15 վայր, որ արժե այցելել, քանի դեռ չեն վերացել աշխարհի երեսից
Երուսաղեմի Հին քաղաքը, պատերն ու Իսրայելը
Երուսաղեմի Հին քաղաքն ու պատերը ՅՈՒՆԵՍԿՕ-ի համաշխարհային ժառանգության ցանկում ընդգրկվեցին 1982-ին: Ըստ ՅՈՒՆԵՍԿՕ-ի՝ այն պատմական 220 հուշարձան ունի:
Սումատրայի խոնավ արևադարձային անտառները, Ինդոնեզիա
ՅՈՒՆԵՍԿՕ-ի համաշխարհային ժառանգության ցանկում է 2004 թվականից: Այստեղ 10 հազար տեսակ բույսեր կան, 580 տեսակ թռչուններ և 200 տեսակ կաթնասուններ են բնակվում, այդ թվում նաև սումատրայան օրանգուտանը: Պահպանել այս վայրը, նշանակում է պաշտպանել կենսաբազմազանությունը:
Լիվերպուլ, Անգլիա
Լիվերպուլն օգնեց Անգլիային դառնալ այն, ինչ կար իր ամենածաղկուն շրջանում: Նավահանգիստն ավելացվեց ՅՈՒՆԵՍԿՕ-ի համաշխարհային ժառանգության ցանկում 2012-ին: Ըստ Condé Nast Traveler-ի՝ չնայած ՅՈՒՆԵՍԿՕ-ն պահանջում է պահպանել քաղաքի ամենաբարձր շենքը, քաղաքի զարգացումն ու աճող բնակչությունը սպառնում են փոխել նավահանգիստն ու մեկընդմիշտ վերացնել այն տեսքն, ինչպիսին կա այսօր:
Էվերգլեյդս ազգային պարկ, Ֆլորիդա
Կենսաբազմազանությամբ հարուստ այս բնական վայրը վտանգված է: Ըստ «Travel + Leisure»-ի՝ ՅՈՒՆԵՍԿՕ-ն երկրորդ անգամ է այն ընդգրկել իր ցանկում:
Կորո, Վենեսուելա
Կորոն և իր նավահանգիստն ընդգրկվել են վտանգված ժառանգությունների ցանկում 2005-ին: Ըստ ՅՈՒՆԵՍԿՕ-ի՝ քաղաքը միակ վկայությունն է տեղական ավանդույթների, իսպանական և հոլանդական ճարտարապետության հարուստ միախառնության: Քաղաքին սպառնում է վենեսուելական նավթային ինդուստրիան: Քաղաքն իր նավահանգստով այդ կողմերի գեղեցկագույն վայրերից մեկն է:
Վիեննայի պատմական կենտրոնը, Ավստրիա
Վիեննայի պատմական կենտրոնը ՅՈՒՆԵՍԿՕ-ի համաշխարհային ժառանգության ցանկում է ընդգրկվել 2017-ին: Պատճառը մոդեռնացումն է, որը գալիս է քաղաքային զարգացմանը զուգահեռ: Եվրոպայի ամենաերաժշտական ու մշակութային քաղաքը կորցնում է իր պատմությունը:
Մեծ արգելախութ, Բելիզ
Վտանգված ժառանգության ցանկում է 2009 թվականից: Հյուսիսային կիսագնդում այն ամենամեծն է:
Պոտոսի, Բոլիվիա
ՅՈՒՆԵՍԿՕ-ի համաշխարհային վտանգված ժառանգության ցանկում է 2014 թվականից: Այստեղ է գտնվում արծաթի ամենամեծ հանքն աշխարհում: Քաղաքն իսպանական և տեղական մշակույթների խառնուրդ է: Քաղաքին սպառնացող ամենամեծ վտանգն աճող հանքարդյունաբերությունն է:
Գլեյշեր ազգային պարկ, Մոնտանա
Եթե բնական սառցադաշտ չեք տեսել, հարկ է այցելել Գլեյշեր ազգային պարկ: Որքան շուտ՝ այնքան լավ: 150 սառցադաշտերից այնտեղ մնացել են 25-ը: Կլիմայական փոփոխությամբ պայմանավորված՝ դրանց թիվը կարող է էլ ավելի կրճատվել:
Չան Չան հնագիտական գոտի, Պերու
Ըստ «Travel + Leisure»-ի՝ Չան Չանը Չիմուի թագավորության մայրաքաղաքն է եղել, մինչև ինկերի նվաճումը: Քաղաքի ճարտարապետությունը լավ մտածված է եղել՝ ներառելով 9 ամրոց: Այսօր այնտեղ ապօրինի գյուղատնտեսությամբ են զբաղվում, բացի այդ, կառույցները պաշտպանված չեն նաև եղանակային պատուհասներից: Հնագույն քաղաքը ոչնչացման վտանգի եզրին է: Այն ՅՈՒՆԵՍԿՕ-ի ցանկում է 1986 թվականից:
Սեյշելներ
Սեյշելներն էլ Մալդիվների պես կղզիների խումբ է Հնդկական օվկիանոսում՝ էրոզիայի վտանգի տակ: Եթե որոշել եք վայելել այս դրախտավայրը, շտապեք:
Աբու Մենա, Եգիպտոս
Քաղաքը կառուցվել է մ.թ. 296-ին, 2001-ից Համաշխարհային ժառանգության ցանկում է: Խնդիրն այն է, որ քաղաքի հիմքը կավից է, իսկ ջրի մակարդակի բարձրացումը վտանգում է կառույցների գոյությունը:
Սելուս արգելոց, Տանզանիա
Սելուս արգելոցը վտանգված ժառանգությունների ցանկում է 2014 թվականից: Այն կենդանական և բուսական աշխարհի մեծ բազմազանություն է առաջարկում՝ ընձուղտներից մինչև ռնգեղջյուր և փիղ: Այն Աֆրիկայում պահպանվող ամենամեծ վայրի տարածքներից մեկն է:
Կարդացեք նաև.
- Ինչպե՞ս միշտ ժամանակ գտնել ճամփորդելու համար․ մի դիզայների պատմություն
- Սիլիկոնային հովտի գրանդիոզ ծրագիրը. աղբավայրի փոխարեն իսկական քաղաք կկառուցվի
- Հայաստանի բրենդային համայնքը՝ օրիգինալ և էքսկլյուզիվ. Ենոքավանը դառնում է զբոսաշրջության կենտրոն
Կոսովոյի միջնադարյան հուշարձաններ, Սերբիա
Կոսովոն միշտ է հպարտացել իր միջնադարյան ճարտարապետությամբ: Սակայն 1990-ականներին Բալկաններում տեղի ունեցած անկարգությունների ժամանակ դրանք մեծապես վնասվեցին: 13-17-րդ դարերի եկեղեցիներն ու հուշարձանները պատերազմից հետո ամրացման կարիք ունեն:
Մալդիվներ
Կղզիների այս խումբը ծովի մակարդակից շատ քիչ է բարձր և առաջիկա 100 տարում կարող է ջրի տակ անցնել:
Տարածել
Կարդա նաև
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)
Kond hօuse-ում տեղի ունեցավ Յանիս Յոնևսի «Յելգավա 94» գրքի շնորհանդեսը (լուսանկարներ)