Մեսսիի մասին գիրքն արդեն պատրաստ է. ինչպե՞ս և որտեղի՞ց այն ձեռք բերել
Ո՞վ է Լուկա Կայոլին
Լուկա Կայոլին ֆուտբոլային բեսթսելլերների հեղինակ է: Նա ծնվել է 1958 թվականին Միլանում: 2001-ից բնակվում է Մադրիդում: Որպես մարզական լրագրող, վերջին մի քանի տարիներին հետևել է միջազգային կարևորագույն սպորտային իրադարձություններին: Աշխատել է հայտնի թերթերի (Il Manifesto, L’Unita, La Repubblica և Gazzetta dello Sport) հետ, եղել է Euronews TV հեռուստաալիքի սպորտային խմբագիրը, Իտալիայում և Մեծ Բրիտանիայում համագործակցել է տարբեր լրատվամիջոցների հետ: 2011-ին, Իսպանիա տեղափոխվելուց հետո, աշխատել է լրագրող Sky Tg24 հեռուստաալիքում և մարզական մեկնաբան La Sexta, Cuatro, Onda Cero և Cadena Ser իսպանական հեռուստաալիքներում, սյունակներ է վարել Marca թերթում:
Կայոլին ավելի քան մեկ տասնյակ գրքերի հեղինակ է։ Ընդ որում, նա գրել է ոչ միայն ֆուտբոլիստների մասին։ Կայոլիի գրչին է պատկանում նաեւ աշխարհահռչակ հեծանվորդ Լենս Արմսթրոնգի ինքնակենսագրականը: Այնտեղ ներկայացված են ամերիկացու կյանքի եւ կարիերայի գրանցած հաջողությունների պատմությունները:
Ի՞նչ է գրքում պատմում Լուկա Կայոլին
Գրքում բացառիկ հարցազրույցներ կան ֆուտբոլիստին ճանաչողների և հենց իր՝ Մեսսիի հետ: Գիրքը պատմում է, թե մեծ ֆուտբոլիստ դառնալու համար ինչ դժվարությունների միջով է նա ստիպված եղել անցնել: Սպորտային բեսթսելլերը մանրակրկիտ ներկայացնում է ֆուտբոլային կուռքի կյանքի պատմությունը:
Սպորտային բեսթսելլերը մանրակրկիտ ներկայացնում է ֆուտբոլային կուռքի կյանքի պատմությունը:
«Մեսսի. լեգենդ դարձած տղայի պատմությունը» գրքում «Կարիերա» բաժին կա: Այստեղ կարելի է ծանոթանալ ֆուտբոլիստի անձնական տվյալներին, տեսնել, թե որ ակումբներում է խաղացել: Ե՞րբ է առաջին անգամ գրավել մրցակցի դարպասը, ֆուտբոլային մրցաշարերում ի՞նչ տիտղոսներ է նվաճել: Գրքում ներկայացված են Լիոնել Մեսսիի անհատական մրցանակները: Ֆուտբոլիստի երկրպագուները կարող են ծանոթանալ դրանց իրենց անուններով և թվականներով: «Մեսսի. լեգենդ դարձած տղայի պատմությունը» գիրքը 38 գլուխ ունի: Յուրաքանչյուրն առանձնացված է ըստ թեմաների: Ամբողջ գիրքը 560 էջ է:
Ո՞վ է գրել գրքի նախաբանը
Լուկա Կայոլիի «Մեսսի. Լեգենդ դարձած տղայի պատմությունը» գրքի հայերեն տարբերակի համար հատուկ նախաբան է գրել Ֆուտբոլային մենաբան Էդուարդ Քալանթարյանը: «Մեսսին և մենք» նախաբանում մասնագիտական տեսանկյունից հակադրվում են երկու գերաստղերը՝ Կրիշտիանու Ռոնալդուն և Լիոնել Մեսսին: Էդուարդ Քալանթարյանը նրանց երկուսի մրցակցությունը անվանում է մարդու և ռոբոտի դիմակայություն: Կրիշտիանուն նորագույն տեխնոլոգիաների, անմարդկային ռեժիմի արգասիք է, կատարյալ մեքենա, որը սրբում-տանում է իր ճանապարհին հայտնված ամեն ինչ: Լեոն նրա հակատիպն է: Նա արգելքները հաղթահարելու համար օգտագործում է այն ամենը, ինչ կրել է ծնված օրից: Ու դա անում է այնպիսի թեթևությամբ, կարծես ոչ մի ջանք չի գործադրում: Միևնույն ժամանակ Էդուարդ Քալանթարյանը նախաբանում բացատրում է, թե ինչու է հենց Մեսսին պատմության մեջ լավագույն ֆուտբոլիստը:
Կարդացեք նաև.
- 5 պատճառ, թե ինչու պետք է գնել «Ռոնալդու» գիրքը
- Ինչի՞ մասին է newmag-ի հրատարակած «Թքած ունենալու նուրբ արվեստը» բեսթսելլերը
- Ինչի՞ մասին է Ֆրանսիայի նախագահ Էմանուել Մակրոնի «Հեղափոխություն» գիրքը
Ովքե՞ր են ծանոթագրությունների հեղինակները
«Մեսսի. Լեգենդ դարձած տղայի պատմությունը» գիրքը ոչ միայն ֆուտբոլասերների համար է, այլ նաև հանրության լայն շրջանի: ֆուտբոլային հայտնի վերլուծաբան Արմեն Նիկողոսյանը և ֆուտբոլային մեկնաբան Գրիգոր Ավետիսյանը առանձնացրել են այն հատուկ անունները, տերմինները, որոնք ընթերցողին կօգնեն ավելի լավ հասկանալ ֆուտբոլային պատմությունը: Ընթերցողները էջի ներքևում կտեսնեն իրենց անհայտ բառերի և տերմինների ծանոթագրությունները: Մեկտեղված են բավականին շատ փաստագրական եւ հանրագիտարանային տվյալներ ընդհանուր ֆուտբոլի մասին։
Ովքե՞ր են թարգմանել և խմբագրել գիրքը:
Սպորտային բեսթսելլերը անգլերենից թարգմանել է Լիանա Զաքարյանը: Նա սպորտային բովանդակության հետ աշխատելու փորձ ունի: Մինչև այս, Լիանա Զաքարյանը թարգմանել էր Լուկա Կայոլիի «Ռոնալդու. Կատարելության տենչով» գիրքը: Թարգմանիչը մեծ խնամքով է աշխատել ամեն բառի վրա: Մեսսիի անձնական կյանքի եւ կարիերայի վերաբերյալ ինֆորմացիանները մի քանի անգամ ճշգտրվել են:
Գիրքը խմբագրել է Գնել Նալբանդյանը: Նա կարծում է, որ սպորտային երկու բեսթսելլերները՝ «Մեսսի. Լեգենդ դարձած տղայի պատմությունը» և «Ռոնալդուն. Կատարելության տենչով»-ը, ֆուտբոլային մեկնաբաններին կարող են օգնել տերմինաբանության հարցում: Այս երկու գրքերում դուք չեք հանդիպի այն ստանդարտ սխալներին, որոնք սովորաբար հնչում են ֆուտբոլային խաղերի ուղիղ հեռարձակումների ժամանակ: Նաև կօգնեն, որ սպորտային մեկնաբանները կատարելագործեն իրենց գիտելիքները ֆուտբոլային այս երկու մեգաաստղերի խաղաոճի բնագավառում:
Նաև կօգնեն, որ սպորտային մեկնաբանները կատարելագործեն իրենց գիտելիքները ֆուտբոլային այս երկու մեգաաստղերի խաղաոճի բնագավառում:
Գրքի սպորտային վերիֆիկանտը Գրիգոր Ավետիսյանն է: Նա ստուգել է բոլոր փաստերը, ձևակերպումները, հաշիվները: Ֆուտբոլիստի կարիերայի մասին թվական տվյալները մի քանի անգամ ստուգվել են և համապատասխանեցվել, որպեսզի հին ինֆորմացիա գրքում չհայտնվի: Գրքի ձևավորմամբ զբաղվել է դիզայներ Էդիկ Պողոսյանը:
Ո՞ր ընկերությունն է գրքի հովանավորը և ինչո՞ւ գիրքն ունի հովանավոր
Գրքի հայերեն հրատարակության հովանավորը TotoGaming ընկերությունն է։ Հենց այս ընկերության հովանավորության շնորհիվ է, որ newmag-ը կարողացել է նվազեցնել գնի արտադրության ծախսը և ձևավորել մատչելի գին ընթերցողների համար։
Ե՞րբ և ինչպե՞ս կարելի է ձեռք բերել գիրքը
Բարսելոնա ֆուտբոլային ակումբի հարձակվող Լիոնել Մեսսիի կյանքի ու կարիերայի մասին պատմող գիրքը վաճառքում կհայտնվի փետրվարի 1-ին: Ընթերցողները Մեսսիի մասին պատմող գիրքը գրախանութներում կարող են ձեռք բերել 5800 դրամով: Սպորտային բեսթսելլերը կվաճառվի նաև առցանց: Պատվիրելու համար պետք է այցելել books.newmag.am կայքը: Առցանց պատվիրելիս գիրքը կարժենա 5000 դրամ:
Հետևեք newmag-ին Telegram–ում և Instagram–ում
Տարածել
Կարդա նաև
Բացառիկ հարցազրույց Մանուշյանների առաջին հուշագիր, պոետ Մարկ Դըլուզի հետ (տեսանյութ)
Առաջին գրողն Արևմտյան Աֆրիկայից, որը արժանացել է Ֆրանսիայի ամենահեղինակավոր գրական Գոնկուր մրցանակին (տեսանյութ)
Տեղի ունեցավ Էլենա Ֆերանտեի «Կորած երեխայի պատմությունը» գրքի հեռուստաշնորհանդեսը (տեսանյութ)
Ինչ նախագծեր ու ծրագրեր է իրականացրել այն բարերարը, ում Ադրբեջանը ցանկանում է դատապարտել ցմահ (տեսանյութ)