Միլիարդատերերի «տիեզերական» վազքը. ինչո՞ւ են Մասկը, Բեզոսն ու Բրենսոնը փող ծախսում գալակտիկայում
Բեզոսը, Մասկը, Բրենսոնը և Ալենը. նրանց ընդհանուր կարողությունը գերազանցում է 111 միլիարդ դոլարը: Նրանք ներդրումներ են անում էկզոտիկ տարածքների` տիեզերքը հետազոտելու և, կարելի է ասել, յուրացնելու համար:
Ինչո՞վ են տարբերվում այս գործարարները: Նրանք գործում են շուկայի փոփոխություններին համընթաց: Նախկինում գործարար աշխարհը գումարներ էր ներդնում տիեզերական զբոսաշրջության մեջ` համարելով , որ դա ևս մեծ եկամտաբերության աղբյուր է: Այդ բիզնեսով զբաղվողները կարծում էին, որ կարող են բավարարել մարդկանց հետաքրքրությունները, որոնք ցանկանում էին տեսնել երկրի ուղեծիրը:
Էլոն Մասկ
Space X կազմակերպության հիմնադիր
Կարողությունը հասնում է 13. 9 միլիարդ դոլարի
Նա Ֆորբսի համաշխարհային վարկանիշային ցուցակում 80-րդն է: էլոն Մասկը նաև PAYPAL էլեկտրոնային վճարման ծառայության համակարգի հիմնադիրներից է: Այն ավելի ուշ վաճառվեց eBay-ին , Tesla ընկերությանը:
Էլոն Մասկը աշխատանքի, նորարարության և ապագայի մասին
Մասկը ամենաուշագրավն է տիեզերական այս 4 միլիարդատերերի շարքում: Նրա հիմնադրած SpaceX ընկերությունը զբաղվում է հրթիռաշինության , տիեզերանավերի սարքավորումների արտադրությամբ: Սրանք նախատեսված են մարդկանց և բեռները դեպի երկրի ուղեծիր տեղափոխելու համար: Space X-ը 2015-ին պայմանագիր կնքեց NASA-ի հետ: Այն պետք է բեռներ հասցներ միջազգային տիեզերակայան: Արդեն մոտ 20 այդպիսի միսիա է հաջողությամբ իրականացրել: Space X-ում համարում են , որ մոտ 70 միսիա դեռ ունեն կատարելու: Դրանց ընդհանուր արժեքը կազմում է 10 միլիարդ դոլար:
Մասկը տարբերվում է առաջին հերթին տիեզերքի զարգացման խնդիրների վերաբերյալ իր վճռական մոտեցմամբ: 2016- ին IT-արդյունաբերության համաժողովում նա խոստացավ հաջորդ տասնամյակում մարդկանց ուղարկել Մարս: Այս տարվա գործարար մարդը մի քանի օր առաջ, կրկին հիշեց իր պլանների մասին: Մեկնաբանելով հեգնական ենթադրությունը ` իր այլմոլորակային լինելու մասին, նա թվիթերում գրեց` «Փաստը , որ ես կառուցում եմ տիեզերանավեր, որպեսզի վերադառնամ իմ հարազատ մոլորակ, դեռ չի նշանակում, որ ես այլմոլորակային եմ»:
Ջեֆ Բեզոս
Blue Origin ընկերության հիմնադիր
Կարողությունը. 72.8 միլիարդդոլար, Forbes-ի համաշխարհային միլարդերների վարկանիշերով №3-ն է
Amazon –ի հիմնադիր և ղեկավար Ջեֆ Բեզոսը դարձել է համաշխարհային սարդոստայնի ամենաապահովվածներից մեկը: Նա ֆինանսավորում է Blue Origin ծրագիրը 2000 թվականից: Գլխավոր կոնցեպտուալ նորույթը, որն առաջարկում է Բեզոսի թիմը, հրթիռակիրների բազմակի օգտագործումն է: Այս իմաստով Blue Origin-ը SpaceX-ի գլխավոր մրցակիցն է:
Առանց վաճառասեղանի խանութ և օնլայն տվյալներով ներբեռնված բեռնատար. Amazon-ի նորամուծությունները
2015-ի վերջում Բեզոսի ընկերությունը արդեն բարեհաջող անցկացրել է բազմակի օգտագործման New Shepard հրթիռների կառավարվող վայրէջքը: Blue Origin-ը հիմա աշխատում է ծրագիրը կատարելագործելու վրա, որը բաղկացած է հրթիռից և տիեզերանավի կապսուլայից (երկուսն էլ բազմակի օգտագործման համար): Ծրագիրն ամբողջությամբ նախատեսվախ է տիեզերական զբոսաշրջության համար: Հրթիռը տիեզերանավի հետ միասին բարձրանում է 100 կմ վերև, որտեղ դրանք բաժանվում են, հետո և տիեզերանավը, և հրթիռն իրականցնում են փափուկ վայրէջք:
Թռիչքը տևում է 10 րոպե, տիեզերանավում 3-4 րոպեյով նաև վերանում է ձգողականության ուժը: Ծրագիրն ամբողջությամբ նախատեսված է տիեզերական զբոսաշրջիկներին գրավելու համար: Հրթիռը և տիեզերանավն անվանակոչվել են Ալան Շեպարդի անվան պատվին, որն աշխարհում առաջինն էր, որ 1961 թվականի մայիսին իրականացրել է սուբորբիտալ թռիչք տիեզերքում:
Ռիչարդ Բրենսոն
Virgin Group ընկերության հիմնադիր
Կարողությունը. 5 միլիարդ դոլար, Ֆորբսի համաշխարհային միլիարդերների ցուցակում է 324-րդն է
Ռիչարդ Բրենսոնն ի սկզբանե նպատակադրված է զարգացնելու տիեզերական զբոսաշրջությունը: Արդեն հարյուրավոր մարդիկ պատրաստ են վճարել 200,000 դոլար, որպեսզի սուբորբիտալ թռիչք իրականացնեն տիեզերքում: Տոմսերը ամրագրել է 800 մարդ, որոնցից են դերասանուհի Անջելիան Ջոլին և երգչուհի Լեդի Գագան:
Փողի փիլիսոփայությունը` աշխարհի ամենահարուստ մարդկանցից
Վերջերս նաև պարզ է դարձել, որ Բրենսոնի տիեզերանավով ցանկանում է թռչել նաև բրիտանացի ֆիզիկոս և տիեզերագետ Սթիվեն Հոքինգը. «Ես կարող եմ ձեզ ասել, թե ինչն է ինձ երջանիկ դարձնում՝ ճամփորդությունը դեպի տիեզերք: Ես կարծում էի, թե ոչ ոք ինձ այնտեղ չի տանի, սակայն Ռիչարդ Բրենսոնը առաջարկեց և միանգամից համաձայնվեցի», - պատմել է գիտնականը:
Փոլ Ալեն
Vulcan Aerospace ընկերության հիմնադիր
Կարողությունը. 19.9 միլարդ դոլար, Ֆորբսի համաշխարհային միլիարդերների ցուցակում է 42-րդն է
Microsoft-ի համահիմնադիր Փոլ Ալենը հիմնադրել է Vulcan Aerospace ընկերությունը, որն աշխատում է Stratolaunch ինքնաթիռի արտադրությամբ: Նախատեսված է, որ ծանր Stratolaunch ինքնաթիռը երկու անգամ մեծ թևերի թափքով է, քան Boeing 786 Dreamliner-ը: Այն կբարձրանա 9 կմ վերև, որտեղ էլ կարձակվեն թևերի տակ գտնվող հրթիռները:
5 ոլորտ, որտեղ տեխնոլոգիաները փոխելու են իրերի ընթացքը
Ալենի գաղափարը նման է Բրենսոնի գաղափարին և սա պատահականություն չէ: Հենց Microsoft-ն է ֆինանսավորել առաջին սուբորբիտալ տիեզերանավի ՝SpaceShipOne արտադրությունը, որը 2004 թ դուրս է եկել տիեզերական տարածություն, հաղթել Ansari X Prize-ում և ստացել է 10 միլիոն դոլար: Փոլ Ալենն այս տեխնոլոգիան վաճառել է Բրենսոնին, որը դրա հիման վրա ստեղծել է Virgin Galactic-ը:
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)