[Պանելային քննարկում] Գինեգործությունը Հայաստանում (տեսանյութ, լուսանկարներ)
![newmag-y-n](https://newmag.am/public/assets/images/posts/5849/51ab3159445c0071b80503529b371b3d.jpg)
Խորհրդավոր պատմություն՝ հյուսված բիզնես խարդավանքների ու գինու փիլիսոփայության շուրջ: Newmag-ի փետրվարյան հրատարակություներից «Անապակ առեղծված» գիրքը թրիլլեր է՝ լի պատմագիտական հետազոտություններով ու հնագիտական աղբյուրների վերաբերյալ տեղեկություններով: Ձ
«Անապակ առեղծված» թրիլլերում հեղինակը ներկայացնում է 2000-ականների սկզբին գինեգործների մի պատմություն: Աշխարհի տարբեր մասերից Հայաստան են տեղափոխվում փորձառու գինեգործներ, ու սկսում վերականգնել գինեգործության ավանդույթները։ Գինուց կրքերն անպակաս են. սկսվում է խարդավանքների մի ամբողջ լարված կծիկ, որի հանգույցները քանդելու համար միասին բացահայտում են խարդախներին և լուծում բոլոր վեճերը:
Վահան Զանոյեանի խոսքով, այս գիրքը գրել է մի քանի նպատակով՝ ցույց տալ աշխարհին, որ գինեգործության կենտրոն Հայաստանում այս ոլորտը զարթոնք է ապրում և ներկայացնել հայկական գինու պատմությունը՝ տեսակներով, համերով, բույրերով.. «Երկար տարիներ մեր երկրում գինին սպառելու մշակույթ չկար: Այս հարցում Հայաստանում մեծ գործ են արել հայ գինեգործները: Հովակիմն, օրինակ: Հետո կամաց-կամաց մարդիկ վարժվեցին գինուն, համտեսին, կարողացան վերլուծել ու հասկանալ ինչպես վայելել այն: Կարևոր է, որ սպառելն էլ հասկանան»:
Հովակիմ Սաղաթելյանին ընկերները գինու փիլիսոփա են կոչում: Նա ոչ միայն գինեգործությամբ է զբաղվում, այլև Երևանի կենտրոնում գինետների բացման գործում մեծ դեր է ունեցել: Այցելուներին սովորեցնում է նաև գինու մշակույթը՝ բաժակից մինչև օրվա որ ժամին ու որ ուտեստի հետ ինչ գինի պատվիրել. «Գինի պետք է միշտ խմել: Օրինակ, քնելուց պարտադիր երկու բաժակ: Գինին բերում է անկեղծության, գինու, խաղողի մշակույթն այնքան խորն է մեր երկրում, որ այս գրքի միջոցով կարելի է ճանաչել մեր պատմությունը»:
Գինեգործ Վարուժան Մուրդյանը երկու տասնամյակ առաջ Ամերիկայից Հայաստան տեղափոխվեց մեկ նպատակով՝ հայրենիքում զարգացնել գինեգործությունը: Գինու սիրահարներին հրավիրում է իր գործարան. եկեք, շրջեք, համտեսեք ու ծանոթացեք երկրի պատմությանը. «Գինու ընկալումը տեղի է ունենում աչքերով, բույրով ու քիմքով: Բայց իրականում գինին ավելի շատ շերտեր ունի, որոնք կան, բայց բացահայտված չեն: Զանոյեանը գինեսեր է, նաև արվեստագետի հոգու աչքեր ունի, որը շատ բաներ է տեսել ու վերարատադրել դրանք իր գրքում»:
Գինին մեր ազգային մշակույթի բաղկացուցիչ մասն է: Ամեն երկիր իր համար բրենդներ է փնտրում, իսկ մեզ մնում է արդեն գոյություն ունեցող ապրանքանիշը պարզապես փաթեթավորել ու ի ցույց դնել աշխարհին: «Անապակ առեղծված» գիրքը փաթեթավորման մի վառ օրինակ է՝ համոզված են պանելային քննարկման մասնակիցները:
Կարդացեք նաև
Կարդա նաև
![Հեռուստաշնորհանդես / Քարեն Մակմանուս, «Մեզնից մեկը հաջորդն է»](https://newmag.am/public/front/assets/images/placeholder.jpg)
Հեռուստաշնորհանդես / Քարեն Մակմանուս, «Մեզնից մեկը հաջորդն է»
![Հարց, որ բոլորին է հուզում՝ Արդյոք Հիսուս Նազովրեցին իսկապես Հարություն էր առել (տեսանյութ)](https://newmag.am/public/front/assets/images/placeholder.jpg)
Հարց, որ բոլորին է հուզում՝ Արդյոք Հիսուս Նազովրեցին իսկապես Հարություն էր առել (տեսանյութ)
![newmag-ի որ գրքերն են հայտնվել 21-րդ դարի լավագույն 100 գրական գործերի ցանկում](https://newmag.am/public/front/assets/images/placeholder.jpg)
newmag-ի որ գրքերն են հայտնվել 21-րդ դարի լավագույն 100 գրական գործերի ցանկում
![2 նոր գիրք` «Երազ» մանկական մատենաշարից (տեսանյութ)](https://newmag.am/public/front/assets/images/placeholder.jpg)
2 նոր գիրք` «Երազ» մանկական մատենաշարից (տեսանյութ)
![Book donation / Vanadzor. 500 գիրք Վանաձորի գրադարաններին (լուսանկարներ)](https://newmag.am/public/front/assets/images/placeholder.jpg)