Որքա՞ն հաճախ է պետք լվանալ մազերը
Երկու կարևոր բան, որ պետք է հիշել.
- Ճարպը բնության տարօրինակ քմահաճույքը չէ: Այն անհրաժեշտ է մազերը չորությունից ու չափից դուրս թուլացումից խուսափելու համար:
- Ճարպագեղձերի աշխատանքն ամեն մարդու դեպքում անհատական են. կախված է տարիքից, առողջությունից, գենետիկ յուրահատկություններից ու այլ գործոններից:
Որքա՞ն հաճախ է պետք լվանաք ձեր մազերը
Kaiser Permanente ընկերության մաշկաբան Պարադի Միրմիրանին ասում է, որ բոլորի համար նույն պատասխանը չկա: Բայց կա մեկ ճշմարտություն, որը վերաբերում է բացարձակապես բոլորին.
Ոչ ոք ամեն օր գլուխը չպետք է լվանա
Մազերը հաճախակի լվանալու սովորությունը ավելի շատ վնասակար է, քան օգտակար, վստահ է Բոստոնի բժշկական կենտրոնի մազերի կլինիկայի տնօրեն Լին Գոլդբերգը: Պարադոկսալ է, բայց այն մարդիկ, որոնք հաճախ են լվանում իրենց մազերը, նրանց գլխի ճարպագեղձերն արտադրում են ավելի շատ ճարպ: Օրգանիզմը չի ընդունում չափից շատ միջամտություն ու փորձում է կորուստները փոխհատուցել:
Կարդացեք նաև.
Ինչպե՞ս հաղթահարեցի 7 տարվա անքնությունը և դարձա առույգ
9 առասպել կոֆեինի մասին, որոնց չհավատալու ժամանակն Է
Սու՞րճ, թե՞ թեյ՝ պատասխանը փնտրեք գեներում
Ահա երեք գործոն, որոնք պետք է հաշվի առնել հասկանալու համար՝ թե որքան հաճախ է պետք լվանալ մազերը.
1. Մաշկի տիպը. Եթե մազերն ու մաշկը նորմալ են (ոչ շատ յուղոտ, ոչ շատ չոր), ուրեմն կարող եք գլուխը լվանալ շաբաթը մեկ կամ երկու անգամ: Եթե յուղոտ տիպին է պատկանում մաշկը, պետք է լվանալ ավելի հաճախ:
2. Մազերի կազմվածը. Այս գործոնից է կախված, թե որքան ժամանակում է ճարպը արմատից տարածվում մազերի ամբողջ երկայնքով: Կոշտ կամ գանգուր մազերի դեպքում այս պրոցեսը դանդաղ է ընթանում: Նման մազեր ունեցողները կարող են շաբաթը մեկ անգամ լվանալ իրենց գլուխը: Մինչդեռ բարակ ու ուղիղ մազեր ունեցողները ստիպված են իրենց գլուխը լվանալ շաբաթը երկու անգամ կամ նույնիսկ ավելի հաճախ:
3. Ոճ. Պետք է հաշվի առնել նաև մազերի կտրվածքն ու սանրվածքը: Երկար մազերն այլ խնամք են պահանջում, կարճերն՝ այլ:
Լավագույն պատասխանը, որ վերաբերում է առավելագույն մարդկանց՝ գլուխը պետք է լվանալ միջինում երեք օրը մեկ: Նրանց համար, ովքեր սովոր են գլուխն ամեն օր լվանալ, այս խորհուրդը չափազանց արմատական կարող է թվալ: Բայց լավ կլինի փորձել քիչ-քիչ սովորել այս գրաֆիկին: Ճարպագեղձերը կսկսեն ավելի նորմալ աշխատել, կարտադրեն ավելի քիչ ճարպ, արդյունքում մազերը նույնքան գեղեցիկ կթվան, որքան ամեն օր լվանալու դեպքում:
Հետևեք newmag-ին Telegram–ում և Instagram–ում
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)