Ո՞ւմ է իրականում ուղղված Երևանը գրավելու` Ալիևի հոխորտանքը
Այս ողբերգական իրողության նոր փուլը պայմանականորեն կարող ենք սկսել 2017-ի նոյեմբերից: Ալիևը ԵՄ պատվիրակության հետ հանդիպմանը հայտարարեց, որ իրենց համար մեկ է՝ Եվրոպայի խորհուրդը իրենց կվռնդի՞, թե՞ ոչ:
Օրեր անց Ստրասբուրգում կայացավ ԵԽ նախարարհների խորհրդի նիստը, որտեղ հստակ զգուշացում հնչեց Ալիևի հասցեին.
եթե մինչև հաջորդ նիստը՝ 2018-ի գարնանը, ազատ չարձակի քաղբանտարկյալ Իլգար Մամմադովին, ապա Ադրբեջանը ԵԽ-ից վռնդելու գործը կմտնի եզրափակիչ փուլ:
Որքան էլ Ադրբեջանը պնդում է, թե իր համար մեկ է՝ կմնա ԵԽ անդամ, թե ոչ, Ալիևի վարքը այլ բան է ասում: Իլգար Մամմադովին գարնանն ազատ չարձակելու դեպքում, հնարավոր է, ընտրությունը ապրիլ տեղափոխելու կարիքը չլիներ:
Այս քայլով Մամմադովը չի հասցնի նախընտրական պայքար սկսել, գրանցվել որպես թեկնածու:
Իսկ ի՞նչ կապ ունի Երևանը
Թոմաս դե Վաալը պնդում է, որ Իլգար Մամմադովը, որին Արևմուտքում անվանում են «աշխարհի ամենաազդեցիկ քաղբանտարկյալ», երևանյան ադրբեջանցիների՝ ԵրԱզ կլանի անդամ է: Սա Ադրբեջանի այն կլանն է, որը բաղկացած է խորհրդային տարիներին Երևանում և Հայաստանի այլ շրջաններում բնակված ադրբեջանցիներից:
Այս կլանի ազդեցիկ ընտանիքներից մեկի առաջնորդն էլ, ըստ Թոմաս դե Վաալի, եղել է Մամմադովի հայրը:
Երբ Ալիևը հայտարարում է, որ շարունակելու է աջակցել Երևանն ադրբեջանական համարող «գիտական» աշխատանքներին, ֆիլմերին ու ցուցահանդեսներին, սրանով ուղերձ է հղում ԵրԱզ կլանին՝ հորդորելով իրե՛ն աջակցել և չմտածել իշխանության ավելի մեծ բաժին ստանալու` սեպարատ հնարավորությունների մասին:
Կարդացեք նաև.
- Ալիևի մեդիաճնշումները դուրս են գալիս Ադրբեջանի սահմաններից
- Ալիևը գեներալների է պաշտոնանկ արել. ի՞նչ կապ ունեին նրանք փետրվարի դիվերսիաների հետ
- Ալիևի ծնունդի ծանոթն ու ամեն ինչ Ռազմական Ոստիկանության մասին
Ալիևը ԵրԱզ կլանի համար է խոսում Երևանի մասին, որ հանգստացնի, գրավի խոստումներով՝ կանխելով կլանի վտանգավոր քայլերը:
ԵրԱզ-ների առաջնորդը Ալիևի աշխատակազմի ղեկավար Ռամիզ Մեհդիևն է: Հենց նա է իրեն հռչակել ակադեմիկոս ու զբաղված է Երևանը ադրբեջանական ներկայացնելու քարոզով:
Ալիևը նրան է խոստանում միջազգային ասպարեզ հանել Երևանի մասին նրա գրածները: Սա բյուջեից նոր գումարներ հատկացնելու, նոր լծակներ տալու, միջազգային հարթակ հանելու խոստում է կլանի առաջնորդին:
[embed]https://www.youtube.com/watch?v=5PNy2XPnBeo[/embed]
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)