Newmag-ը ներկայացնում է անկախ Հայաստանի ամենահայտնի ֆիլմերից մեկի մոտիվներով գրված գիրքը՝ «Մի՛ վախեցիր» (թրեյլեր)

1990-ականների սկիզբ. երևանյան և արցախյան բարդ և հակասական իրողություններ։ Մի կողմում ազատագրական պայքարի վեհ գաղափարն է, մյուսում՝ պատերազմի քաոսն ու անձնական շահը։ 

Պատմություն բարդ ու հակասական ժամանակների մասին, պատմություն, որի հերոսներն ու հակահերոսները հաճախ ունեն իրական նախատիպեր, դրվագները՝ վավերագրական հիմք։ 

 «Մի՛ վախեցիր» վիպակի հեղինակը Newmag հրատարակչության գլխավոր խմբագիր Գնել Նալբանդյանն է։ Որոշ դրվագներում հեղինակը վերարտադրել է իր հետ կատարված դեպքերը հայ-ադրբեջանական ռազմաճակատային գծի տարբեր հատվածներում։ 

Առաջին անգամ ոչ թե ֆիլմն է ստեղծվել գրական գործի հիման վրա, այլ հակառակը՝ նախ ֆիլմն էր, սցենարը, հետո՝ գիրքը։ Վիպակը չի կրկնում ֆիլմը։ Կան դրվագներ, որոնք միայն գրքում են, և կան տեսարաններ, որոնք մնացել են միայն ֆիլմում։

«Մի՛ վախեցիրը» կառուցված է համանուն ֆիլմի հինգ մասանոց սցենարի հիման վրա։ Սցենարի համահեղինակներն են Լևոն Գալստյանն ու Գնել Նալբանդյանը։ Ստեղծագործական գործընթացին մասնակցել են նաև ֆիլմի մտահղացման հեղինակ Ալեքսան Հարությունյանը և ռեժիսոր Արամ Շահբազյանը։

Երկու տասնամյակ անց վերահրատարակվող վիպակը հրավիրում է մեր ոչ վաղ անցյալի վճռորոշ էջերը վերապրել սթափ հայացքով և անմիջական մասնակցի զգացողությամբ։ 

Գրքի գործընկեր՝ Կինոդարան, գլխավոր գործընկեր՝ HK production