[Բացատրություն] Ի՞նչ է Ֆրանկոֆոնիան

[Բացատրություն] Ի՞նչ է Ֆրանկոֆոնիան

Ֆրանկոֆոնիայի միջազգային կազմակերպության 17-րդ գագաթնաժողովը իր ծավալով, ներկայացուցիչների թվով ու քաղաքական կշռով Հայաստանի պատմության մեջ ամենամասշտաբային միջոցառումն է:

1. ՖՄԿ նպատակն է զարգացնել անդամ երկրների միջեւ գործակցությունը:

Ֆրանկոֆոնիայի միջազգային կազմակերպությունը հիմնադրվել է 1970 թվականին: Սկզբում այն հյուսիսային ֆրանսախոս երկրների փոքրիկ ակումբ էր, հետո ընդլայնվեց դառնալով միջազգային կազմակերպություն, որի գերակայություններն են ժողովրդավարության ամրապնդումը և խաղաղության ապահովումը:

2. ՖՄԿ-ում ընդգրկված երկրների բնակչության ընդհանուր թիվը կազմում է 890 միլիոն:

Կազմակերպությանը անդամակցում Է 57 լիիրավ, 3 ասոցիացված և 20 դիտորդի կարգավիճակ ունեցող պետություն: Այդ երկրներից 32-ում ֆրանսերենն ունի պաշտոնական լեզվի կամ երկրորդ պաշտոնական լեզվի կարգավիճակ։ Կազմակերպությունում ընդգրկված երկրների բնակչության ընդհանուր թիվը կազմում է 890 միլիոն, որից 220 միլիոնը ֆրանսախոսներ են։

3. ՖՄԿ-ում որոշում կայացնող ամենաբարձր քաղաքական մարմինը երկրների ղեկավարների գագաթաժողովն է:

Որոշում կայացնող ամենաբարձր քաղաքական մարմինը Երկրների ղեկավարների գագաթաժողովն է, որը հրավիրվում է գլխավոր քարտուղարը երկու տարին մեկ անգամ։ Ֆրանկոֆոնիայի նախարարական համաժողովը ամենամյա է եւ մասնակցում են արտգործնախարարները: Կառույցն ունի նաեւ մշտական խորհուրդ, խորհրդարանական վեհաժողով եւ ֆրանկոֆոն գործակալություն:


Կարդացեք նաև.


4. Հայաստանը 2012թ. Կոնգոյի գագաթնաժողովում դարձավ Ֆրանկոֆոնիայի միջազգային կազմակերպության 54-րդ լիիրավ անդամ

Հայաստանը կազմակերպությունում դիտորդի կարգավիճակ է ձեռք բերել 2004 թվականին Բուրկինա Ֆասոյում: 4 տարի անց Կանադայի գագաթնաժողովում դեարձավ ասոցիացված անդամ: 2012 թվականին միաձայն քվեարկությամբ դարձավ Ֆրանկոֆոնիայի միջազգային կազմակերպության 54-րդ լիիրավ անդամ:

5. 2012-2015թթ. համեմատությամբ հանրային դպրոցներում ֆրանսերեն սովորողների թիվն ավելացել է 14,3%:

Հայաստանի եւ կազմակերպության գործակցության շնորհիվ 350-ից ավելի ֆրանսերենի հայ ուսուցիչ, պետական համակարգի մի քանի տասնյակ պաշտոնյաներ են վերապատրաստվել: 2012-2015թթ. համեմատությամբ հանրային դպրոցներում ֆրանսերեն սովորողների թիվն ավելացել է 14,3%:


Հետևեք newmag-ին Telegram-ում և Instagram-ում


 

Գրել կարծիք