Բիլ Քլինթոն. Սեքս և սուտ

Բիլ Քլինթոն. Սեքս և սուտ

Ինչպե՞ս ԱՄՆ նախկին նախագահը հայտնվեց սեքսի և ստի երկընտրանքի առաջ: Ինչո՞ւ Հիլարին պաշտպանեց ամուսնոն, Սենատը` արդարացրեց Քլինթոնին: Զոհրաբ Հարոյանը post factum ներկայացնում է Բիլ Քլինթոնի սեքսուալ թուլության հետևանքները:

Վաշինգտոն, 1998 թվական: Փակ են բոլոր կառավարական կառույցները: Հանրապետականներն ու դեմոկրատները չեն կարողանում ընդհանուր հայտարարի գալ բյուջեի հարցում: Ոչ ոք Սպիտակ տանը անվճար չի աշխատում, միայն պրակտիկանտները: Եվ նախագահին պիցցա տանելը հիանալի հնարավորություն էր, որ 22-ամյա պրակտիկանտը ծանոթանա նախագահի հետ ու առանձնանա:

Քլինթոնի լիբիդոն մեկ անգամ չէ, որ անախորժությունների պատճառ էր դարձել:

Պոլա Ջոնսի հետ արկածը ուղեկցել էր նրան Սպիտակ տանը: Նեղ շրջանակները վաղուց գիտեին այդ մասին: Պոլա Ջոնսը լրատվամիջոցներին պատմեց անգամ մանրամասները:

-Նա նստեց բազմոցին, արձակեց տաբատը, թեքվեց դեպի ինձ ու օրալ ակտ խնդրեց,- հայտարարեց Պոլա Ջոնսը:

Պոլա Ջոնսը դատարան դիմեց` Բիլ Քլինթոնին մեղադրելով սեռական ոտնձգության մեջ: Ամերիկյան պատմության մեջ առաջին անգամ 1998 թվականի հունվարի 17-ին նախագահի դեմ հայց ներկայացվեց դատարան: Բիլ Քլինթոնին հրավիրեցին դատարան. դա արդեն իսկական սենսացիա է:

3XKRspoMՊոլա Ջոնսի հայցից հետո` հետաքննության ընթացքում, Քլինթոնը ստիպված եղավ պատասխանել մի քանի հարցի: Սկզբում բոլորը կենտրոնացած էին Պոլա Ջոնսի վրա: Մոնիկա Լևինսկուն այդ ժամանակ դեռ ոչ ոք չգիտեր, չէր ճանաչում, չէր լսել նրա մասին:

Եվ հանկարծ փաստաբանները նախագահին հարց տվեցին ինչ-որ Մոնիկա Լևինսկու մասին: Նրա խորհրդականները ցնցված էին:

Սենսացիան սկզբում հետաքրքրեց միայն լրագրողներին, ապա` ամբողջ երկրին: Դա ամենաեռացող լուրն էր ուղիղ տպագրատնից: Քլինթոնը Լևինսկուն թերևս ստիպել էր լռել: Իսկ նա լռության համար պետք է լավ տեղ ստանար Սպիտակ տանը: Քլինթոնը սկսեց հերքել ամեն ինչ: Եվ նա դա անում էր ոչ միայն տեսախցիկների, այլ նաև իր կնոջ առջև:

Դատախազներից մեկը սկսեց փորփրել Քլինթոնի քաղաքական ու ֆինանսական անցյալը: Կծիկը կամաց-կամաց սկսում էր քանդվել, և նախագահի համար ամեն ինչ դառնում էր ավելի ու ավելի վտանգավոր:


Հայկական «Մրրկահավն» ընդդեմ Հիտլերի «Բարբարոսայի»


Լինդա Տրիպն էր հիմնական վկան՝ Մոնիկա Լևինսկու ընկերուհին, որին նախագահի նախկին սիրուհին պատմում էր իր և Քլինթոնի սիրավեպի բոլոր մանրամասները: Քլինթոնի հանդեպ ատելությունը Տրիպին դրդել էր ձայնագրել նախագահի ու Լևինսկու բոլոր խոսակցությունները: Գործի ամենաթունդ պահին նախագահը ստացավ ամենազորեղ հարվածը. Տրիպը ձայնագրությունները հանձնեց Սթարին:

President Bill Clinton and first lady Hillary Rodham Clinton sit with Mario Hood, 12, student body president of the William Jefferson Clinton Elementary Magnet School in Sherwood, Ark., Jan. 4, 1995. Clinton was introduced by the 6th grade student at dedication ceremonies at the school which opened in August 1994. (AP Photo/Greg Gibson)

Կատարվածի նկատմամբ ամենահետաքրքիր դիրքորոշումը պահպանում էր ԱՄՆ առաջին տիկինը: Չնայած բոլոր սպասելիքներին՝ Հիլարի Քլինթոնը պաշտպանեց ամուսնուն: Անգամ հարցազրույցների ժամանակ նա շատ կտրուկ էր խոսում:

Հիլարի Քլինթոն. «Այդ բոլորը աջերի դավադրության արդյունքն է. նրանք փորձում են իմ ամուսնուն խորտակել այն օրից, ինչ նա առաջադրվել էր նախագահի թեկնածու»:

Թվում է, թե նախագահի կինը պետք է նոր սկանդալ բարձրացներ, անհավասարակշիռ հայտարարություններ աներ ու այդպես վրեժ լուծեր ամուսնուց, բայց Հիլարի Քլինթոնի պահվածքն ավելի շատ փորձառու քաղաքական գործչի, քան դավաճանության արժանացած կնոջ պահվածք էր: Ամբողջ սկանդալային դատավարության ընթացքում Հիլարին ոչ մի անգամ չսայթաքեց ու ոչ մի անգամ ամուսնուն որևէ մեղադրանք չներկայացրեց:

Չնայած այդ ամենին՝ նախագահի ու Մոնիկա Լևինսկու հարաբերությունների նորանոր մանրամասներ էին ի հայտ գալիս՝ նվերներ նախագահից, օրալ սեքս Օվալ սենյակում: Նախկին պրակտիկանտ Լևինսկին հանկարծ ու միանգամից աստղ դարձավ: Միացյալ Նահանգների նախագահի ճակատագիրը հայտնվեց նրա ձեռքում, բայց նա շարունակ լռում էր: Նախագահը՝ հերքում:

Լևինսկու կապույտ զգեստը դարձավ սեքսի հիմնական ապացույցը: Հենց այդ զգեստի վրա էին գտնվում նախագահի սերմնաբջիջների հետքերը: Նախագահին պատին դեմ տվեցին: Նա խոստովանեց, որ հարաբերություններ է ունեցել Մոնիկա Լևինսկու հետ:

Քլինթոն. «Այո՛, միսս Լևինսկու հետ ունեցել եմ անպարկեշտ բնույթի սեռական հարաբերություններ: Ես սխալ եմ գործել»:

Բիլ Քլինթոնը երկընտրանքի առաջ կանգնեց. կա՛մ պետք է ներողություն խնդրեր սեքսի համար, կա՛մ պետք է ներողություն խնդրեր ստելու համար: Երկրորդը շատ ավելի դժվար էր ու աններելի:

Քենետ Սթարը Ներկայացուցիչների պալատում հանդես եկավ զեկույցով: Նախագահի դեմ նոր գործ բացեցին: Հայտնի դարձան վիճահարույց սիրավեպի բոլոր մանրամասները:

Ամբողջ աշխարհն էր խոսում պոլիտմինետի մասին: Բայց ամեն ինչ շատ ավելի բարդ էր:Նախագահը ստե՞լ էր: Այս հարցի պատասխանից էր կախված գործադիր բարձրագույն մարմնի ղեկավարի ճակատագիրը:

Սթարը համոզված էր, որ նախագահին կարելի է պատժել: Ներկայացուցիչների պալատը քվեարկեց հօգուտ իմփիչմենթի: Բիլ Քլինթոնի քաղաքական ապագան կախված էր սենատորներից: Իրավիճակը բարդ էր: Իմփիչմենթի համար պահանջվում էր ձայների երկու երրորդը:

Բիլ Քլինթոնի խոստովանությունից հետո սկսվեց հանրապետականների երազանքների ժամանակաշրջանը: Երկար տարիների պարտությունից հետո նրանք վերջապես կրկին պայքարելու հնարավորություն էին ստացել: Եվ ահա Ճշմարտության ժամանակը:

Սենատ. «Ամբաստանյալ Վիլյամ Ջեֆերսոն Քլինթոնը` Միացյալ Նահանգների նախագահը, անմեղ է»:

Սենատի աննախադեպ որոշումից ու նախագահի հնարամիտ քայլից նույնիսկ նրա նախկին սիրուհին՝ Պոլա Ջոնսն էր շոկի մեջ: Մանավանդ որ մինչև վերջ հավատում էր, թե նախագահը վերջապես ծնկի է գալու:

Իսկ պրակտիկա՞նտը: Աշխարհի ամենահզոր մարդու հետ նրա սիրավեպը վերածվեց լավ բիզնեսի: Գործընթացից երկու ամիս անց հրատարակվեց Լևինսկու գիրքը՝ «Մոնիկայի պատմությունը. պրակտիկանտի ու նախագահի պատմությունը»:

Մոնիկան այդպես էլ չխոսեց, միայն գրքով, գուցե մի քիչ ճոխացրած, գուցե հնարած, բայց աղջիկը, որ ընդամենը մի քանի անգամ նախագահին շատ մոտ էր եղել, դարձավ նույնքան հայտնի ու հարուստ:

Նիքսոնը տարիներ առաջ հեռացավ Ուոթերգեյթյան սկանդալի պատճառով, իսկ Բիլ Քլինթոնի սիրավեպը համարվեց ընդամենը վայրկենական թուլություն ու ներվեց:

Գրել կարծիք