Սարդինիայում երկարակեցության գաղտնիքը. կղզի, որի բնակիչները դարն ապրած մարդիկ են

Սարդինիայում երկարակեցության գաղտնիքը. կղզի, որի բնակիչները դարն ապրած մարդիկ են

Սարդինիա կղզու հարյուրամյա բնակիկչների քանակը 10 անգամ ավելի շատ է, քան երկարակեցության երկիր համարվող Հյուսիսային Ամերիկայում:

Զարգացած երկրներում կանայք 5-8 տարի ավելի երկար են ապրում, քան տղամարդիկ: Միակ վայրը, որտեղ և կանայք, և տղամարդիկ ապրում են նույն չափով,  Սարդինիա կղզին է:

Սարդինիա կղզին գնտվում է Միջերկրական ծովում Ապենինյան թերակղզուց հարավ՝ Սիցիլիա և Կորսիկա կղզիների միջև։ Մտնում է Իտալիայի կազմի մեջ և ունի ինքնավար մարզի կարգավիճակ։ Միջերկրական ծովի մեծությամբ երկրորդ կղզին է։ Այստեղ ապրում է 1.5 մլն մարդ:

Սարդինիա կղզու գաղտնիքը

Մասնագետներն ուսումնասիրել են ու պարզել, որ երկարակեցության գաղտնիքը սնունդը կամ ապրելակերպը չէ: Սարդինիա կղզու բնակիչներն իրար շատ մոտ են ապրում՝ բառի ուղիղ ու փոխաբերական իմաստով: Տները գրեթե կպած են, փողոցները՝ հաճախակի խաչվող: Այս կղզում մարդը երբեք չի կարող իրեն միայնակ զգալ: Մարդիկ շրջապատված են հարազատներով, բարեկամներով ու ընկերներով, ապրում են միմյանց մասին հոգ տանելով:

Մտերիմներ են համարվում այն մարդիկ, ովքեր անհրաժեշտության դեպքում պարտքով փող կտան, հիվանդանոց կտանեն, ծանր պահերին ձեր կողքին կլինեն: Անծանոթ մարդիկ անգամ մտերիմ են դառնում, եթե չեն խուսափում միմյանց հետ շփվել, հաճույքով են զրուցում, ցավը կիսում են, ուրախության մասին պատմում: Այս ամենն օգնում է սթրեսից դուրս գալ, մի տեսակ ցավազրկող ազդեցություն ունի, թույլ է տալիս հոգեպես վերածնվել:


Կարդացեք նաև.


Ինչու՞ են կանայք ավելի երկարակյաց

Կանայք, ի տարբերություն տղամարդկանց, մեծ ուշադրություն են դարձնում միջանձնային հարաբերություններին: Նրանք սիրում են իրենց շրջապատել մարդկանցով, զրուցել, անգամ ՝ բանբասել: Նրանք ունեն նվազագույնը երեք մտերիմ մարդ: Այս հարաբերությունները նման են պաշտպանական դաշտի, որն օգնում է թոթափել բացասականը:  

Ըստ էության, երկարակեցության գաղտնիքը մտերիմ հարաբերությունների ու սոցիալական ինտեգրման մեջ է:

LIFEHACKER

Գրել կարծիք