Լայքերի պատերազմ. ինչպե՞ս է համացանցը փոխում մարդկանց և քաղաքականությունը
Կիբերպատերազմ: Դեռևս 25 տարի առաջ հասարակությունը բախվեց այս նոր հասկացության հետ: Մինչև փորձեց ընկալել, հայտնվեց լայքերի պատերազմի տիրույթում: Պատերազմի դաշտ, որտեղ համակարգիչների փոխարեն «կոտրվում են» մարդիկ: Եվ սա դեռ սկիզբն է:
Պիտեր Սվինգերն իր «LikeWar» աշխատությունն սկսում է Թրամփի՝ #IS թվիթով և ավարտում Չիկագոյի գանգստերների մասին YouTube-յան տեսանյութերով:
Լայքերի պատերազմը փոխում է ամեն ինչ՝ հաղթանակի տրամաբանությունից մինչև համաշխարհային խնդիրների վերաբերյալ աշխարհայացք:
Անձնական կապերի համար ստեղծված երբեմնի համացանցը, այսօր դարձել է համաԱՌԵՎՏՐԱՅԻՆցանց, ավելին՝ բախումների թատերաբեմ, որտեղ զենքը սոցմեդան է:
Համացանցը ոչ միայն բիզնեսի մասնիկ է, այլ ժողովրդավար ու ավտորիտար պետությունների, ակտիվիստների ու լրտեսների, զինվորականների ու ղեկավարների կառավարման գործիք, որն ունի անսահման հնարավարություններ: Զենք, որի օգտագործման ձևը գիտեն բոլորը և որի թիրախը մեկն է՝ օգտատեր:
Facebook և YouTube. Ինչպիսին է դրանց ազդեցությունը հասարակության վրա
Սոցցանցերի տրամաբանությունն ու խաղի կանոններն այսօր արդեն փոխվել են. նրանք ոչ թե պարզապես կապ են ստեղծում մարդկանց մինչև, այլ հստակ կանոնակարգում են օնլայն հարթակի պատերազմները: Սոցցանցերն ազդում են քաղաքական ու քաղաքացիական ընտրությունների, պատերազմների արդյունքների վրա: Եվ դա փաստ է:
Սվինգերը վստահ է՝ եթե Ցուկերբերգը ֆեյսբուքյան բարեփոխումը սկսեր ոչ թե 2018-ին, այլ 2016-ին, ապա այսօր ԱՄՆ նախագահի պաշտոնում կլիներ մեկ այլ մարդ՝ ոչ թե Թրամփը, Brexit-ի արդյունքն էլ այլ կլիներ, շատ ահաբեկչական գործողություններ չէին լինի:
Ինչպես հաղթել Լայքերի պատերազում
Նպատակին հասնելու համար կան բազմաթիվ «փամփուշտներ»: Լայքերի պատերազում հաղթելու համար նախ պետք է տեսակետը դարձնել օրակարգային՝ վիրուսային կարգով տարածելով համացանցում:
Մինչև օգտատերերը ոգևորված հայտարարում էին, թե համացանցը բոլորին դարձրել է ազատ ու անկախ՝ իր տեսակետը բարձրաձայնելու, պետություններն ու իշխանությունները զբաղված էին նույն այս սոցմեդիան իրենց շահերի համար օգտագործելու մեխանիզմներ որոնելով: Հասարակությանը վերահսկելու համար օգնության է գալիս արհեստական ինտելեկը:Արդյունքում՝ համացանցում հայտնված յուրաքանչյուրի «անձնական գործը» այսօր արխիվացված է ու շարունակում է արխիվացվել:
Կարդացեք նաև.
Reddit-ը՝ ցանցային լավագույն հարթակ․ ինչո՞ւ պետք է գրանցվել այնտեղ
Արհեստական ինտելեկտը սովորել է ավելի լավ գիրք կարդալ քան մարդը
Ինչպե՞ս են սմարթֆոնները հետևում մեզ, և ինչո՞վ է դա սպառնում
Օնլայն հարթակում, ինչպես իրական կյանքում. Ուռճացվա՞ծ չէ արդյոք լայքերի պատերազմն ու ինչպես խուսափել դրանից
Օնլայն հարթակի պատերազմներից խուսափելու կամ պաշտպանվելու համար նախ և առաջ պետք է դրանց նայել որպես իրական վտանգի: Միայն այդ պարագայում կարելի է դրանց դեմ պայքարել. պայքարել, ինչպես պայքարում են արտաքին ու ներքին թշնամու դեմ, խուսափել, ինչպես խուսափում են արտաքին ու ներքին վտանգներից, հաղթել, ինչպես հաղթում են իրական ռազմի դաշտում: Այս «պատերազմներում» մեղավորներ չկան, կան շահեր, կան արգելքներ, կան պարտավորություններ, կան հատուկ գործողություններ:
Ի վերջո, ժամանակն է նաև օգտատերերը «խելքի գան», «հասունանան», թացը չորից տարբերեն, սուտն ու կեղծիքը տարբերակեն, հասկանան՝ արժե ստի ու կղծիքի ցանցում հայտնվել՝ ներքաշելով նաև ընկերներին, հարազատներին, մտերիմներին, արժե դառնալ ինչ-որ մեկի գործիքը, զենքը՝ սոցիալական ցանցում: Ձեր լայքերը ձեր պատկերի արտացոլումն են համացանցում՝ Լայքերի պատերազմում:
Հետևեք newmag-ին Telegram-ում և Instagram-ում։
Տարածել
Կարդա նաև
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)
Kond hօuse-ում տեղի ունեցավ Յանիս Յոնևսի «Յելգավա 94» գրքի շնորհանդեսը (լուսանկարներ)