Ինչի՞ց պետք է հրաժարվել հաջողության համար. Ալեքսիս Օհանյանի խորհուրդները
- Մի վախեցեք ռիսկի դիմել
Ու շրջապատեք ձեզ մարդկանցով, որոնք անհրաժեշտության դեպքում կօգնեն ռիսկի դիմել, եթե դուք ի վիճակի չեք դա անել: Ընտրեք մեծ փորձով, լայն մտահորիզոնով խորհրդատուների, մենթորների, ներդրողների: Դա հատկապես կարևոր է, եթե կարիերան նոր եք սկսում: Ձեր կողքին պետք է լինի մարդ, որը ոչ միայն կտա խորհուրդ, այլ նաև կհամոզի դուրս գալ կոմֆորտի զոնայից:
- Հաջողությունը լայն ընկալեք
Մենք հաճախ կենտրոնանում ենք մեկ միջոցառման կամ մեկ հանդիպման վրա, մտածելով, որ մեր ամբողջ հաջողությունը հենց այդ իրադարձությունից է կախված: Բայց հաջողությունը չպետք է այդքան նեղ ընկալել: Հնարավոր է, այդ միջոցառումը կամ հանդիպումը չբերեն սպասված արդյունքը, բայց օգտակար լինեն մեկ այլ հարցում: Հնարավոր է, որ պարզապես լավ ժամանակ անցկացնեք: Ամեն մի պոտենցիալ հաճախորդի, գործընկերոջ հետ խոսակցություն սկսելիս մի ակնկալեք ինչ-որ շահույթ: Մի դավաճանեք ինքներդ ձեզ:
- Երբ ճանապարհի սկզբին եք, մի հրաժարվեք ոչ մի նոր հնարավորությունից
Երբ դուք նորեկ եք ինչ-որ մի ոլորտում, համաձայնեք բոլոր առաջարկություններին, գնացեք բոլոր միջոցառումներին: Դուք պետք է ուշադրություն գրավեք, հնարավորինս շատ մարդկանց պատմեք ձեր ընկերության, ձեր ունակությունների մասին: Հնարավորությունների մեծ մասն այդ էտապում հայտնվում է հենց պատահական ծանոթությունների շնորհիվ:
Հնարավորությունների մեծ մասն այդ էտապում հայտնվում է հենց պատահական ծանոթությունների շնորհիվ:
- Երբ կարիերայում առաջ շարժվեք, չհամաձայնեք ամեն մի առաջարկի
Երբ արդեն հասել եք որոշակի արդյունքների ու ավելի ինքնավստահ եք, կարող եք անդադար չասել` «այո»: Եթե ավելի ու ավելի հաճախ եք մտածում, թե ինչու եք ավելորդ ժամանակ ծախսում, ինչ-որ բան փոխելու ժամանակն է: Ինչ-որ մի էտապում մենք սովորաբար հասկանում ենք, որ մեր կարիերայի ու մեր զարգացման համար կարող էիք անել ավելի կարևոր բան անել կամ ազատ ժամանակն անցկացնել հարազատների հետ:
Կարդացեք նաև.
- 4 հնարք աշխատանքային օրն արդյունավետ դարձնելու համար
- Ինչպե՞ս խուսափել զղջումներից. պարզաբանում է հոգեբանը
- Ձեռքսեղման 6 կանոն, որը պետք է հիշել
- Մի համեմատվեք ուրիշների հետ
Երբ մենք ծանոթանում ենք հաջողակ մարդկանց հետ, այդ թվում` հակառակորդների, սկսում ենք ինքներս մեզ համեմատել նրանց հետ: Մենք ուզում ենք անել ավելին, զարգանալ ավելի արագ, միայն թե նրանցից հետ չմնանք: Մենք նույնիսկ հաճախորդներին առաջարկում ենք մեր ծառայությունները միայն այն պատճառով, որ ուրիշներն էլ են դա անում: Այդպիսի մոտեցումը հաջողություն չի բերի: Աշխատեք կատարելագործվել, բայց դադարեք անդադար նայել ուրիշների ուղղությամբ:
Աշխատեք կատարելագործվել, բայց դադարեք անդադար նայել ուրիշների ուղղությամբ:
- Անհաջողություններից մի հուսահատվեք
Հաջողության հասնելու համար ունակություններն ու գիտելիքը անհրաժեշտ են: Դրանք զարգանում են ժամանակի ընթացքում, փորձով: Եթե դուք սպասում եք, որ ամեն ինչ միանգամից կստացվի ու լավ կլինի, արդեն պարտված եք: Հիշեք, որ ամեն մի անհաջողություն սովորեցնում է ինչ-որ բան ու օգնում ավելի լավը դառնալ: Փորձեք պարզել ձեր ուժեղ կողմերն ու աճի հեռանկարային ուղղությունները, իսկ հետո մտածեք, թե ինչ է պետք անել դրանք զարգացնելու համար:
LIFEHACKER
Հետևեք newmag-ին Telegram-ում և Instagram-ում։
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)