ՌԴ նախագահի և Ավստրիայի ԱԳ նախարարի պարը․ Ինչո՞ւ Պուտինը կազակների երգչախմբի հետ ժամանեց
Որպես հարսանեկան նվեր Պուտինն իր հետ բերել էր Կուբանի կազակների երգչախումբը, որը նորապսակների համար ավանդական հարսանեկան երգ կատարեց: Վլադիմիր Պուտինն ու Կարին Կնայսլը պարեցին միասին:
Ավստրիայի նախարարին Ռուսաստանի առաջնորդի նվերը ռուս հարկատուների համար մոտ 20 հազար դոլար է արժեցել, հաղորդում է Բի-Բի-Սին:
Մի փոքր ավել՝ մի քանի հարյուր հազար դոլար եվրո գումար է արժեցել ավստրիացի հարկատուների համար անվտանգության միջոցառումների ապահովումը՝ չնայած Պուտինի մասնակցությունը հարսանիքին ներկայացվում էր որպես մասնավոր:
Այժմ ավստրիական լրատվամիջոցները պահանջում են նախարարի հրաժարականը:
Ավստրիայի արտգործնախարարն իր հարսանիքին պարում է Ռուսաստանի նախագահի հետ: 2018թ-ի օգոստոսի 18: Լուսանկարը՝ Roland Schlager/Pool via Reuters
Ավստրիայի և Ռուսաստանի, ինչպես նաև Կարին Կնայսլի և Վլադիմիր Պուտինի հարաբերությունները
Կարին Կնայսլն Ավստրիայի ԱԳ նախարարի պաշտոնն է զբաղեցնում 2018թ-ի ձմեռվանից: Նա բազմիցս արտահայտվել է Եվրոպայի և Ռուսաստանի միջև երկխոսության օգտին:
Ավստրիայի իշխանությունները վերջին տարիներին Ռուսաստանի գործողությունների առնչությամբ ավելի մեղմ դիրքորոշում են ունեցել, քան Եվրամիության այլ երկրները: Նոր կաբինետի գալուց հետո, որի անդամ է Կնայսլը, Վիեննայից ավելի հաճախ են սկսել առաջարկներ հնչել Մոսկվայի հետ հարաբերություններ կարգավորելու մասին:
Ավստրիան Եվրամիության միակ խոշոր երկիրն է, որը ռուս դիվանագետների չի արտաքսել Սոլսբերիում ռուս նախկին հետախույզ Սերգեյ Սկրիպալի և նրա դստեր թունավորումից հետո:
«Դժվար ժամանակներում անհրաժեշտ է երկխոսություն պահպանել», — այն ժամանակ ասել է Կնայսլը:
2018թ-ի մարտին նախարարը հայտարարել է, որ Ավստրիան պատրաստ է միջնորդ դառնալ Մոսկվայի և Լոնդոնի միջև:
Կնայսլը նաև կոչ է արել Ռուսաստանի հետ համագործակցել Մերձավոր Արևելքի հարցերում:
Իր կողմից, Վլադիմիր Պուտինը բնավ ոչ բոլոր տոնախմբություններին մասնակցելու հրավեր է ընդունում: Օրինակ, երկու տարի առաջ նա ներկա չէր իր մամուլի քարտուղար Դմիտրի Պեսկովի և գեղասահորդ Տատյանա Նավկայի հարսանիքին:
Ավստրիայի արտգործնախարարն ու կազակների երգչախումբը Գամլիցում, 2018թ-ի օգոստոսի 18: Լուսանկարը՝ Roland Schlager/Pool via Reuters
Գազի մատակարարումը որպես Պուտինի՝ Ավստրիայում հարսանիքի մասնակցության պատճառ
Համաշխարհային լրատվամիջոցների կարծիքով՝ Ավստրիայում ռուս նախագահի անսպասելի հայտնվելու պատճառն, առաջին հերթին, կապված է այն բանի հետ, որ այդ երկրում են կենտրոնացած գազային ենթակառուցվածքի կարևորագույն օբյեկտները, որոնց միջոցով իրականացվում է ռուսական գազի տեղափոխումը Եվրոպա: Այս օրակարգը Ռուսաստանի համար այժմ առանցքային է դառնում ԱՄՆ կողմից կոշտ տնտեսական պատժամիջոցների պայմաններում:
Կոշտ արձագանք Ավստրիայում՝ կազակների երգչախմբի հետ Պուտինի ժամանմանը
Ավստրիայի միանգամից մի քանի առաջատար թերթեր գրել են, որ Ավստրիայի արտգործնախարարն այժմ պետք է զօրուգիշեր աշխատի քննադատությանը պատասխանելու և մամուլին համոզելու համար, որ Վիեննայի արտաքին քաղաքական դիրքորոշումը չի փոխվելու:
Ավստրիայի ԱԳՆ-ն պատասխան հայտարարություն է արել և հավատացրել, որ դա «մասնավոր տոնախմբություն և մասնավոր այց է եղել, և դրան չի հետևելու Ավստրիայի արտաքին քաղաքական ուղղվածության փոփոխություն»։
Այնուամենայնիվ, Եվրախորհրդարանի «Կանաչների» կուսակցության պատգամավոր Միխել Ռայմոնն արդեն Կնայսլից պահանջել է հրաժարական տալ Պուտինին հրավիրելու համար: Այդ պահանջն է հնչել նաև մի քանի պարբերականների կողմից:
Հարսանեկան արարողությունն ու Վլադիմիր Պուտինը: 2018թ-ի օգոստոսի 18: Լուսանկարը՝ Alexei Druzhinin/Kremlin via REUTERS
Կարդացեք նաև․
- Թրամփ-Պուտին բանակցությունների արձագանքը. տարակուսանքից մինչև վրդովմունք
- Պուտինի սենսացիոն բացահայտումը. ինչպե՞ս է ՌԴ նախագահը հրահանգել պայթեցնել մարդատար օդանավը
- Observer. Ռուսաստանը և Պուտինը հաղթում են PR պատերազմում
Կուբանի կազակների երգչախմբի մասին
Կուբանի կազակների երգչախումբը պարբերաբար ելույթ է ունենում Ռուսաստանում կազմակերպվող պետական միջոցառումներին և հաճախ է զգալի նախագահական գրանտներ ստանում մշակույթի ոլորտում: Երգչախմբի հիմնական աջակցությունը ռուս օլիգարխ Օլեգ Դերիպասկայի ընկերությունների խմբից է (գործարարը մեծացել է Կրասնոդարի երկրամասում):
Երգչախմբի գեղարվեստական ղեկավար Վիկտոր Զախարչենկոն 2018թ-ի նախագահական ընտրություններին աշխատել է որպես Վլադիմիր Պուտինի հասարակական աջակցության կրասնոդարյան շտաբի համանախագահ:
Երգչախումբը 2018թ-ի ֆուտբոլի աշխարհի առաջնությանը «կոլեկտիվ-դեսպան» էր և Սոչիում ելույթ է ունեցել ՖԻՖԱ-ի երկրպագուների փառատոնին մրցաշարի առաջին օրը:
Կուբանի կազակների երգչախումբն Ավստրիայի արտգործնախարարի հարսանիքին
[embed]https://www.youtube.com/watch?v=PVNGjkcAKX0[/embed]
Հետևեք newmag-ին Telegram-ում և Instagram-ում։
Տարածել
Կարդա նաև
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)