Ի՞նչ անել, եթե բանկն արգելափակել է քարտը
Ի՞նչ է նշանակում քարտի արգելափակում
Դեբետային քարտի արգելափակումը նշանակում է ցանկացած գործողության արգելք: Դուք չեք կարողանա այդ քարտով վճարում կատարել ո՛չ սուպերմարկետում, ո՛չ ինտերնետային խանութում: Քարտը դադարում է գործել ու վերածվում է անպիտան պլաստիկի:
Այն կարող է արգելափակել քարտապանը, բանկը կամ վճարային համակարգը:
Ի՞նչ պատճառով կարող է քարտն արգելափակվել
Քարտով ոչ ստանդարտ գործարքի հետևանքով
Բանկը կարող է արգելափակել քարտը, եթե կասկած առաջանա, որ դրանից փորձում են գումար հանել առանց քարտապանի իմացության:
Օրինակ, քարտով փորձում են վճարել արտասահմանյան սրճարաններից մեկում, թանկարժեք գնում կատարել կամ գումար դուրս գրել արտասահմանում: Ալգորիթմը վերահսկում է բոլոր գործողություններն ու ոչ ստանդարտ գործարքի դեպքում համարում է, որ քարտը հայտնվել է կեղծարարի մոտ:
Այդ դեպքում բանկը կապ է հաստատում քարտապանի հետ ու խնդրում վերահաստատել գործարքը: Եթե հնարավոր չի լինում կապվել քարտապանի հետ, եթե քարտապանն անհասանելի է, ապա քարտն անմիջապես արգելափակվում է ու քարտապանը ստանում է sms հաղորդագրություն:
Քարտի պատճենահանման դեպքում
Քարտը կարող են արգելափակել, եթե նույնիսկ այն չի օգտագործվել ոչ ստանդարտ օպերացիաների համար: Դրա համար բավական է, որ կասկած առաջանա, թե կեղծարարները փորձել են պատճենահանել քարտը սքիմինգային սարքերի օգնությամբ, բանկոմատներում, խանութներում, սրճարաններում:
Դա վերահսկում են Visa և Mastercard վճարային համակարգերը: Եթե կասկած կա, որ քարտը փորձել են կեղծել, ապա բանկին խնդրում են, որ այն արգելափակվի:
3 անգամ անընդմեջ հավաքել եք սխալ փին կոդ
Սա նույնպես պատճառ է քարտն արգելափակելու համար: Բանկը կարծում է, որ սխալ փին կոդը հավաքում է ոչ թե քարտապանը, այլ օտար մեկը և կասեցնում կամ սահմանափակում է քարտի գործողությունները: Այն կրկին կսկսի գործել 24 ժամ անց:
Եթե սպառվել է քարտի գործողության ժամկետը
Ամիսն ավարտվել է, քարտի գործողության ժամկետը՝ նույնպես, իսկ դուք մոռացել եք այդ մասին: Բանկի համապատասխան բաժնում ձեզ արդեն սպասում է նորը: Հինը այլևս չի աշխատի:
Եթե բանկը ենթադրում է, որ ձեր քարտի միջոցով գումար են կանխիկացնում
Քարտի վրա պարբերաբար խոշոր գումար փոխանցելն ու այդ գումարի կանխիկացումը կարող է բանկի համար հիմք հանդիսանալ ենթադրելու, թե կանխիկացնում եք գումարն ու զբաղվում եք անօրինական գործունեությամբ: Բանկը հետևում է նմանատիպ օպերացիաներին ու արգելափակում քարտը (այո, դա օրինական է):
Դատարանի որոշմամբ
Քարտը և բանկային հաշիվը կարող է արգելափակվել, եթե դուք պարտքեր ունեք: Այս կերպ, դատարանի միջոցով կարելի է հասնել պարտքի մարմանը:
Ինչ անել, եթե քարտն արգելափակվել է
Զանգահարեք բանկ: Բանկի հեռախոսահամարը նշված է քարտի հակառակ կողմում կամ կայքում: Բանկի աշխատակիցը կհարցնի անձնագրի տվյալներն ու գաղտնաբառը, հետո էլ կհարցնեն արգելափակման պատճառը:
Որոշ բանկեր համարի տոնային հավաքի դեպքում ունենում են արգելափակման ու ապարգելափակման կոճակ, եթե ձեր բանկը չունի այդ ֆունկցիան, ապա ուղղակի սպասեք օպերատորի պատասխանին:
Եթե քարտն արգելափակել է բանկը, ապա դուք կվերահաստատեք ձեր գնումները, քարտը կրկին կվերականգնեն: Եթե բանկն արգելափակել է քարտը՝ գումարի ապօրինի կանխիկացման կասկածանքով, ապա ձեզ կխնդրեն փաստաթղթեր ներկայացնել, որոնք կհաստատեն ստացած գումարի օրինականությունը: Ստուգումից հետո արգելափակումը կկասեցնեն:
Ինչպե՞ս գումար ստանալ արգելափակված քարտից
Եթե բանկ զանգահարելուց հետո ձեր քարտը դեռ արգելափակված է, հոգ չէ. դուք ամեն դեպքում կարող եք գումար ստանալ: Օրինակ, բջջային հավելվածի միջոցով:
Խոսեք բանկի հետ, եթե ձեզ շտապ գումար է անհրաժեշտ, ապա բանկի աշխատակիցը կարող է ժամանակավորապես հանել արգելանքը: Դրա համար հեռախոսով բացատրեք օպերատորին, որ այլ քարտ չունեք, բայց գումարը ձեզ շտապ է անհրաժեշտ:
Կարդացեք նաև․
- Զոհրաբ Հարոյան. Ինչ անել, երբ բանկոմատը «կուլ» է տալիս քարտդ օտար երկրում. այս անգամ ինձ չօգնեց ո՛չ ծխելը, ո՛չ աղջիկը
- Ո՞վ է բանկային քարտի նախահայրը, որ առաջինը կանխիկի փոխարեն վճարեց չեկով
- 7 պարզ քայլ. Ինչպե՞ս գնել բիթքոին
Ինչպե՞ս խուսափել քարտի արգելափակումից
Հաճախ արգելափակում են ոչ ստանդարտ օպերացիաների պատճառով: Նման իրավիճակում չհայտնվելու համար նախապես տեղեկացրեք բանկին հնարավոր գործուղման մասին, կամ արտասահման հանգստի մեկնելուց առաջ: Եթե ծրագրում եք այցելել մի քանի երկիր, ապա ցանկալի է նշել այդ վայրերը:
Ձևակերպեք հավելյալ քարտ
Հիմնական քարտին կցեք նաև հավելյալը, այսպես դուք կունենաք 2 քարտ, բայց 1 հաշիվ: Եթե քարտերից մեկն արգելափակվի, ապա կօգտագործեք երկրորդը:
Վճարեք կանխիկ
Եթե չեք վստահում մատուցողին կամ գանձապահին, ապա ուղղակի կանխիկ վճարեք, եթե չունեք կանխիկ գումար, ապա հետևեք, որ մատուցողը կամ գանձապահը ձեր քարտն օգտագործեն ձեր աչքի առջև և որևէ պարագայում հեռու չտանեն:
Գումարը կանխիկացրեք բանկում
Կեղծարարներն ու գողերը օգտագործում են սքիմինգային համակարգերը և քարտերի կրկնօրինակն են ստեղծում: Թյուրիմացություններից խուսափելու համար գումարը կանխիկացրեք բանկում: Մի օգտվեք փողոցային բանկոմատներից, գումարը հանեք միայն լավ լուսավորված վայրերում, փին կոդը հավաքելիս ստեղնաշարը ձեռքով փակեք:
Նյութը կարող եք քննարկել newmag-ի Telegram ալիքում:
Տարածել
Կարդա նաև
Լայնեզր գլխարկով, գոթական ոճով բարոնուհին ու էքսցենտրիկ գրող Ամելի Նոտոմբը (տեսանյութ)
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)