Ինչո՞վ էր ավարտվում ամուսնական դավաճանությունը Հին Եգիպտոսում

Չնայած, որ Հին Եգիպտոսում լայն տարածում ուներ բազմակնությունը, բայց քիչ չէին այն տղամարդիկ, ովքեր սիրում և մեծարում էին իրենց միակ սիրելի կնոջն ու հավատարիմ մնում նրան:
Հին եգիպտացի մտածողներից մեկն ասում էր. «Եթե խելոք մարդ ես, ուրեմն ամուսնացիր, պահիր կնոջդ քո տան մեջ ու միշտ սիրիր նրան, ինչպես հարկն է: Կերակրիր ու հագցրու, բուժիր նրա ցավոտ տեղը դեղերով և այնպես արա, որ նրա սիրտը միշտ ուրախ լինի: Քանի դու նրա կողքին ես, թող նա միշտ ծաղկի քո տան մեջ»:

---

Հղիությունը ստուգելու հին եգիպտական թեստ

Աստվածային մարմնավաճառներ ու բեղմնավոր կանայք. Սեքսն ու ամուսնությունը Հին Եգիպտոսում

---

Գրագիր Անը խորհուրդ էր տալիս տղամարդկանց չկապվել իրենց տարածաշրջանում վատ վարքով հայտնի կանանց հետ, չփոխանակել նրանց հետ կրքոտ հայացքներ: Ինչքան էլ դա գայթակղիչ թվա, իրականում նման է խորը առվի, որտեղ մտնողը չգիտի, թե ուր դուրս կգա:
Չնայած դրան, հին եգիպտական օրենքները ոչ մի տիպի պատիժ չէին նախատեսում` կանանց դավաճանած տղամարդկանց համար: Խաբված կինը որևէ կերպ չէր կարող պատժել իր ամուսնուն: Իսկ այ դավաճան կնոջ պարագայում իրավիճակը բոլորովին այլ էր: Օրինակ` Հին Թագավորության ժամանակներում  ամուսնուն դավաճանած կնոջը կարող էին այրել, իսկ նրա մոխիրը` քամուն տալ: Իսկ Նոր թագավորության ժամանակ կնոջն ամուսնական դավաճանության մեջ բռնեցրած տղամարդը իրավունք ուներ նրա մարմինը մասնատել ու դարձնել շնագայլերի կեր: