկ լինելն արտացոլվում է իմ առօրյա կյանքում»: