Ա ՍալաՀ ալեյքում. ինչպե՞ս Եգիպտոսի հավաքականը նվաճեց Մունդիալի եզրափակիչ փուլի ուղեգիր
Նրա գոլի շնոհիվ է Եգիպտոսի հավաքականը 28 տարվա դադարից հետո հայտնվել Աշխարհի առաջնության եզրափակիչ փուլում: Հիմա Սալահին ընդունում են ինչպես փարավոնի:
Անհավանական դրամատիկ սցենարով և նախանձելի նվիրվածությամբ` ֆուտբոլի Եգիպտոսի հավաքականը նվաճեց Ռուսաստանում կայանալիք աշխարհի առաջնության եզրափակիչ մրցաշարի ուղեգիր: Ընտրական մրցաշարի աֆրիկյան գոտու նախավերջին տուրում եգիպտացիները սեփական դաշտում 2-1 հաշվով հաղթեցին Կոնգոյի հավաքականին: 12 միավորով Եգիպտոսի ընտրանին բարձրացավ առաջին հորիզոնական ու անկախ վերջին տուրի խաղի արդյունքից` Ռուսաստան կմեկնի խմբի առաջատարի կարգավիճակով:
Կոնգոյի հետ տնային խաղը 1 ժամ ոչնչի պետք չէր: Միայն դրանից հետո սկսվեց իսկական թրիլերը: 63-րդ րոպեին «Լիվերպուլի» կիսապաշտպան Մուհամեդ Սալահն առաջ մղեց Եգիպտոսին: Դա անհավանական ուրախություն էր, քանի որ հաղթանակն ապահովում էր Մունդիալի ուղեգիր: Սակայն խաղի ավարտից 3 րոպե առաջ, ոմն Առնոլդ Բուկա Մուսու փչացրեց ամբողջ Եգիպտոսի բարձր տրամադրությունը` 1-1: Ոչ-ոքի էր, բայց հաղթական գնդակը խփելու համար ժամանակ էր հարկավոր: Եվ այդ հաղթական գնդակը եղավ, ընդ որում` 90+5-րդ րոպեին: Եվ ո՞վ, եթե ոչ թիմի լիդերը` ՍԱԼԱՀԸ: Արաբները ներխուժեցին դաշտ` տոնելու նվաճումը, իրենց հատուկ ձեւով, համընդհանուր, հախուռն: 28 տարվա դադարից հետո Եգիպտոսի հավաքականը նվաճեց աշխարհի առաջնության եզրափակիչ փուլի ուղեգիր: Նախանձելի է:
Կարդացեք նաև.
- Ֆուտբոլը` քաղաքականություն. Կատալոնիայի անկախության դեպքում ի՞նչ է սպասվում «Բարսելոնային»
- Նեյմար vs Կավանի. Ովքե՞ր են փարիզյան գլուխկոտրուկի մեղավորները
- Ովքե՞ր են ամենաթանկ ֆուտբոլային գործակալները եւ որքա՞ն են վաստակում
5 փաստ Եգիպտոսի հավաքականի մասին.
- Առաջին պաշտոնական խաղը` 1920 թվական, Իտալիա-Եգիպտոս` 2-1
- Առաջին մասնացկությունը ԱԱ-ին` 1934 թվական, 2-րդ մասնացկությունը` 1990 թվական
- Լավագույն ռմբարկու` Հոսամ Հասան (69 գոլ), ամենաշատ խաղերը` Ահմեդ Հասան (184 խաղ)
- ՖԻՖԱ-ի աղյուսակում լավագույն արդյունքը` 11-րդ հորիզոնական (2010 թվական)
- Աֆրիկայի ազգերի գավաթի 7-ակի հաղթող
Բաց չթողնեք
Արաբ մեկնաբանի շնչակտուր և հիստերիկ մեկնաբանությունը` որպես վերջակետ այս հոդվածի:
Տարածել
Կարդա նաև
Լայնեզր գլխարկով, գոթական ոճով բարոնուհին ու էքսցենտրիկ գրող Ամելի Նոտոմբը (տեսանյութ)
Սիրո և դիմադրության պատմություն. Միսաք և Մելինե Մանուշյանների հուշերը մեկ գրքում (տեսանյութ)
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)