Գիտակցեք, ընդունեք և կարեկցեք. երեք պարզ քայլ՝ միայնությունը հաղթահարելու համար
Գիտակցում
Նախ անհրաժեշտ է գտնել խնդրի աղբյուրը: Հիշեք, որ պահից եք ձեզ միայնակ զգացել, ինչից սկսվեց այդ զգացումը: Տառապո՞ւմ եք անքնությամբ, կրծքավանդակի շրջանում ցա՞վ եք զգում, շնչառությո՞ւնն է անկանոն. այս ամենը կարող է նաև միայնության զգացողության հետևանք լինել:
Ընդունում
Միայնակ մարդիկ հաճախ են խուսափում անկեղծ լինել իրենք իրենց հետ: Նրանք ամբողջությամբ նվիրվում են աշխատանքին, օրը լցնում գրքով, կինոներով կամ օնլայն խաղերով, միայն թե չհիշեն, որ մենակ են: «Փախուստի» այս միջոցը կարճ ժամանակով է օգնում խուսափել բացասական մտքերից:
Կարդացեք նաև.
- Ինչու՞ եք մինչև հիմա միայնակ․ ահա 3 պատճառ
- Դադարեք արդարանալ. դա ձեզ միայն թուլացնում է
- 17 բարի գործ, որ կարելի է անել հենց այսօր. ո՞րն է ձեր վերջին բարի արարքը
Փախուստի մյուս միջոցը՝ փորձել հասկանալ, թե ինչու եք մենակ: Հաճախ միայնակ մարդկանց թվում է, թե հենց հասկացավ, ինչու է միայնակ, կարող է հեշտությամբ ազատվել դրանից, ամեն ինչ փոխել իր կյանքում, սակայն դա այդպես չէ: Նախ հոգեբաններն առաջարկում են առանց ընդդիմանալու ընդունել ու զգալ միայնությունն ամբողջությամբ:
Կարեկցանք
Անընդհատ հիշեցրեք ձեզ, որ շրջապատի մարդիկ էլ կարող են իրենց միայնակ զգալ: Դա բնական է, դրա միջով բոլորն են անցնում: Բոլորն էլ ժամանակ առ ժամանակ իրենց միայնակ են զգում: Փորձեք կողքից նայել ձեզ, մտահոգվել ձեր մասին ճիշտ այնպես, ինչպես կմտահոգվեիք ուրիշի համար:
Եթե ունեք մտերիմ մարդիկ, որոնց կարող եք վստահել, կիսվեք ձեր մտահոգություններով, պատմեք առաջին հայացքից ամենահիմար վախերի մասին: Վստահ եղեք, կհասկանաք, որ իրականում մենակ չեք:
Մենակությունը նաև իր դրական կողմերն ունի. այն կարող է հուշել, որ ձեզ շրջապատող մարդկանց հետ հարաբերությունները չեն բավարարում ձեզ, կօգնի վերանայել ու վերաշտկել դրանք: Ի վերջո, միայնակության զգացողության գիտակցումն ու ընդունումը սովորեցնում է մտահոգվել ու օգնել նաև նման իրավիճակում հայտնված մարդկանց:
Տարածել
Կարդա նաև
Բացառիկ հարցազրույց Մանուշյանների առաջին հուշագիր, պոետ Մարկ Դըլուզի հետ (տեսանյութ)
Առաջին գրողն Արևմտյան Աֆրիկայից, որը արժանացել է Ֆրանսիայի ամենահեղինակավոր գրական Գոնկուր մրցանակին (տեսանյութ)
Տեղի ունեցավ Էլենա Ֆերանտեի «Կորած երեխայի պատմությունը» գրքի հեռուստաշնորհանդեսը (տեսանյութ)
Ինչ նախագծեր ու ծրագրեր է իրականացրել այն բարերարը, ում Ադրբեջանը ցանկանում է դատապարտել ցմահ (տեսանյութ)