Ծնողական հսկողություն. Ինչպե՞ս հետևել երեխային, բայց միևնույն ժամանակ չափը չանցնել
Վերահսկում ենք իրականությունը
Հսկողությունը մեծանում է երեխայի մեծանալուն զուգահեռ: Նորածնին կարելի է հետևել տեսադայակի օգնությամբ, բայց երբ երեխան մեծանում է դժվարանում է նաև նրա տեղաշարժը հսկելը, անհրաժեշտություն է առաջանում այլ միջոցներ ձեռնարկել:
Հանրային պալատի վիճակագրական տվյալով տարեսկզբից ՌԴ-ում կորել է 1350 մարդ, որից 300-ը` երեխաներ: Parents, Teens and Digital Monitoring հետազոտական կենտրոնի տվյալով ծնողների 39%- ը զտում է տեղեկությունը, որը կարող են ստանալ երեխաները համացանցից և միայն 19 %-ն է վերահսկում երեխաների գտնվելու վայրը սմարթֆոններ ներբեռնած հատուկ ծրագրերի միջոցով: Ամենակարևորն այստեղ այն է, որ տհաճ «որտեղ ես» հարցն այլևս ակտուալ չէ: Միևնույն ժամանակ, սմարթֆոնը կարելի է կորցնել, դա առաջին բանն է, որ երեխայից կխլի փողոցում հանդիպած խուլիգանը:
Lexand Kids Radar- ը մանկական ժամացույց է ներկառուցված GPS համակարգով. Դրանց միջոցով հեշտությամբ կարելի է վերահսկել երեխային, նրա գտնվելու վայրի մասին ամբողջ տեղեկությունը փոխանցվում է ծնողի հեռախոսին: Սարքն ունի նաև Wi-Fi կետերին միանալու հնարավորություն, որը թույլ է տալիս գտնել այն ցանկացած վայրում: Այն նաև քարտեզի վրա անվտանգ վայրերը նշելու հնարավորություն է տալիս: Երբ երեխան հատում է անվտանգ վայրի սահմանը, ծնողն անմիջապես ստանում է ազդանշան:
Գաջեթի թերևս ամենակարևոր առավելությունն ահազանգի կոճակն է: Երեխան կարող է սեղմել այն ծնողին ուղարկելով վտանգի ազդանշան: Դուք կարող եք անջատել ծանուցումների ազդանշանները և պայմանավորվել, որ կարձագանքեք միայն ահազանգի ազդանշանի ժամանակ, այսպես երեխան անընդհատ հսկողության զգացումից իրեն ընկճված չի զգա: Kids Radar-ն ունի նաև գաղտնալսելու հնարավորություն, Դուք կարող եք լսել` ինչ է կատարվում այն տարածքում, որտեղ երեխան է: Օրինակ, եթե երեխան սեղմել է ահազանգի կոճակը կարող եք լսել, թե ինչ է պատահել` վեճ դասընկերների հե՞տ, ագրեսիա ուսուցչի կողմի՞ց, թե՞ այլ բան: Ի դեպ անծանոթները չեն կարող «ահազանգել» գաջեթին:
Երեխաները հաճախ կորում են ամբոխի մեջ, առևտրի կոնտրոններում կամ տոնակատարությունների ժամանակ, դրա համար բավական է անուշադրության միայն մեկ պահ: Նման դեպքերը սովորաբար լավ ավարտ են ունենում, եթե չհաշվենք կորցրած նյարդային բջիջները: Այս դեպքում ձեզ օգնության կգա ուղեկցության ռեժիմը:
Երեխաների թեմաներով գրել ենք նաև․
- Երբ նորածինը պահանջում է մշտական ուշադրություն․ ինչպե՞ս խնայել ժամանակը և ուժերը
- Ինչպե՞ս պաշտպանել երեխաներին ոտնձգություններից. ահա 7 խորհուրդ
- Եկել է ծնողների ժամանակը. Ինչպես պաշտպանել երեխաներին
Վերահսկում ենք համացանցը
Երեխային վտանգավոր տեղեկությունից պաշտպանելու բազմաթիվ միջոցներ կան․
- Առանձին ծրագրերի կասեցում կամ դրանց սահմանափակում գաղտնաբառով,
- Ծրագրեր, որոնք ստեղծում են իրենց պաշտպանիչ շերտը սմարթֆոնում: Երեխան ուղակի չի կարողանա բացել այդ պատուհանները,
- Բրաուզերների կոնտենտի վերահսկում:
Կարելի է ընտրել այս բազմազանությունից ու հանգստանալ այնքան ժամանակ, քանի դեռ երեխան չի սովորել դրանք կոտրել, իսկ այդ պահն անպայման կգա: Միևնույն ժամանակ, եթե երեխան կարողացել է շրջանցել ձեր կողմից դրված արգելքները, ենթադրվում է, որ նա կարող է նաև ինքնուրույն զտել համացանցից ստացած տեղեկատվական հոսքը: Երեխան վաղ թե ուշ կբախվի բացասական տեղեկությանը, ծնողի պարտականությունն այն զտելը չէ, այլ բացատրելն է, թե ինչ է պետք անել:
Վերահսկողության հետ մեկտեղ միշտ առաջարկեք ազատություն․
- Վերահսկեք ֆիզիկական անվտանգությունը, բայց երեխային էլ ազատ կողմնորոշվելու իրավունք տվեք,
- Դուք նրան տալիս եք թրեքեր-ժամացույց, բայց նա պետք է ինքնուրույն հավաքի դպրոցական պայուսակը,
- Դուք պայմանավորվում եք, որ կմիացնեք տեղակայման վերահսկողության ֆունկցիան, բայց թույլ կտաք նրան դպրոցից հետո զբոսնել ընկերների հետ,
- Խնդրեք նրան ձեզ զանգել երեկույթից, որպեսզի դուք իմանաք ինչպես են գործերը, այլապես պայմանավորված ժամին, դուք կմիացնեք սարքն այդ մասին ինքնուրույն իմանալու համար,
- Սովորեցրեք երեխային սեղմել ահազանգի կոճակը և թույլ տվեք նրան գիշերել ընկերոջ տանը,
- Դուք սոցցանցում ընկերներ եք, բայց չգիտեք նրա անձնական էջի գաղտնաբառը։
Որքան մեծ է երեխան, այնքան ավելի շատ կարելի է նրան վստահել: Դժվար թե կարողանաք փակել համացանցը երեխայի առջև, այդ պատճառով սեփական անձի հանդեպ պատասխանատվության զգացումը պետք է դաստիարակել հնարավորինս վաղ հասակում:
Տարածել
Կարդա նաև
Կրթությունը որպես բիզնես առաջնահերթություն / Արտակ Ալեքսյանյանը՝ Beyond Podcast-ի հյուր
Անակնկալ Արմեն Դավթյանին. նոր գիրքը հրատարակվել է բանաստեղծից գաղտնի (լուսանկարներ)
Newmag-ը հրատարակել է Արմեն Դավթյանի «Հազարամյակների և օրերի միջով» պոեզիայի ժողովածուն (թրեյլեր)
Բացառիկ հարցազրույց Մանուշյանների առաջին հուշագիր, պոետ Մարկ Դըլուզի հետ (տեսանյութ)