[Զինուժ] Ո՞ւմ պետք էր շնորհավորել փետրվարի 23-ին
Այս շաբաթ գրեթե բոլորը շնորհավորեցին բոլոր տղամարդկանց: Առիթը հայրենիքի պաշտպանի օրն է՝ փետրվարի 23-ը: Կեսօրին ամբողջ համացանցում մաղթանքներ էին՝ մեկ ֆոտոյի վրա նշելով հարյուրավոր օգտատերերի՝ միայն նրա համար, որ նրանք տղաներ են: Երեկոյան սա արդեն քննարկման թեմա էր՝ փետրվարի 23-ն ինչ կապ ունի մեզ հետ ու ինչու շնորհավորել, ավելին` ոմանք դեմ էին այս տոնին համարելով այն «Կարմիր բանակի» օր, կարմիրներին դատապարտելով:
Խորհրդային բանակի օրը՝ մեր պապերի տոնն է, նաև հայրերի, հորեղբայրների, տարեց տղամարդկանց, հաճախ նաև կանանց: Սա այն մարդկանց տոնն է, ովքեր ծառայել են ԽՍՀՄ-ում: Հաստատ կունենաք բարեկամներ, ում ծառայությունն անցել է, օրինակ, Չիտայում, Խաբարովսկում, ԽՍՀՄ երկրներում: Ունեք նաև ավագ ազգականներ, ովքեր մասնակցել են Հայրենական պատերազմին, երկրորդ համաշխարհայինին, եղել են առաջին գծում, կռվել են, վիրավորվել, զոհվել, վերադարձել:
Փետրվարի 23-ը նրանց օրն է, տոնն է, գնահատելու առիթն է, վերարժեքավորելու ժամանակն է, հատկապես, երբ վետերանները ծեր են, ուշադրությունից դուրս և մեկ շնորհավորանքի սպասելիքով: Նրանց պետք է շնորհավորել, հարցեր տալ, լսել պատմությունները, նույնիսկ, եթե նրանց հիշողությունները կիսատ են, թերի, անհասկանալի: Նրանք պատմելու, խոսելու, ժպտալու ու արտասվելու անսահման ցանկություն ունեն:
Նրանք պատմելու, խոսելու, ժպտալու ու արտասվելու անսահման ցանկություն ունեն:
Փետրվարի 23-ը պետք է հիշել ու շնորհավորել, քանի դեռ մեկ հայ այդ տոնին մասնակից է եղել, քանի դեռ մեկն այդ օրը պարգևատրվել է, քանի դեռ մեկ հայ ծառայել է խորհրդային զինուժում:
Տասնամյակներ անց գուցե դադարենք շնորհավորել, բայց ոգեկոչել մեր վետերաններին պարտավոր ենք, հատկապես, երբ խորհրդային ամբողջ բանակում շատ են հայ հերոսները, հայերի սխրանքների մասին պատումներն ու նրանց կարևորությունը հաղթանակում:
Կարդացեք նաև․
- Այլընտրանքային ծառայություն. «ԵՍ ԵՄ» ծրագրի մասնակիցների առաջին օրերը զորամասում
- Բանակային պատրաստության 10 անհավանական վարժությունները
- Ով ինչ սիրուն շոր ունի, թող հագնի. զորամասի նախատոնական անցուդարձը
Մի շնորհավորեք նրանց, ովքեր 1974 թվականից հետո են ծնվել, ում 43 տարին դեռ չի լրացել: Պատճառը պարզ է, նրանք չեն կրել խորհրդային զինվորականի համազգեստը, չեն քայլել «Փառապանծ մնա մեր ազատ հայրենիք» օրհներգի ներքո: Նրանց օրը՝ հունվարի 28-ն է, հայկական բանակի կազմավորման օրը:
Նրանց օրը՝ հունվարի 28-ն է, հայկական բանակի կազմավորման օրը:
Հետևաբար, երկու տոնն էլ պետք է նշել, հիշել, շնորհավորել, պարզապես յուրաքանչյուրի համար ճիշտ «թիրախ» ընտրել ու հպարտանալ երկու օրերին էլ, հայ երկու սերունդների հայրենասիրության ու նվիրումի համար:
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)