Ամեն ինչ սկսվեց որպես կատակ. ի՞նչ է պոպուլիզմը Սերբիայում

Սերբիայում 2017 թվականի նախագահական ընտրությունը վերածվել էր զավեշտի ու բառի իսկական իմաստով կրկեսի բաց երկնքի տակ: Թեկնածությունն էր առաջադրել 25-ամյա մի կոմեդիանտ-ուսանող: Մեկ շաբաթ անց հարցումներով նա երկրորդ տեղում էր: Ընտրության արդյունքով՝ 3-րդը, նրա օգտին քվեարկել էր ավելի քան 326 հազար մարդ: Նրա գործողությունները դասական պոպուլիստական էին՝ համեմված բալկանյան առանձնահատկություններով: 
Հակառակ իսթեբլիշմենթին - Քարոզարշավի սկզբում Մաքսիմովիչը հայտարարեց, որ ոչ թե ինքն է մասնակցում ընտրությանը, այլ իր «ալտեր էգոն»: Այդ էգոն նույնիսկ անուն ուներ` «բելի», այսինքն` սպիտակ: Ինքը սպիտակ էր, քաղաքական էլիտան` սև: Նրա անցյալը մաքուր ու անբիծ էր, մյուսներինը` կոռուպցիայի մեջ թաթախված: Այս, երբեմն արհեստականորեն ստեղծված հակասությունը պոպուլիզմի հիմնաքարերից է: Մաքսիմովիչը ոչ միայն իշխանությանն էր հակառակվում, այլև ընդդիմությանը: Նա ծաղրում էր բոլորին և հայտարարում, որ ինքը բոլոր վատ քաղաքական գործիչների հավաքական կերպարն է: 
Ուղիղ ժողովրդավարություն - Ամեն ինչ սկսվեց որպես կատակ, բայց քաղաքացիների անսպասելի դրական արձագանքը Մաքսիմովիչին դարձրեց վտանգավոր մրցակից: Ընտրական ընդունված մոդելները չընդունող ու կառավարման գործող համակարգերից հոգնած մարդկանց համար նա կատարյալ թեկնածու էր: Մաքսիմովիչը անկեղծանում էր` ինքը գնում է գյուղեր մարդկանց խաբելու, ընտրարշավի իմաստը անկեղծ ստելն էր: 

• «Ինչ է պոպուլիզմը» Ֆրասնիայում. Ազգային ճակատն ու Մարինը


• «Ինչ է պոպուլիզմը» Իտալիայում


• «Ինչ է պոպուլիզմը» Ուկրաինայում

Հեղինակ՝ Նանե Մանուկյան

Հետևեք newmag-ին   Instagram-ում և   Telegram-ում