Ո՞ւր կորան կրքերը. Ահա ինչու 2018-ը կարող է բեկումնային լինել Մխիթարյանի համար

Հայ երկրպագուն վաղուց ադապտացվել է այն երևույթին, որ մեր մարզիկները, թիմերը միշտ պետք է հաղթեն` անկախ, թե ինչպիսինն են շանսերը, մրցակիցն ով է: Պահանջկոտությունը բերում է մեծ հիասթափություններ. պարտվել, նահանջել հասկացությունները բացակայում են: Գուցե դժվար ընդունելի և անցակնալի երույթներ են, բայց սպորտում դրանք նորմալ են:
2017-ի վերջին մի քանի ամիսներին ֆուտբոլային հասարակությունը հիստերիայի մեջ էր: Մխիթարյանը, որն անցած մրցաշրջանում «Մանչեսթեր Յունայթեդի» գլխավոր հաղթաթուղթն էր, նման չէր իրեն, չէր ուրախացնում ու չէր խաղում: Բազմիցս, բոլոր հնարավոր և անհնար ճակատներով, տիրույթներում ու անխտիր բոլորը` իրենց վերապահում էին խոսել թեմայի մասին, քննարկել դա ու դարձնել սեփականը: Դա նորմալ է, և քանի որ շատ են խոսվել ու բզկտվել Հենոյի չխաղալու մասին լուրերը, ուստի շատ հպանցիկ ու կարճ.
Փաստ է, որ աստիճանաբար Մխիթարյանը գտնում է վստահությունը` առաջին հերթին սեփական ուժերի նկատմամբ, հետո` մարզչի հետ տետ ա տետ: Լավ է, որ Մխիթարյանն իրեն դրսևորեց ինչպես կա` պրոֆեսիոնալ, ու կարողացավ ճիշտ հարաբերությունների շնորհիվ հանգստացնել մի ամբողջ ժողովրդի: Ի դեպ, այդ դժվարին օրերին ոչ մի լուսանկար չհրապարակեց  ինստագրամում, ոչ մի հարցազրույց չտվեց. լուռ աշխատում էր: Ահա ինչով առանձնացավ Մխիթարյանը: Ճիշտ է, Հենոյի խաղալը կարելի է կապել նաեւ Անգլիայի Պրեմիեր լիգայում ընթացող Boxing Day շրջանի հետ, որտեղ խաղերն անցակցվում են 2-3 օրը մեկ, եւ մարզիչն ունի ռոտացիայի խնդիր:

• Մոուրինյու vs Մխիթարյան. Ո՞ւր գնալ, երբ երկու քարի արանքում ես


• [FB ասուլիս] Ի՞նչ ասաց Մխիթարյանը, ի՞նչ պլաններ ունի Հայաստանի հետ կապված. Հենոյի ասուլիսի մանրամասները


• Շաբաթվա հերոսը. Մխիթարյանը շրջանցում է Ռոնալդուին ու մյուսներին