Գիրք, որ կբացահայտի AI-ի ներկան ու ապագան (տեսանյութ)

Ընդամենը հինգ տարի առաջ գրքի հեղինակներից մեկը քիչ էր մնում հեռանար արհեստական բանականության մասին տրանսատլանտյան հարաբերությունների հարցերով համաժողովներից մեկից։ Նա չէր ուզում լսել ԱԲ մասին, քանի որ այն անհետաքրքիր էր։ Բայց համոզեցին, մնաց ու դրանից հետո առաջացավ գիրքը գրելու գաղափարը:

Վիետնամական պատերազմը վերջ դնելու ջանքի համար Խաղաղության Նոբելյան մրցանակակիր, Նիքսոնի և Ֆորդի պետքարտուղար Հենրի Քիսինջերը, Google-ի նախկին գլխավոր գործադիր տնօրեն ևնախագահ Էրիկ Շմիդտն ու Մասաչուսեթսի տեխնոլոգիական ինստիտուտի Շվարցմանի հաշվողականքոլեջի առաջին դեկան Դանիել Հաթենլոքերը միասին ստեղծեցին «Արհեստական բանականությունը և մարդկության ապագան» գիրքը։ 

ԱԲ-ը խոստանում է դարակազմիկ փոփոխություններ հասարակության, տնտեսության, ներքին և արտաքին քաղաքականության մեջ, բայց այս պահին ոչ ոք չի կարող ասել, թե ինչ կլինի հետո։ Հենց դա են վերլուծել, մտածել ու գրել հեղինակները։ 

Գիրքը բացատրում է, թե ինչ է արհեստական բանականությունը, ի՞նչ նորարարություններ են սպասվում առողջապահության, կենսաբանության, տիեզերքի ուսումնասիրության, քվանտային ֆիզիկայի ոլորտներում, ի՞նչ փոփոխություններ կլինեն մարդկային հարաբերություններում, ու նույնիսկ երեխաների դաստիարակության մեջ։

Մարդկությունը միշտ է երազել օգնականի մասին՝ մեքենա, որն ունակ է կատարել առաջադրանքներ նայնպես, ինչպես մարդը: Մեքենաներն ավելի ու ավելի շատ են կատարելու առաջադրանքներ, որոնց նախկինում ունակ էին միայն մարդիկ. ուրեմն ի՞նչն է այդ ժամանակ բնորոշելու մեր ինքնությունը՝ որպեսմարդ: 

Մարդը միշտ իրեն համարել է կենտրոնական դեմք: Այժմ մենք թևակոխում ենք մի դարաշրջան, երբ մարդու ստեղծագործություններից մեկին՝ արհեստական բանականությանը, ավելի ու ավելի հաճախ ենք վստահում առաջադրանքներ, որոնք նախկինում մարդը կատարում էր ինքնուրույն:

ԱԲ գեներացրած արդյունքները հաճախ գերազանցում են մարդկային բանականության արդյունքներին, ինչը հարցականի տակ է դնում մարդուն բնորոշ ամենակարևոր հատկանիշը: Ավելին, ԱԲ-ն ունակ է սովորելու և զարգանալու, ինչը նրան թույլ է տալիս կատարել այնպիսի բարդ առաջադրանքներ, որ մինչև այժմ ի զորուէր միայն մարդը:

Կարդացեք նաև

• Newmag summer fest/Նոր գիրք/ Հենրի Քիսինջեր. «Արհեստական բանականությունը և մարդկության ապագան» գիրքը (թրեյլեր)