Fashion դիմակահանդես

Միջնադարյան Վենետիկում վերնախավը սիրում էր դիմակներ կրել և տրվել խրախճանքներին՝ չբացահայտելով սեփական ինքնությունը։ Վերջին սեզոններին նորաձևությունը կրկին հիշել է դիմակների մասին։ Դիզայներներից մի քանիսն իրենց հավաքածուներում ցուցադրեցին մեկը մյուսից հետաքրքիր դիմակներ, և հաշվի առնելով դրանց գները՝ կարելի է եզրակացնել, որ, ինչպես միջնադարյան Վենետիկում, այնպես էլ այժմ դրանք աղքատների համար չեն։ Թաքցնել ինքնությունը կամ փոխել այն. հետաքրքիր, զվարճալի, որոշ դեպքերում՝ նույնիսկ միստիկ խաղ, որը, համոզված եմ, գայթակղում է շատերին։ Ամենաառաջադեմ դիզայներները վերջին մի քանի սեզոնների ընթաքում իրենց հավաքածուներում (նաև haute couture) ցուցադրում են ֆանտաստիկ գեղեցկության և շքեղության դիմակներ։
Արմեն Գալյան. 6 Must Have «Pitti»-ից

---

Վերջին շրջանում մեծ տարածում են գտել նաև կենդանիների գլուխներով դիմակները։ Դրանք շատ են fashion լուսանկարներում, գովազդերում (նույնիսկ հայկական) և երաժշտական տեսահոլովակներում։ Դարեր առաջ այսպիսի դիմակները կապված էին տոտեմների հետ, ավելի ուշ նույնպես ունենում էին միստիկ կամ խորհրդանշական իմաստ։ Բերված օրինակները կարծես ավելի շատ նորաձևության և շոու բիզնեսի ոլորտից էին: Սակայն կարծում եմ` պետք չէ դիմակն ընկալել որպես fashion և բեմական աքսեսուար. այն կրում են ամենատարբեր մարդիկ տարատեսակ երեկույթների ժամանակ, իսկ Ամանորին այդպիսի առիթներ կարող են լինել նաև մեր կյանքում։ Բայց ամենակարևորն այն է, որ դիմակ կրելիս չմոռանաք հանել այն: Եվ հիշե՛ք` ինչքան էլ հրապուրիչ լինի հորինված կերպարը, Ձեր իրական «ես»-ը շատ ավելի հետաքրքիր է։