Գնել Նալբանդյան. Հայկական ֆինանսական շուկայի Ցեղասպանությունը

Խուճապարարներին (պանիկյորներին) պատերազմի ժամանակ տեղում գնդակահարում են առանց դատ ու դատաստանի: 2014-ի դեկտեմբերի 2-րդ կեսը պատերազմական իրավիճակ էր Հայաստանի ֆինանսական շուկայում: Դրամը մահացու ջղաձգման մեջ էր, րոպե առ րոպե կորցնում էր իր ձգողականության ուժը` դեպի տիեզերքի անհունի մեջ անէանալու ոչ նյութական մղումով:
Ապրանքների գները սկսել էին անկանոն սավառնել գնացուցակների անիրական երկնակամարում` դառնալով իռացիոնալ մեծություններ: Ամեն բան ակնթարթորեն թանկանում էր` յուրաքանչյուր տվյալ պահին չվաճառվելու խոստումով:
Գնորդ- սպառողները, մոռանալով բանական արարած լինելու երկնային պատասխանատվությունը, սկսել էին հողաթափիկ ինֆուզորիաների մոլոգարությամբ խփշտել սուպերմարկետներում մնացած շաքարի, ալյուրի, հնդկաձավարի վերջին պարկերը: Ի՞նչ կատարվեց 2015-ից 2 շաբաթ առաջ:
Պետական դավադրություն: Կամ առնվազն պետական հանցագործություն: Ֆինանսական հեղաշրջման մասամբ էֆեկտիվ փորձ: Հայկական ֆինանսական շուկայում տեղի ունեցավ այն, ինչ 1915-ին տեղի ունեցավ Արևմտյան Հայաստանում:

---

Գնել Նալբանդյան. Մայրիշխանությունն իրականում դեռ չի ավարտվել
Գնել Նալբանդյան. Գնոստիցիզմը և գնոստիկները
Գնել Նալբանդյան. Ցեղասպանությունը` շարունակելի. Թուրքիան միակը չէր ու չէ

---

Օգտվելով Առաջին համաշխարհայինի միջազգային հանգամանքից` Օսմանյան Թուրքիան գլուխ բերեց Հայոց ցեղասպանությունը: Ճիշտ 100 տարի անց, օգտվելով հակառուսական սանկցիաների միջազգային հանգամանքից, կրկին օտարներն իրականացրեցին «Դրամի անկումը ոչ շուկայական պայմաններում» օպերացիան` ապավինելով ապակողմնորոշված զանգվածի բնածին հակումը դեպի ամենափրկիչ խուճապն ու համահանրապետական քաոսը:
Դժվար գործ է առանց դատ ու դատաստանի գնդակահարելը սուպերմարկետները գրոհած աղքատների անպաշտպան զանգվածը, որը պատրաստ է իր վերջին 100-150 հազար դրամը նվիրաբերել շաքարավազի ևս 4-5 պարկ առնելու սուրբ գործին: Դժվար է այդ զանգվածի խուճապի շնորհիվ ակնթարթորեն միլիոնավոր դոլարներ շահած ֆիգուրանտներին պետական հանցագոր- ծության մեղադրանք ներկայացնելը: Ապացույցներ չկան: