Թուրքերը 9 ժամ 10 րոպե խուզարկել են Սաուդյան Արաբիայի հյուպատոսությունը
Սաուդցի ընդդիմադիր լրագրողի անհետացումը նախ Անկարա-Էր Ռիադ միջպետական սկադալի առիթ տվեց, հետո էլ վերաճեց դիվանագիտական եռանկյունու, որում ներգրավված 3-րդ անկյունը Վաշինգտոնն է: Նախագահ Դոնալդ Թրամփը հեռախոսազրույց է ունեցել Սաուդյան Արաբիայի թագավորի հետ:
«Ես խոսել եմ Սաուդյան Արաբիայի թագավորի հետ, նա հերքում է բոլոր մեղադրանքերը, ես չեմ կարող նրա մտքերը կարդալ, բայց հնարավոր է գործ ունենք անհայտ մարդասպանների հետ»:
Ենթադրությունները բացառելու համար Թրամփն իր պետքարտուղարին հրահանգում է անմիջապես մեկնել Էր Ռիադ, որտեղ նա պետք է հանդիպի Սաուդյան Արաբիայի թագավորի հետ: Մինչև այդ բազմաթիվ հարցերի պատասխաններ է փնտրել Թուրքիայի ոստիկանությունը:
Կարդացեք նաև.
Ռուսաստանի ռազմական շահերը Կենտրոնական Աֆրիկայում․ ինչո՞ւ այնտեղ սպանեցին ռուս լրագրողներին
Ի՞նչ պետք է անի լրագրողն ամեն օր. մեդիա-լայֆհաք Անդրեյ Լոշակից
Բացառիկ լրագրողական հետաքննություն. Սպանության, առեղծվածի, կորստի ու նոր կյանքի պատմություն
Թուրքական կողմը 9 ժամ 10 րոպե խուզարկել է Ստամբուլում Սաուդյան Արաբիայի հյուպատոսությունը: Նպատակը` Ջամալ Խաշ-կըղու-ջիի անհետացման գործով փորձաքննություն անցկացնելու համար ԴՆԹ նմուշ վերցնել էր: Ջամալի հետքը գտնելու հույս` փորձագետները չունեն: Պեսիմիզմը հիմնավորվում է նրանով, որ խուզարկության թույլտվությունը թուրքական կողմը ստանում է լրագրողի անհետացումից միայն 13 օր անց: Այդ ընթացքում Էր Ռիադի հյուպատոսություն է այցելել 15 հոգանոց փորձագիտական խումբ, որը Ստամբուլ է ժամանել հենց անհետացման օրը, հատուկ չվերթով, նրանց հետ հյուպատոսություն է մտել նաև հավաքարարների բրիգադ:
Washington Post-ի թղթակցի անհետացումից 2 օր անց Անկարան վարկած է հրապարակում, ըստ որի Ջամալ Խաշ-կղու-ջիին սպանել են հյուպատոսության ներսում, հարցաքննության ժամանակ, կտտանքների ենթարկելուց հետո: Պաշտոնական Էր Ռիադը չի հերքում Ահասարսուռ տեղեկությունը: Արաբական մամուլի լռությունը ավելացնում է կասկածները: Միայն 5-րդ օրը Սաուդյան Արաբիայի առաջատար լրատվամիջոցները միաժամանակ ու միաձայն թագավորության բոլոր թշնամիներին սկսեցին մեղադրել թագավորության դեմ շինծու արշավի մեջ: Լրագրողի ընկերները, որոոնք Սաուդյան Արաբիայի հյուպատոսության դիմաց բողոքի ակցիա էին կազմակերպել, վստահ են, որ Արևմուտքի տրամադրվածությունը բարեփոխումների խոստումներով գրաված Սաուդցի արքայազն Սալմանը շարունակում է բռնապետական ավադույթներն ու հենց նա է լռեցրել ազատախոս Ջամալին:
Հետևեք newmag-ին Telegram-ում և Instagram-ում
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)