Ի՞նչ կոշիկ հագնել այս աշնանը. 2017-ի կոշիկային թրենդները

Ի՞նչ կոշիկ հագնել այս աշնանը. 2017-ի կոշիկային թրենդները

Այս տարվա կոշիկների նորաձևության միտումները կզարմացնեն նույնիսկ ամենաէքստրավագանտ  մոդայիկներին՝ մետաղական փայլ, բուրգ-կրունկներ, մորթի:

Գլիտեր

Դիզայներներն արդեն  զգուշացրել են՝ սա համարձակների աշունն է: Բավականին ուսուցողական ցուցադրությունն էր Chanel-ի հավաքածուն Փարիզի նորաձևության շաբաթվա ժամանակ՝ հեքիաթային ճտքակոշիկներ՝ զարդարված բյուրեղներով ու ապակյա բիսերներով:

 

Շեշտը

Շեշտը պետք է լինեն կրունկները, ամեն ինչ պետք է տեղի ունենա կրունկների շուրջ: Կրունկները պետք է զարդարված լինեն խոշոր քարերով, կոճակներով, ուլունքներով: Դրանք կարող են լինել բուրգի, լուսնի, գնդի ու նույնիսկ սրտի տեսքով:

Մետաքս

Հայտնիության գագաթին են  գտնվում մետաքսից ու սատինից, ժանյակավոր կամ առանց ժանյակի, վառ, միատոն կոշիկները: Մի զույգ մետաքսից նավակ կոշիկ, մարգարիտներով զարդարված, թանկարժեք քարերով՝ այս ամենը պարտադիր պայման է երեկոյան լուքի համար: Աշնան համար կարող եք ընտրել ժանյակով զարդարված մետաքսից բոտիլյոններ:


Նորաձևության մասին կարդացեք նաև.


 

Կարմիր ճտքակոշիկ

Ո՞վ երբեք չի ուզել ունենալ գոնե մեկ կարմիր ճտքակոշիկ: Կարմիր բարձր ճտքակոշիկը համադրեք սև թավշյա զգեստի կամ կոկտեյլային մետաղական գույնի զգեստի հետ:

Սլաուչ

2017-ի ևս մեկ պոպուլյար միտում, որը մեզ է հասել ութսունականներից: Սլաուչի ճտքակոշիկները փափուկ կաշվից են, որոնց սրունքի հատվածը պետք է մի քիչ հավաքված ու ճմրթված լինի: Սլաուչները կարող են լինել ոչ միայն կաշվից, այլ նաև կտորից:

Գունավոր մորթի

Դե, իհարկե, էլ ինչ աշուն, առանց մորթու: Այն էլ այս տարի: Գունավոր, արհեստական մորթին տարվա գլխավոր միտումներից է: Որքան վառ, այնքան լավ:  Քանի դեռ չի եկել խորը աշունը, ընտրեք գույնզգույն մորթիով կոշիկներ: Ցրտերը մոտենալուն պես, ընտրեք նաև մորթիով կեդեր, սպորտային կոշիկներ:

ELLE

Գրել կարծիք