A2B Transport. Երևանյան երթուղային ցանցը սմարթֆոնում

A2B Transport. Երևանյան երթուղային ցանցը սմարթֆոնում

newmag-ը երևանցիներին առաջարկում է A2B Transport հավելվածը, որն օգնում է արագ կողմնորոշվել տրանսպորտային երթուղիների որոնման հարցում:

Ո՞ր համարի միկրոավտոբուսն է Ավանից հասնում Աբովյան փողոց: Նյարդային վարորդներին և անցորդներին հարցուփորձ անելու փոխարեն՝ կարող եք դիմել A2B Transport հավելվածին: Այն օգնում է մարդկանց արագ կողմնորոշվել տրանսպորտային երթուղիների որոնման հարցում:

Ծրագրում ներառված են ավտոբուսների, տրոլեյբուսների և  միկրոավտոբուսների համարները և երթուղիները:

Երևանում գտնվող զբոսաշրջիկների, հյուրերի և մարզերից եկած ուսանողների համար  հավելվածը հասարակական տրանսպորտի մոբայլ ուղեցույց է:  Նշելով ուղղությունը հավելվածը իր բազայից փնտրում, գտնում և առաջարկում է ցանկալի տրանսպորտային միջոցի համարը:


[ Start up Հայաստանում ]


Հավելվածի հեղինակը Ռոբերտ Լեոնյանն է: Շուկան ուսումնասիրել է, շեշտում է՝ նման հավելվածներ և կայքեր կան, բայց անհարմար են։  A2B Transport –ի ինտերֆեյսը պարզ է,  ավտոբուսները նշված են մանուշակագույնով, միկրավտոբուսները՝ դեղինով, իսկ տրոլեյբուսները՝ կանաչով:

Անհարմար է, երբ  մարդիկ   ծանոթ չեն երթուղիներին  և ստիպված են  արագ֊ կարդալ միկրոավտոբուսներին մանր տառերով գրված ուղղությունները։

robert-info

Հավելվածն անվճար է, բացակայում է նաև ներքին գովազդը: Առայժ հեղինակը աշխատում է հավելվածում ավելանցնել նոր գործառույթներ, օգտատերերի համար այն դարձնելով ավելի ֆունկցիոնալ:  Օգտատերերին սխալ ինֆորմացիա չփոխանցելու համար տվյալները պարբերաբար թարմացվում են:

Հավելվածն աշխատում է նաև առանց ինտերնետի՝ օֆլայն ռեժիմում:

Առաջիկայում կավելանան  միջմարզային երթուղիները և  այն քաղաքները, որտեղ համակարգված  տրանսպորտային ցանց կա: Ծրագրի թարմացման հետ կավելանա գտնվելու վայրն ավտոմատ որոշելու ֆունկցիան: A2B Transport-ը կորոշի, թե այդ պահին օգտատերը որ կանգառի մոտակայքում է:

Հավելվածը գործում է միայն Android հարթակի համար,  A2B Transport-ը շուտով հասանելի կլինի նաև  iOS, Windows Mobile u Web տարբերակներով:

Գրել կարծիք