Գնել Նալբանդյան. Թրամփի մենամարտը ամերիկյան մամուլի ու հետախուզական համայնքի դեմ

Ինչո՞ւ է Թրամփն ակտիվորեն մարտնչում ամերիկյան մամուլի դեմ: Նա ընտրել է 2 ներքին թշնամի, որոնց փետրահան է անում աջուձախ. մեկը մամուլն է, մյուսը՝ հետախուզական համայնքը: Թվում է՝ խելահեղ է պետք լինել սա անելու համար: Բայց մյուս կողմից՝ գիտենք, որ Թրամփը նախընտրական քարոզչության շրջանում հմտորեն շրջանցեց իրեն ոտնատակ տվող ամերիկյան մեյնսթրիմային մեդիան՝ հենվելով սոցցանցերի վրա:
Թրամփն ընտրարշավում հաղթեց՝ ի հեճուկս ԱՄՆ ԶԼՄ կոհորտի արշավանքների և այժմ նրանցից վախենալու առիթ չունի նույնքան, որքան չուներ քարոզարշավի ժամանակ: Նաև Թրամփը լավ է նայվում հենց հակամարտումների ֆոնին, այդ պատճառով նրան ոչնչով չեն վնասում այն տևտոնական բախումները մամուլի հետ, որոնք հավանաբար հենց ինքն էլ հրահրում է: Ճգնաժամում այսօր հայտնվել է ամերիկյան մամուլը, ոչ թե Թրամփը: Այդ ճգնաժամը ոչ թե այսօրյա է, այլ սիստեմային: Ամերիկյան ավանդական մամուլի դերը սոցցանցերի պատճառով անշեղորեն անկում է ապրում:
Թրամփը կարող է հանգիստ անտեսել իր դեմ գրող «The New York Times»-ի ընթերցողների կարծիքը, քանի որ գիտի՝ նրանց երբեք չի դարձնի իր կողմնակիցը: Նույնը՝ CNN-ի հետ, որն իրեն համարում է գրեթե Սպիտակ տան իշխանությանը հավասար ուժ: CNN-ի ներքին՝ ամերիկյան լսարանն իրականում 1 մլն-ից էլ քիչ է («FOX News»-ն ավելի մեծ լսարան ունի, քան CNBC-ն և CNN-ը՝ միասին):

• Ծիծեռնակաբերդում «հայրենասիրության ակտը շրջապատին ի ցույց դնելու» մոնումենտալ արարողության մասին


• Ժամանակի հիշողության մասին, որը կանխորոշում է մեր ապագան


• Երբ ազգային միֆերը վերածվում են անտանելի առօրյայի

newmag #77