ֆինանսական 9 խոստում, որոնք կարող եք կատարել մինչև Ամանոր
1. Որոշեք, թե ինչ եք ուզում
Դուք չեք հասնի հաջողության, եթե չհասկանաք, ինչ եք ուզում: Դրեք կոնկրետ նպատակներ ոչ թե մեկ, այլ առաջիկա երեք տարիների համար: Ուզում եք առաջիկա կես տարում վճարել պարտքե՞րը, վարկերը, հավաքել գումար բնակարան գնելու համար: Գրանցեք ամեն մի նպատակը ու այն մոտավոր պլանը, թե ինչպես եք դրան հասնելու:
2. Կազմեք բյուջե
Այն պետք է լինի պարզ, ռեալիստական ու ճկուն: Կազմեք ձեր բյուջեն` հաշվի առնելով ձեր կարճաժամկետ ու երկարաժամկետ նպատակները, ինչպես նաև`եկամուտներն ու ծախսերը:
3. Կրճատեք ծախսերը 5%-ով
Մտածեք, ինչպես հաջորդ տարի կրճատել ծախսերը 5%-ով: Գուցե, հրաժարվեք մարզասրահի աբոնեմենտից, եթե չեք հաճախում, ընտրեք ավելի էժան սակագնային փաթեթ, ընթրեք տնից բերված ուտելիքով: Կարևոր չէ, թե քանի տոկոսով կնվազեցնեք ծախսերը, կարևորն այն է, որ ձևավորեք ավելի մտածված ֆինանսական սովորություններ:
4. Նոր վարկեր մի վերցրեք
Շատ վարկեր, շատ վճարվող տոկոսներ, ավելի շատ սթրես ու ավելի քիչ հնարավորություններ հաջորդ տարում:
5. Գլուխ հանեք արդեն եղած պարտքերից
Երբ ձեր ծախսերը կրճատեք 5%-ով, մնացած միջոցներն ուղղեք կուտակված պարտքերը վճարելուն: Գործին մոտեցեք ռազամավարական տեսանկյունից. սկզբում վճարեք ամենաբարձր տոկոսադրույք ունեցող վարկերը:
Կարդացեք նաև․
- Առևտրային պայքար Ղազախստանի ու Ղրղզստանի միջև. Ո՞ւր կտանի այն՝ ժամանակին բարեկամ, իսկ այսօր թշնամի պետություններին
- [Meduza] «Դրախտային կղզիների արխիվը». Nike-ի, Apple-ի և ռուսաստանյան բեռնափոխադրումների կենտրոնը
- Ի՞նչն է Ձեզ խանգարում հարստանալ և հասնել ցանկալի նպատակներին. Խուսափեք անհեռատես որոշումներից
6. Բացեք անձնական կենսաթոշակային հաշիվ
Այդպես կսկսեք կուտակել կենսաթոշակի համար: Մի հետաձգեք այդ գործը, ավելի լավ է նախապես մտածեք ապագայի մասին:
7. Պահուստային ֆոնդ պահեք
Կյանքն անկանխատեսելի է: Այդ պատճառով, միշտ պետք է ունենաք պահուստային միջոցներ, որպեսզի արտակարգ իրավիճակներում կարողանաք փակել ամենօրյա ծախսերը: Այդ դեպքում, ստիպված չեք լինի կուտակել նոր պարտքեր, եթե, օրինակ, կորցնեք աշխատանքը, հիվանդանաք կամ որոշեք նորոգել տունն ու ավտոմեքենան:
8. Հավաքեք մանրադրամը
Ամեն անգամ կանխիկ վճարում անելով` մանրադրամը մի ծախսեք: Հավաքեք այն: Տարվա վերջում դուք կունենաք կլորիկ գումար, որը կարող եք ավելացնել պահուստային ֆոնդին:
9. Հավելյալ եկամուտ
Ֆինանսական վիճակը բարելավելու երկու միջոց կա` քիչ ծախսել կամ ավելի շատ աշխատել: Կարելի է նաև այդ երկու մեթոդները համատեղել: Մտածեք, ինչպես կարող եք հիմնական աշխատանքից հետո գտնել հավելյալ եկամուտի աղբյուր:
Տարածել
Կարդա նաև
Լայնեզր գլխարկով, գոթական ոճով բարոնուհին ու էքսցենտրիկ գրող Ամելի Նոտոմբը (տեսանյութ)
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)