[InterPress] Հայաստանում ոստիկանության բռնությունների հարցով հետաձգված արդարադատություն

[InterPress] Հայաստանում ոստիկանության բռնությունների հարցով հետաձգված արդարադատություն

Իշխանությունները պետք է վերսկսեն ցուցարարների և լրագրողների նկատմամբ թույլ տրված խախտումների հետաքննությունը:

Հստակ ապացույցներ կան, որ ոստիկանները դաժանաբար ծեծի են ենթարկել Հայաստանում 2016թ.-ի հուլիսին անցկացված ցույցերի խաղաղ մասնակիցների մեծ մասին, հարձակվել են դեպքերը լուսաբանող լրագրողների վրա: Սակայն երկու տարի անց ոչ միայն որևէ պաշտոնական անձ չի ենթարկվել քրեական պատասխանատվության, այլև դադարեցվել է միջադեպի հետաքննությունը:

Սեպտեմբերի վերջին իշխանությունները դադարեցրին ցուցարարների և լրագրողների նկատմամբ բռնությունների վերաբերյալ քրեական հետաքննությունը՝ ընդգծելով պատասխանատու պաշտոնյաների հայտնաբերման անկարողությունը: Սա նշանակում է արդարադատության հետաձգում, հավանաբար, անորոշ ժամանակով:

Human Rights Watch-ը փաստաթղթերով ապացուցել է, որ դաժան պատասխան է տրվել բողոքի ցույցերի մասնակիցներին: Ցույցերը բռնկվել էին 2016 թ. հուլիսի 17-ին Հայաստանի մայրաքաղաք Երևանում, երբ  Հիմնադիր խորհրդարանի արմատական ընդդիմադիր խմբի զինված մարդիկ ուժով գրավեցին ոստիկանության բաժանմունքը:


Կարդացեք նաև․


Հուլիսի 29-ին ոստիկանները խլացնող նռնակներ են կիրառել զավթած ոստիկանատան մոտ հավաքված բազմության նկատմամբ, ինչի արդյունքում որոշ ցուցարարներ և լրագրողներ այրվածքներ ու վնասվածքներ են ստացել: Ոստիկաններն ու քաղաքացիական հագուստով ոստիկանության աշխատակիցները նաև փայտե մականներով ու երկաթե ձողերով ծեծել են լրագրողներին և ցուցարարներին, վնասել են լրագրողների սարքավորումները կամ առգրավել դրանք: Ոստիկանությունը ձերբակալել է բազմաթիվ ցուցարարների, այդ թվում բողոքի ցույցի առաջնորդներից Անդրեաս Ղուկասյանին՝ ծեծելով նրան:

Իրավապահ մարմինների իրավասությունների չարաշահումների համար պատասխանատվության բացակայությունը Հայաստանում մշտական խնդիր է եղել, և այս մեկն էլ բացառություն չէ: 2016 թ.-ի օգոստոսին իշխանությունները պաշտոնանկ արեցին Երևանի ոստիկանապետին՝«ցուցարարների և լրագրողների վրա բռնի հարձակումները չկանխելու համար», կասեցվեց ևս  17 պաշտոնյայի գործունեությունը կամ նկատողություն տրվեց: Սակայն երկամյա հետազոտությունը միակողմանի էր, ինչի արդյունքում առնվազն 21 քաղաքացի է դատապարտվել: Միայն հուլիսին իշխանությունները մի ոստիկանի մեղադրեցին պաշտոնական դիրքը չարաշահելու համար և գործն ուղարկեցին դատարան, որը դեռ չի ընդունվել:

Շարունակությունը՝ InterPress.am-ում։


Հետևեք newmag-ին Telegram-ում և Instagram-ում


 

Գրել կարծիք