Հարցատանջանք․ ԿՀՎ 1-ին շեֆուհու տարակուսելի անցյալը
Նոր նշանակումների մասին Թրամփը մարտի 13-ին հայտնեց Թվիթերում.
«Մայք Պոմպեոն` ԿՀՎ ղեկավարը, կդառնա մեր նոր պետքարտուղարը: Ջինա Հասփելն էլ կնշանակվի նրա փոխարեն` այդպիսով դառնալով առաջին կինն այդ պաշտոնում: Շնորհավորում եմ բոլորին»:
Հասփելի կենսագրության մասին քիչ բան է հայտնի. դրա մեծ մասը գաղտնի է: ԿՀՎ համակարգում աշխատում է 1985-ից, օպերատիվ գործունեության փորձ ունի. գլխավորել է վարչության ստորաբաժանումները որոշ երկրներում (մանրամասները չեն հրապարակվում): ԿՀՎ-ում ծառայելու տարիներին ձեռք է բերել կասկածելի հեղինակություն: Հայտնի է, որ Հասփելը 2002-ին ղեկավարել է ԿՀՎ «Կատվի աչք» բերդը Թայլանդում, որտեղ կտտանքների էին ենթարկում երկու բանտարկյալների (նրանց զրկում էին քնից և կտտանքների էին ենթարկում ջրով). այդ բանտարկյալները կասկածվում էին ՌԴ-ում արգելված Ալ կաիդա ահաբեկչական ցանցի հետ կապեր ունենալու մեջ: Այսպես կոչված «հարցաքննությունների» տեսագրությունները Հասփելի հրահանգով ոչնչացվել են 2005-ին:
Այնուհետև Հասփելը մի քանի պաշտոն է փոխել ԿՀՎ Վաշինգտոնի կենտրոնական ապարատում. երկար ժամանակ գլխավորել է հակաահաբեկչական կենտրոնի ղեկավարի շտաբը: 2013-ին ստանձնել է Ազգային գաղտնի ծառայության ղեկավարի պաշտոնը, բայց անօրինական կտտանքների պատմության պատճառով այդ պաշտոնին երկար չի մնացել: Սենատը չի հաստատել նրա թեկնածությունն ու իջեցրել է պաշտոնը` դարձնելով ծառայության ղեկավարի տեղակալ:
ՄՈՒԹ ՊԱՏՄՈՒԹՅՈՒՆ
Թրամփը Հասփելին 2017-ի փետրվարին նշանակեց ԿՀՎ տնօրեն Մայք Պոմպեոյի տեղակալ: Այս նշանակումը սովորական քայլ չէր. առաջին կինն այդ պաշտոնում Էվրիլ Հեյնսն էր (2013–15): Ի տարբերություն Հասփելի, նա ԿՀՎ հաստիքային աշխատող չէր: Այդ պաշտոնում Հասփելի թեկնածությունը պաշտպանել են ԱՄՆ ազգային հետախուզության տնօրեն Ջեյմս Քլեփերը և ԿՀՎ որոշ պաշտոնաթող բարձրաստիճան աշխատակիցներ: Դեմոկրատների մի մասին զայրացրել է մի մարդու նշանակումը, որը կտտանքների մասնակից է` Թայլանդի գաղտնի գաղութում:
«Տիկին Հասփելը պետք է բացատրի այդ հարցաքննություններին իր մասնակցության բնույթն ու աստիճանը», - հայտարարեց Արիզոնայի նահանգապետ Ջոն Մաքքեյնը: Բուշի դարաշրջանի այդ փուլը` ամերիկացի բանտարկյալներին կտտանքների ենթարկելը, նա անվանեց «ամերիկյան պատմության մութ էջ»:
Մեկ տարի անց Թրամփը հայտարարում է, որ Հասփելը կդառնա ԿՀՎ ղեկավարի պաշտոնում առաջին կինը, եթե, իհարկե, Սենատը հաստատի նախագահի ընտրությունը:
«Շնորհակալ եմ նախագահ Թրամփին, որ ինձ հնարավորության տվեց ղեկավարել ԿՀՎ-ն», -հայտարարությունը մեկնաբանել է Ջինա Հասփելը:
Կարդացեք նաև.
- Պուտինի սենսացիոն բացահայտումը. ինչպե՞ս է ՌԴ նախագահը հրահանգել պայթեցնել մարդատար օդանավը
- Նախընտրական դեբատներ․ չափազանց հետաքրքիր են և կարևոր, եթե անցնում են ահա այսպես
- Սե՞ր, թե՞ գաղտնի հանձնարարություն. ինչպե՞ս Հորդանանի թագավորը հայտնվեց հոլիվուդյան դերասանուհու գրկում
ԳՈՐԾՈՒՂՈՒՄՆԵՐԸ ՀԵՏԱՁԳՎՈՒՄ ԵՆ
ԱՄՆ Ազգային անվտանգության գործակալության նախկին աշխատակից Սնոուդենը Հասփելի նշանակումն անուշադրության չմատնեց: Նրա խոսքով` կտտանքների պատմությանը հնարավոր մասնակից լինելու հանգամանքը թույլ չի տա, որ ԿՀՎ նոր ղեկավարը ԵՄ երկրներ այցելի:
ՊԱՐԳԵՎՆԵՐ` ԾԱՌԱՅՈՒԹՅԱՆ ՀԱՄԱՐ
ԿՀՎ-ում ավելի քան 30 տարվա ծառայության փորձ ունեցող Հասփելն արժանացել է մի քանի պետական պարգևների: Դրանցից մեկը ԱՄՆ բարձրագույն պարգևն է. նախագահի մրցանակ` քաղաքացիական ծառայության համար (Presidential Rank Award):
Նյութը կարող եք քննարկել newmag-ի Telegram ալիքում:
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)