Ինչո՞ւ գրեցի այս գիրքը. Ռեյչլ Հոլիսը՝ «Աղջիկ ջան, մի՛ արդարացիր» բեսթսելլերի մասին
Ռեյչլ Հոլիսը «Աղջիկ ջան, մի՛ արդարացիր» գիրքը գրեց այն մարդկանց համար, ովքեր կարդացել են «Աղջիկ ջան, ուշքի արի»-ն: Նրա խոսքով՝ այն, ինչ անում է, ընթերցողների ակնկալիքն է իրենից:
«Մարդիկ կարդացել են «Աղջիկ ջան, ուշքի արի»-ն ու ասում են՝ այո, ես ուզում եմ կյանքիս ղեկը ձեռքս վերցնել, երազանքներիս հասնել: Բայց ինչպե՞ս, ինչպե՞ս պետք է անեմ, ինչպե՞ս են դա անում», - ասում է Ռեյչլ Հոլիսը:
Բեսթսելլերների հեղինակը սկսեց ուշադրություն դարձնել ամեն ինչին, վերանայեց իր կյանքի բոլոր հաջողությունները՝ բիզնես ստեղծելը, գրքեր գրելը, մարաթոն վազելը, մայրիկ դառնալը, առողջ սնվելը:
«Երբ նայեցի իմ անցած ճանապարհին, հասկացա, որ այդ ամենին հասնելու ուղիները նույնն են եղել: Այդ ամենին ես հասել եմ նույն ճանապարհով: Իսկ ինչ, եթե ես կարող եմ սա սովորեցնել ուրիշներին», - - ասում է Ռեյչլ Հոլիսը:
Ինչպե՞ս հայտնի դարձավ բեսթսելլերների հեղինակ Ռեյչլ Հոլիսը
Ռեյչլն անկեղծանում է. եթե ինչ-որ մեկն իրեն ուղի ցույց տար այն ժամանակ, երբ դեռ 21 տարեկան էր ու նոր էի սկսում իր բիզնեսը, մի քանի լուսային տարով առաջ կլիներ այն տեղից, որտեղ հիմա է:
«Մարդիկ ինձ միշտ ասում են՝ ինչ կասեիր քո երիտասարդ տեսակին: Աղջիկ ջան, մի՛ արդացիր. ահա՛, թե ինչ կասեի իմ երիտասարդ տեսակին: Այս գիրքն այն ամենն է, ինչ չեմ իմացել: Այն մասին է, թե ինչպես պետք է դառնամ այն մարդը, որը ցանկանում եմ լինել», - ասում է Ռեյչլ Հոլիսը:
«Աղջիկ ջան, մի՛ արդարացիր» գիրքը նպատակներ ստեղծելու մասին է, այն քայլերի, որոնք տանում են դեպի նպատակի իրականացում: Այս ամենի ընթացքում պետք չէ արդարանալ, պետք չէ տրվել ուրիշների կարծիքներին, պետք է տեր կանգնել սեփական արժեքներին ու երազանքներին:
[embed]https://youtu.be/WPczzomOy54[/embed]
Հետևեք newmag-ին Instagram-ում և Telegram-ում