Ինչպե՞ս են Uber-ի վարորդներին հոգեբանորեն շահագործում
«Չնայած վարորդների հետ ավելի բարյացակամ լինելու մտադրությանը Uber-ը գիտության միջոցով ընկերության բարգավաճման համար դիմել է մանիպուլյատիվ հնարքների», - գրում է New York Times-ի հեղինակը:
Ընկերության վարորդներն անկախ ձեռնարկատերեր են, որոնք ինքնուրույն են ընտրում, թե որքա՞ն և ե՞րբ աշխատեն՝ առանց աշխատանքային գրաֆիկի, ինչն էլ ընկերությանը թույլ է տվել նվազագույնի հասցնել աշխատուժի ծախսերը, ինչի հետևանքով, սակայն, չեն կարողացել վերահսկել վարորդներին:
«Այս հիմնարար խնդիրը լուծելու համար ընկերությունը հոգեբանական խթան ու յուրօրինակ տեխնիկա է կիրառել, թե երբ, որտեղ և ինչպես աշխատեն վարորդները: Ուղևորների, վարորդների և ընկերության ծախսերի հավասարակշռությունը պահելն ընկերության համար լուրջ մարտահրավեր է», - գրում է հեղինակը:
Որպեսզի վարորդներն ավելի երկար աշխատեն ու շահավետ աշխատեն, Uber- ը կիրառել է վիդեոխաղեր, հավելվածներ, սահմանել է գրաֆիկական և ոչ նյութական բոնուսներ: Բացի դրանից, ընկերությունը սահմանել է նվազագույն աշխատավարձ, և եթե վարորդները փորձում են դուրս գալ հավելվածից տեղեկացվում են, որ նրանք օրվա պլանը կատարելու համար մի քանի պատվեր էլ պետք է ընդունեն:
Դա անելու համար, ըստ The New York Times- ի հեղինակի, ընկերությունը տվյալների վերլուծության համար սոցիալական ոլորտի հարյուրավոր մասնագետներ է վարձել: Օրինակ, Uber-ը մի ալգորիթմ ունի, որը նման է Netflix ծառայության գործառույթներից մեկին, երբ ավտոմատ սկսվում է հաջորդ տեսահոլովակը: Այս նույն ալգորիթմի միջոցով Uber-ի վարորդները հերթական պատվերն ստանում են նույնիսկ նախորդի ավարտից առաջ:
Կարդացեք նաև.
Uber ընկերության թռչող տաքսիների ցանցն օդում կլինի 2020 թվականին
Յանդեքս Տաքսին և Uber-ը կմիավորվեն. ի՞նչ սպասել նոր գործակցությունից
Uber-ի հիմնադիրը հրաժարական է տվել. Տաքսի ընկերության ճգնաժամը խորանում է
«Իհարկե, շատ ընկերություններ հոգեբանական հնարքների միջոցով են հաճախորդներ ձեռք բերում, որ նրանք հենց իրենց արտադրանքից ու ծառայություններից են օգտվում: Սակայն նման մեթոդների կիրառումն՝ ուղղված աշխատողների դեմ, ամեն ինչ փոխում է արմատապես», - գրել է հոդվածի հեղինակը:
«Սրանք մանիպուլյացիաներ են, որոնք ազդում են մարդկանց եկամուտների վրա: Uber-ի ղեկավարներն օգտագործում են վարորդների մասին ինֆորմացիան, ուղղորդում են նրանց, որպեսզի այդ կերպ այնքան ազդեն նրանց վրա, որքան իրենց անհրաժեշտ է», - ասում է Վաշինգտոնի համալսարանի իրավագիտության պրոֆեսոր Ռայան Քահոնը, որն ուսումնասիրել է, թե ինչպես են ընկերություններն, օգտագործելով տվյալներն և ալգորիթմները, մարդկանց հոգեբանորեն շահագործում:
The New York Times-ի տեղեկացմամբ, տղամարդ կառավարիչները հաճախ գրանցվել են կնոջ անունով, որովհետև դա մեծ ազդեցություն է ունեցել վարորդների վրա:
Ինչ-որ մեկը գրել է. «Ողջույն, շուտով այսինչ տեղում համերգ է լինելու: Գուցե դո՞ւ էլ գաս»: Եվ վարորդներն այդպես պատվերներ են ընդունել:
Ընկերության ներկայացուցիչները խոստովանել են, որ կանանց անունից պատվերներ են արել, ինչի շնորհիվ վարորդները շահագրգռված աշխատել են:
Ընկերությունը կարողացել է արագացնել և դանդաղեցնել ավտոմեքենան: Այսպիսով ընկերությանը հաջողվել է տարբեր միջոցների ու մանիպուլյացիաների շնորհիվ աշխատեցնել վարորդներին:
Հետևեք newmag-ին Telegram-ում և Instagram-ում
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)