Ինչպե՞ս արձակուրդից հետո վերադառնալ աշխատանքի և չտառապել
Ավելի վաղ սկսեք
Արձակուրդի հետո աշխատանքային առաջին օրն մաքսիմալ թեթևացնելու համար վաղ պատրաստվեք: Այդպես խորհուրդ է տալիս «Как укротить своего офисного тирана» գրքի հեղինակ Լինն Թեյլորը: Վաղ քնեք, որպեսզի առավոտյան առույգ լինեք:
Միաժամանակ մի քանի գործ մի արեք
Այդ օրը բազմաթիվ միջոցառումներ և վերջնաժամկետներ մի պլանավորեք: «Իրականում առաջին օրը չպետք է ոչ մի հանդիպում լինի»,- ասում է բիզնես-սփիքեր և հեղինակ Մայքլ Կերը, - «Փորձեք ամբողջ օրն ազատ թողնել, որպեսզի ընթացքի մեջ ընկնեք և ոչինչ չխառնեք»:
Ծախսեք մի քանի րոպե, որպեսզի կարգավորեք օրը, կենտրոնացեք գլխավորի վրա և մի վախեցեք օգնություն խնդրելուց:
Եթե ձեր գլխին միանգամից մի քանի աշխատանք է կուտակվել, դրանք դասակարգեք ըստ կարևորության: Սկզբից զբաղվեք կարևոր գործերով: Մտածեք, թե ինչն է ամենակարևորը ձեզ, ձեր ղեկավարի և ծրագրերի համար: Մի արեք այն, ինչ առաջանում է օրվա ընթացքում: Հրաժարվեք անկարևոր գործերից՝ մեծ նպատակներին հասնելու համար:
Ծանոթացեք գործերին
Նախքան ինչ-որ ծրագրով զբաղվելը, պատկերացում կազմեք այն մասին, թե ինչ է կատարվել ձեր բացակայության ընթացքում: Իմացեք կարևոր իրադարձությունների և փոփոխությունների մասին:
Մի փորփրեք փոստը
Առաջին աշխատանքային օրը փոստը տակնուվրա անելը հաջողված օրինակներից չէ: Պատասխանեք միայն կարևոր նամակներին, իսկ հետո զբաղվեք այլ գործերով:
Թիմին և հաճախորդներին հիշեցրեք ձեր մասին
Խորհուրդ է տրվում ղեկավարին և գործընկերներին հայտնել, թե այդ օրը ինչով եք զբաղվելու: Մի խորացեք մանրուքներում, քանի դեռ ամբողջությամբ չեք ծանոթացել գործերին: Նաև կապվեք գլխավոր պատվիրատուների հետ: Հիշեցրեք նրանց, որ դուք վերադարձել եք և իրենք արդեն կարող են դիմել ձեզ: Սա պարզ օրինակ է, բայց այն հաճախորդների վրա մեծ տպավորություն է թողնում:
Հոգ տարեք Ձեր մասին
Արձակուրդից հետո մեծ էներգիան թույլ է տալիս բազմաթիվ գործեր նախաձեռնել: Բայց ադյպես դուք սթրեսի կենթարկվեք և սխալներ թույլ կտաք: Արդյունավետությունը չի ավելանալ, այլ կնվազի: Պարտադիր ընդմիջումներ արեք և ճիշտ սնվեք: Աշխատանքից հետո վերադարձեք առօրյա գործերին: Շուտ քնեք:
Կարդացեք նաև.
- Ժպիտը բացում է բոլոր դռները. Խորվաթիայի նախագահի կյանքի կանոնները
- Ինչի՞ց պետք է հրաժարվել հաջողության համար. Ալեքսիս Օհանյանի խորհուրդները
- 4 հնարք աշխատանքային օրն արդյունավետ դարձնելու համար
Կենտրոնացեք աշխատանքի վրա
Այդ օրը ամեն ինչ ձեզ կշեղի. Արձակուրդի մասին գործընկերների հարցերը, լուրերը և սոցցանցերում նոր ընկերների ավելացումը, որոնք բաց եք թողել: Ժամանակ մի ծախսեք դրանց վրա: Կենտրոնացեք աշխատանքի վրա: Բոլորին ցույց մի տվեք ձեր նկարները, քանի որ դա էլ ձեզ կշեղի: Ավելի լավ է տպավորություններով կիսվել միայն մտերիմների հետ՝ ճաշի սեղանի շուրջ:
Հիշեք արձակուրդի հաճելի պահերը
Մի մոռացեք, որ կարող եք ղեկավարել ձեր մտքերը: Մի տխրեք, որ նորից աշխատանքի եք վերադարձել: Ավելի լավ է հաճույքով հիշեք հանգստի լավ պահերը:
Հետևեք newmag-ին Telegram-ում և Instagram-ում։
Տարածել
Կարդա նաև
«Կյանքը Շառլի աչքերով» / Ազնավուրի անտիպ խոհերն ու խոստովանությունները նկարազարդ անթոլոգիայում (տեսանյութ)
Newmag-ը ներկայացնում է The New York Times-ի 21-րդ դարի 20 գրքերից մեկը / Ջոան Դիդիոնի, «Մոգական մտքերի տարին» (թրեյլեր)
Հոգնած, մոլորված չքնած մայրիկների համար գիրք-դեղատոմս Աստղիկ Նադիրյանից (տեսանյութ)
Kond hօuse-ում տեղի ունեցավ Յանիս Յոնևսի «Յելգավա 94» գրքի շնորհանդեսը (լուսանկարներ)