Ավստրիական վունդեռ-կանցլերը. Եվրոպան իր ձեռքն է վերցնում երիտասարդությունը
Սեբաստյան Կուրցն ընդամենը 31 տարեկան է: Ուսուցչի ու ինժեների ընտանիքում մեծացած երիտասարդը մասնագիտությամբ իրավաբան է: Նա համարվում էր աշխարհի ամենաերիտասարդ արտգործնախարարը: 2013 թվականին, երբ ընդամենը 27 տարեկան էր, դարձավ Ավստրիայի արտաքին գործերի նախարար: Հիմա էլ համալրել է աշխարհի երիտասարդ ղեկավարների շարքը: Հոկտեմբերի 15-ին Ավստրիայի խորհրդարանական ընտրությանը, որին մասնակցում էր 16 կուսակցություն, հաղթեց ազգային պահպանողական «Ավստիական ժողովրդական կուսակցությունը»: Հիմա սպասվում է, որ Ավստրիան կունենա կոալիցիոն կառավարություն՝ Կուրցի ղեկավարությամբ:
[caption id="" align="aligncenter" width="560"]
Սեբաստիան Կուրց, Ավստրիական ժողովրդական կուսակցության առաջնորդ | © Reiner Riedler–Anzenberger/Redux[/caption]
31-ամյա նախարարը բազմիցս է հայտարարել, թե կանցլերի պաշտոնը զբաղեցնելու դեպքում պայքարելու է ապօրինի միգրացիայի դեմ, կրճատելու է փախստականներին տրվող արտոնությունները, դրա փոխարեն աջակցելու է իր երկրի աղքատ քաղաքացիներին: Նա կոչ էր արել փակել մահմեդականների մանկապարտեզները, դեմ էր մուսուլման-կանանց դեմքը փակող հագուստին և իրեն համարում էր Մերձավոր Արևելքի փախստականների հոսքը Բալկաններ կանխող ծրագրի հեղինակը:
Ընտրություններից առաջ արտգործնախարար Սեբաստյան Կուրցը հեռատես քայլ կատարեց. նա հայտարեց, որ եկել է քաղաքական բարեփոխումների ժամանակը ու իր շուրջը համախմբեց նաև անկուսակցական կարող ուժերի: Ճիշտ այնպես, ինչպես նախընտրական արշավում արեց Ֆրանսիայի այժմյան ղեկավար Էմանուել Մակրոնը:
[caption id="" align="aligncenter" width="720"]
Էմանուել Մակրոն, Ֆրանսիայի նախագահ | © Julien Mattia, NurPhoto[/caption]
Կարդացեք նաև․
- [Meduza] Ամենաազդեցիկ կինը. ինչպե՞ս Անգելա Մերկելը դարձավ Եվրոպայի գլխավոր քաղաքական գործիչը և ի՞նչ է սպառնում նրան
- Ագրամունդիզմի վախճանը. ինչպե՞ս ԵԽԽՎ նախագահը խայտառակեց Եվրոպայի խորհուրդը
- Հակաեվրոպական և պրոասիական. ինչո՞ւ են մարդիկ հաճույք ստանում քաղաքակրթության բռնաբարումից
Երկրորդ քայլն այն էր, որ քարոզարշավի ընթացքում Սեբաստյան Կուրցը խաղարկեց իր անձը: Ընտրողների հետ բոլոր հանդիպումների ժամանակ հատուկ շեշտվում էր՝ պետք է աջակցել ԿՈՒՐՑԻ շարժմանը: Նրան ընդունեցին, նրանով հիացան ու նրան էլ տվեցին իրենց ձայնը:
Կուրցին օգնեց մի հանգամանք ևս: Նրա գլխավոր հակառակորդները՝ սոցիալիստները, քարոզարշավին ներգրավվել էին հրեա քաղտեխնոլոգ Զիլբերշտեյնին: Ժամանակին Զիլբերշտեյնն օգնել էր Էհուդ Օլմերթին, Յուլիա Տիմոշենկոյին, մասնակցել էր Բոլիվիայի ու Ռումինիայի ընտրական արշավին:
Ընտրությունների նախօրեին իսրայելական ոստիկանությունը Զիլբերշտեյնին ձերբակալեց: Նա մեղադրվում է փողերի լվացման ու կաշառատվության համար: Վիեննայում աղմուկ բարձրացավ, սոցիալիստները փորձեցին արդարանալ, սակայն դրանով ավելի բարձրացրին Կուրցի վարկանիշը (ի դեպ, հենց Զիլբերշտեյնն էր Կուրցին անվանել քինդեր-կանցլեր):
Ինչպիսին կլինի Ավստրիայի կառավարությունը, պարզ կդառնա հաշված օրերի ընթացքում: Հիմա Կուրցն ունի իր կառավարությունը ձևավորելու հնարավորություն: Նախընտրական արշավի ընթացքում նա հայտարարել էր, որ սոցիալ-դեմոկրատների հետ չի աշխատելու: Թեև սոցդեմոկրատ Քրիստիան Քերնն ամենևին էլ դեմ չէ հայտնվել կոալիցիոն կառավարությունում:
Nehme diesen Auftrag mit Entschlossenheit & Dankbarkeit den Wählern gegenüber an. 2/2 pic.twitter.com/dRLOzCypqC
— Sebastian Kurz (@sebastiankurz) October 20, 2017
Եվրոպան գնում է երիտասարդ ազգայնական առաջնորդների ընտրության ճանապարհով: Անհրաժեշտ է պատրաստակամորեն լսել դժգոհ զանգվածին, խոստանալ Եվրոպան պաշտպանել մահմեդականներից, հիշել ու հիշեցնել քո երկրի քաղաքացիների իրավունքներն ու դու արդեն առաջնորդ ես, այն էլ Եվրոպայում:
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)