Ինչպե՞ս հաղթահարեցի 7 տարվա անքնությունը և դարձա առույգ

Ինչպե՞ս հաղթահարեցի 7 տարվա անքնությունը և դարձա առույգ

Դուք տառապո՞ւմ եք անքնությամբ, ի՞նչ եք անում այն հաղթահարելու համար:

Ընդդեմ անքնության

Լրագրող, գրող Ելենա Բիկովան պատմել է իր յոթ տարվա անքնության մասին, ու թե ինչպես է այն հաղթահարել: Լրագրողը պատմում է, որ քսան տարեկան էր, աշխատում էր մի քանի տեղ, սովորում, դասավանդում, քնում գիշերվա երկուսին, արթնանում առավոտյան վեցին ու չարաշահում կոֆեինը: Ելենան ասում է, որ անքնությունը սկսվեց բարձր դասարաններից, երբ պատրաստվում էր քննությունների:

Հիվանդություն, որը ստիպեց քնել

Ես երիտասարդ էի, աշխատում էի առավոտից, մինչև երեկո, երեք տեսակի սպորտով զբաղվում ու կարծում էի, որ քնելն ժամանակի անիմաստ կորուստ է: Այս ամենը տևեց մինչև այն պահը, երբ ստացա  աղիքային ինֆեկցիա: Բոլորն ապրում էին, ես թավալվում անկողնում: Աշխատել չէի կարողանում, ուտում էի միայն ջրոտ վարսակի փաթիլներ, խմում էի ջուր ու այդ երկու շաբաթվա ընթացքում քնում օրվա մեջ 10, 11 ու նույնիսկ 12 ժամ, ու դա հիասքանչ էր:

Էներգիա, արդյունավետություն, էմոցիոնալ հավասարակշռություն

Առողջանալուց հետո ես սկսեցի արթնանալ  արևածագին: Առավոտյան մարմնիս կոտրատվող զգացողությունից ոչինչ չի մնում: Ես կարծես նոր ուժերով լցված լինեմ: Ես սկսեցի աշխատել շատ ավելի արդյունավետ, հեշտ ու հստակ: Ես հանգիստ էի, չէի նյարդայնանում, դարձա համբերատար, տրամադրությունս՝ ավելի կայուն, իսկ բարկության նոպաներս մնացին անցյալում: Ես այլևս չեմ մոռանում, ուր եմ դնում իրերս, հեռախոսս, ավելի ուշադիր եմ ու կենտրոնացած: Ես նաև ավելի առողջ ու առույգ դարձա, դեմքիս կնճիռներն ուղղվեցին, վերացան աչքերիս տակի փոսերը, կապույտ շրջանակները:


Կարդացեք նաև.


Ես կտամ խորհուրդներ նրանց, ովքեր ուզում են արագ ու առողջ քնել: Փորձված է՝ ինձ վրա:

  1. Մաքուր օդ

Քնել պետք է լավ օդափոխված սենյակում: Ես քնում եմ տաք ծածկոցով, բայց պատուհանը միշտ բաց:

  1. Հեռու էկրաններից

Լինի դա հեռուստացույց, նոթբուք, թե սմարթֆոն: Դիսփլեյի, էկրանի վառ լույսը խթանում է ուղեղի աշխատանքին ու խանգարում քնի հորմոնի առաջացմանը: Քնելուց առաջ պարզապես մի քանի էջ գիրք կարդացեք:

  1. Առողջ սնունդ, առողջ քուն

Քնից առաջ նախապատվությունը տվեք սպիտակուցներին ու ճարպին: Ի տարբերություն ածխաջրերի՝ դրանք ավելի երկար են մարսվում: Այնպես որ մինչև առավոտ էլ չեք սովածանա:

  1. Առողջ մարմին, առողջ քուն

Որպեսզի ավելի լավ քնեք, ավելացրեք ֆիզիկական ակտիվությունը: Երբ մարմինը հոգնում է, ուղեղն ավելի արագ է անջատվում: Շաբաթական 2-3 անգամյա մարզումները բավական են: Գերծանրաբեռնվել պետք չէ:

  1. Գովեք ինքներդ ձեզ ամեն օր

Կյանքը փոխվում է, երբ մենք սիրում ու հարգում ենք ինքներս մեզ: Օրվա ընթացքում մենք շատ գործ ենք անում, լուծում խնդիրներ, այնպես որ գովեստի խոսքերի արժանի ենք: Քնից առաջ ես սովորություն եմ դարձրել բաց թողնել անհանգիստ մտքերս, գովել ինքնս ինձ: Երբ ինձ ոչինչ չի մտահոգում, ես քնում եմ խորը ու հանգիստ:

  1. Հաճելի գործերը՝ առավոտյան

Գլխավոր խորհուրդը՝ վերջում: Որպեսզի արթնանաք արագ ու ուրախությամբ, ամեն առավոտ արեք այն, ինչը սիրում եք: Մի անգամ անկողնում պառկած մտածում էի. « Լավ կլիներ, ինձ համար պատրաստեի խոտաբույսերով թեյ, օրագրումս գրառում անեի…» : Հենց այդ րոպեին մտածեցի՝ իսկ ինչ կլինի, եթե ես ամեն առավոտս հենց այդպես էլ սկսեմ: Հաջորդ առավոտյան ես արթնացա, շատ արագ վեր կացա, պատրաստեցի բուրումնավետ թեյս ու սկսեցի գրել: Այդ մեկ ու կես ժամն ինձ էին պատկանում, ու ես ինձ զգում էի ամենաերջանիկ արտույտն աշխարհում:

Այդ ժամանակվանից անցել է չորս տարի: Ես փոխել եմ իմ գրաֆիկը, քաղաքն ու աշխատանքը: Բայց որքան էլ հագեցած լինի օրս, ես միշտ լիարժեք քնում եմ, առավոտյան խմում մեկ բաժակ ջուր, կես ժամ տրամադրում օրագրումս գրառում անելուն: Իսկ հետո մեկ ժամ սովորում եմ կորեերեն, կարդում: Առավոտյան ես վայելում եմ լռությունը ու անում այն, ինչն ամենաշատն եմ սիրում:


Հետևեք   newmag-ին    Telegram–ում և    Instagram–ում


Գրել կարծիք