Apple-ն ընդդեմ Swatch-ի. ո՞ր ընկերությունը պարտվեց դատարանում
Swatch ժամացույցներ արտադրող ընկերությունը Շվեյցարիայում հաղթեց դատական հայցը: Ռոյթերս գործակալությունը հայտնում է, որ Apple ընկերությունը Swatch-ին մեղադրում էր բրենդային իրավունքները խախտելու մեջ: Վեճի առիթը “Tick Different” սլոգանն էր («Տկտկա այլ կերպ»):
Այս սլոգանը Swatch-ը ստեղծել էր 2015-ին՝ NFC- մոդուլով Bellamy ժամացույցը գովազդելու համար: Ընկերությունը այն զարգացրեց Visa-ի հետ:
Գովազդային այդ սլոգանը Swatch-ը գրանցել է Շվեյցարիայում և ԱՄՆ-ում: Սակայն, Apple-ը համարեց, որ այն հնչում է իր՝ “Think Different” («Մտածիր այլ կերպ») ֆրազի պես: Apple-ը 1997- 2002 թթ այն կիրառում էր գովազդային արշավներում: Այդ ժամանակ անհատական համակարգիչների շուկայում Apple-ի գլխավոր մրցակիցն IBM-ն էր:
Swatch-ի դեմ դատական հայցը iPhone արտադրողը ներկայացրել էր 2017-ի ապրիլին: Swatch-ը պնդում էր, որ Apple-ի գովազդը այդքան էլ հայտնի չի եղել Շվեյցարիայում: Բացի այդ, Swatch ընկերությունը վստահեցրել է, որ այդ սլոգանը կիրառելիս փորձել է վերածնել “Always different, always new” («Միշտ տարբեր, միշտ նոր») կարգախոսը, որը կիրառում էր 80-ականներին: Ըստ Swatch-ի, դա պատահաբար է համընկել ամերիկյան արտադրողի կարգախոսի հետ:
Դատարանը համաձայնեց Swatch-ի փաստարկներին: Apple-ը պիտի ապացուցեր, որ օգտագործողների առնվազն կեսը “Tick Different” արտահայտությունը նմանեցնում իր արտադրանքին, ոչ թե Swatch ժամացույցներին:
Կարդացեք նաև.
Ինչո՞ւ է Apple-ը պաշտոնապես չեղարկել AirPower-ի վաճառքը
Եկել է շոուի ժամանակը. ե՞րբ կակտիվանան Apple-ի ներկայացրած նորույթները
Թվիթերը 13 տարեկան է։ Մենք սիրում ենք այն մեմերի և աբսուրդ կատակների համար
Ինչո՞ւ էին նախկինում այդ ընկերությունները վիճում
Առաջին անգամ չէ, որ Apple-ը և Swatch-ը վիճում են սլոգանի համար: Շվեյցարական ընկերությունը 2016-ին վեճի մեջ մտավ ամերիկյան ընկերության iWatch ապրանքանիշի արտոնագրային հայտի համար: Սպասվում էր, որ Apple-ը այդպես կանվաներ իր սմարթ-ժամացույցները՝ նմանեցնելով iPhone-ի եւ iPad-ի հնչերանգին:
Այսուամենայնիվ, Swatch-ը նշեց, որ այն շատ նման է իր iSwatch ապրանքանիշին, և շահեց դատը: Apple-ը ստիպված էր իր ժամացույցներն անվանել Apple Watch:
Բացի այդ, Swatch-ը 2015-ին գրանցեց “One more thing” («Եվս մեկ բան») սլոգանը: Սա հենց այն սլոգանն էր, որը Apple-ի համահիմնադիր Սթիվ Ջոբսը բազմիցս կիրառում էր նոր արտադրանքների շնորհանդեսներին: Apple-ը չկարողացավ վիճարկել արտոնագրային գրասենյակի որոշումը:
forbes
Հետևեք newmag-ին Telegram–ում և Instagram–ում
Տարածել
Կարդա նաև
Հոգնած, մոլորված չքնած մայրիկների համար գիրք-դեղատոմս Աստղիկ Նադրյանից (տեսանյութ)
Kond hօuse-ում տեղի ունեցավ Յանիս Յոնևսի «Յելգավա 94» գրքի շնորհանդեսը (լուսանկարներ)
Տեղի ունեցավ Եվրոպական Միության գրական մրցանակակիր Յանիս Յոնևսի գրքի հեռուստաշնորհանդեսը (թրեյլեր)
«Յելգավա 94» / Newmag-ը հայերեն է հրատարակել Յանիս Յոնևսի կուլտային վեպը (թրեյլեր)