Մահացել է քրեական կայսրության պարագլուխը. ո՞վ էր մարդկանց հնձող «Տրակտոր Բինուն»
Իտալիայի բանտերից մեկում 84 տարեկանում մահացել է «Կոզա Նոստրա» քրեական կայսրության պարագլուխ Բերնարդո Պրովենցիանոն:
Ո՞վ էր «հորեղբայր բինուն»
Իտալական մաֆիան նրա ձեռքում էր 1993 թվականից, երբ այդ պաշտոնում «հորեղբայր Բինուն» կամ ինչպես նրան անվանում էին՝ «հաշվապահ», փոխարինեց Տոտո Ռիինաին: Նա զբաղեցրել էր ոստիկանության ձեռքն ընկած «կնքահայր» Տոտո Ռիինայի տեղը: Պրովենցանոն հայտնի է նաև «Տրակտոր Բինու» մականունով, որը նա ստացել էր մարդկանց անխնա «հնձելու» համար:
43 տարի արդարադատությունից խուսափելուց հետո 2006-ին Պրովենցիանոն հայտնվեց ճաղերի հետևում ամենախիստ պայմաններում` ցմահ ազատազրկման 3 ժամկետով: Ըստ իտալական լրատվամիջոցների, Պրովենցիանոն տառապում էր միզապարկի քաղցկեղից:
Ինչպե՞ս է առաջացել «Կոզա Նոստրա» խմբավորումը
13-րդ դարում Սիցիլիան թալանում էին ոչ միայն ալժիրյան ծովահենները, այլ նաև ֆրանսիական վարձու զինված ջոկատները, որոնք ծառայում էին հյուսիսիտալական դքսերին և կոմսերին: Սիցիլիացիների կազմակերպված զինված պայքարը ֆրանսիացիների դեմ սկսվեց 1282 թ.-ին՝ «Morete alla Francia, Italia anela» ՝ «Մեռի՛ր Ֆրանսիա, շունչ ա՛ռ Իտալիա» կարգախոսով: Սիցիլիացիների կոչի հենց առաջին տառերից էլ կազմավորվեց «մաֆիա» բառը: Շուտով ինքնապաշտպանության խմբավորումները վերածվեցին արհեստավարժ մարտիկների և սկսեցին գյուղացիներից գումար վերցնել՝ արտաքին թշնամիներից նրանց պաշտպանելու համար: 19-րդ դարում միասնական կառույց դարձած մաֆիան նույնիսկ փորձեց անջատել կղզին Իտալիայից, սակայն պարտություն կրեց:
Կարդացեք նաև.
- Ալ Կապոնե. Իդեալական գանգստերի ճանապարհը` հանցագործից մինչև ոստիկանապետի խորհրդական
- Պաբլո Էսկոբար. Մոլորակի N 1 թմրաբարոնն ու հարեմի տիրակալը
- Յակուձա` Լոտոսի արնածաղիկ. Կաձուո Տաոկայի մահն ու հուղարկավորությունը
- «Որոգայթ». Էսթետիկացված գանգստերական միֆ
Ի՞նչ է նշանակում «Կոզա Նոստրա»
19-րդ դարի վերջում հազարավոր սիցիլիացիներ, փախչելով աղքատությունից և կլանային պատերազմներից, տեղափոխվեցին ԱՄՆ: ԱՄՆ-ի խոշոր քաղաքներում ստեղծվեց «Կոզա Նոստրա»-ն, որը թարգմանաբար նշանակում է «Մեր գործը»: Այն իտալական «ընտանիքների» ցանց էր, որը վերահսկում էր խաղատները, մարմնավաճառությունը, ալկոհոլի, ծխախոտի և զենքի անօրինական շրջանառությունը, ինչպես նաև զբաղվում դրամաշորթությամբ:
Սիցիլիական բոլոր «կոնսորտերիաներ»-ը կազմում են մի ամբողջություն, որը ղեկավարվում է Capo di tutti Capi-ի՝ բոլոր գլուխների գլխի կողմից: Մաֆիոզ խմբավորման կարևոր անդամներից են համարվում նաև վարձու մարդասպանները (icciotti di ficatu), թիկնապահները (stopalieri), դատավորները (gabellotti) և խորհրդատուները (consiglieri):
Լոնդոնյան «Daily News» և իսպանական «Diario» թերթերի կազմած աշխարհի ամենավտանգավոր մաֆիոզ խմբավորումների տասնյակում սիցիլիական և ամերիկյան «Կոզա Նոստրա» խմբավորումը զբաղեցնում է 2-րդ հորիզոնականը:
Տարածել
Կարդա նաև
Բացառիկ հարցազրույց Մանուշյանների առաջին հուշագիր, պոետ Մարկ Դըլուզի հետ (տեսանյութ)
Առաջին գրողն Արևմտյան Աֆրիկայից, որը արժանացել է Ֆրանսիայի ամենահեղինակավոր գրական Գոնկուր մրցանակին (տեսանյութ)
Տեղի ունեցավ Էլենա Ֆերանտեի «Կորած երեխայի պատմությունը» գրքի հեռուստաշնորհանդեսը (տեսանյութ)
Ինչ նախագծեր ու ծրագրեր է իրականացրել այն բարերարը, ում Ադրբեջանը ցանկանում է դատապարտել ցմահ (տեսանյութ)