Ինչպե՞ս պատասխանել, երբ վիրավորում են

Ինչպե՞ս պատասխանել, երբ վիրավորում են

Ընկերների, անծանոթների, ղեկավարների վիրավորական բառերին պետք է պատասխանել տարբեր կերպ:

  1. Վիրավորել

Սա առաջին բանն է, որ ուզում ես անել, երբ քեզ են վիրավորում: Բայց պատասխան վիրավորանքը տեղին է, եթե.

  • Սրամիտ է

  • Տեղի է ունենում հարազատների ու ընկերների մոտ

  • Ավելի շուտ կցրի լարվածությունը, քան կսրի իրավիճակը

Բոլոր մնացած դեպքերում վիրավորանքին վիրավորանքով պատասխանելն այնքան էլ լավ լուծում չէ: Այդպես դուք իջնում եք վիրավորանք հասցնողի գռեհիկության մակարդակին:

  1. Կատակ անել

Սրամիտ վիրավորանքի ու կատակով պատասխանի տարբերությունն այն է, որ երկրորդի դեպքում դուք գնահատական եք տալիս իրավիճակին: Այս ռազմավարության առավելությունն այն է, որ վիրավորանքը կորցնում է իր թունավորությունը, լարվածությունը թուլանում է, իսկ լսարանը (եթե կա) անցնում է ձեր կողմը:  

Այս դեպքում կարելի է նաև գրավել պսեվդոինքնաոչնչացման մեթոդը:

Օրինակ 1. Գործընկերն ասում է, որ դուք պատրաստել եք գաղջ շնորհանդես:

Պատասխան. «Կարծում եմ, դու ճիշտ ես: Հաջորդ անգամ հինգ տարեկան տղայիցս խորհուրդ չեմ հարցնի»:

Օրինակ 2.  Գրեթե անծանոթ մարդը ձեզ վատ բառ է ասում

Պատասխան.  «Շնորհակալություն, կարևոր խորհրդի համար: Դուք ինձ ցույց տվեցիք իմ թերությունները: Կմտածեմ այդ մասին»:

  1. Ընդունել

Որոշ իրավիճակներում պետք է վերլուծել վիրավորական բառերը: Հատկապես, եթե դրանք ասում են հարազատ մարդիկ: Այդ դեպքում կարող եք վիրավորական բառերն ընդունել, որպես քննադատություն, որի շնորհիվ պետք է դառնաք ավելի լավը:

  1. Պատասխանել ոչ թե բառերին, այլ մտադրությանը

Ամեն մի վիրավորանքի տակ թաքնված է նպատակ: Բացահայտեք գաղտնիքը, նշեք այն: Օրինակ, ի պատասխան կոպիտ բառերի, ասեք. «Օ, հոո, մեր միջև հաստատ ինչ-որ լուրջ բան է տեղի ունեցել, եթե որոշել եք ինձ ցավ պատճառել»: Այդպես կպատասխանեք վիրավորանք հասցնողին, ու նաև կիմանաք պատճառը:


Կարդացեք նաև.


  1. Պահպանել հանգստություն

Եթե վիրավորողը ոչ թե հարազատ մարդ է, այլ գործընկեր, ծանոթ կամ անծանոթ, երբեք ցույց մի տվեք, որ այդ բառերը ձեզ խոցել են: Ամենայն հավանականությամբ, այդ բառերի հետևում թաքնված է անվստահություն, դժգոհություն սեփական կյանքից: Հնարավորության դեպքում, շարունակեք ձեր գիծը, պարզեք, թե ինչն է այդ պահվածքի պատճառը:

  1. Արհամարհել

Հաճախ, լավագույն պատասխանը դրա բացակայությունն է: Եթե խոսքն ինտերնետային թրոլինգի մասին է, պարզապես, մի պատասխանեք կամ այդ անձնավորությանը  գցեք սև ցուցակ:

  1. Կիրառեք օրենքը

Դուք կարող եք ձեզ վիրավորողին պատասխանատվության ենթարկել օրենքի ուժով: Հիշեք, որ ոչ ոք իրավունք չունի ոտնահարել ձեր պատիվը, արժանապատվությունն ու հեղինակությունը: Բայց դուք էլ մարդկանց պետք է պատասխանեք նույն կերպ:


Հետևեք   newmag-ին    Telegram–ում և    Instagram–ում


 

Գրել կարծիք