Ո՞ւր է անհետանում մեր ուղեղը, երբ սիրահարվում ենք
2010թ.-ին հասարակական կարծիքի ուսումնասիրման համառուսական կենտրոնը հարցում է անցկացրել ու պարզել ` որոնք են ռուսաստանցիների համար ամենակարևոր արժեքները: Առաջին տեղում ընտանիքն է `97%, որին հետևում է ընկերությունը, սերն ու քաղաքական դրությունը երկրում: Սեքսը նախավերջին տեղում է, զիջելով միայն կրոնին:
Արդյոք սա խոսում է բարոյական սկզբունքների մասին, թե հարցվածներն անկեղծ չեն եղել ու ցանկացել են իրենց լավ կողմից ցույց տալ: Որովհետև հորմոնները, որոնք պատասխանատու են մեր հույզերի ու ցանկությունների համար, տեսականորեն պետք է որ ավելի մեծ ազդեցություն ունենան մեզ վրա, քան օրինակ` քաղաքական խաղերն ու երկրում տիրող իրավիճակը: Այդպես չէ՞:
2004թ.-ին ամերիկացի հետազոտողներ Լիմն ու Յանգը արտասովոր փորձարկում են արել, որը կփոխեր մեր վերաբերմունքը սիրո հանդեպ, եթե մենք հակված չլինեինք այն չափից ավելի ռոմանտիկ ընդունելու:
Microtus Ocrogaste տեսակի փորձամկներին ներարկել են վազոպրեսին ու օկսիտոցին հորմոններ ու հետևել են կրծողների վարքին: Կրծողների այս տեսակը մյուսներից տարբերվում է նրանով, որ առաջին զուգավորումից հետո սեռական զուգընկերներ են դառնում հետագա ամբողջ կյանքի համար:
Օքսիտոցինը որևէ ազդեցություն չունեցավ արական սեռի կրծողների վրա, իսկ իգական սեռն անմիջապես փորձեց մեկ այլ արական սեռի կրծողի հետ զույգավորվել: Վազոպրեսինը հակառակ ազդեցություն ունեցավ. Իգական սեռի կրծողները ներարկմանը չարձագանքեցին, իսկ արական սեռի փորձամկներն անմիջապես սիրահարվեցին:
Այս փորձը միանգամից 2 բան ցույց տվեց. որքան քիչ բան գիտենք սիրո մասին և որ սերը, իչնպես և մյուս զգացմունքները` վերահսկելի են քիմիայի միջոցով:
Ի՞նչ է սերը գիտական տեսանկյունից
Սերն անմիջականորեն կապված է հորմոնների հետ: Դրանց են դասվում օքսիտոցինը, վազոպրեսինը, սերոտոնինը, տեստոստերոնը, էստրոգենն ու ադրենալինը: Յուրաքանչյուրը պատասխանատու է մեր օրգանիզմի առանձին ռեակցիաների համար, որը մենք որպես կանոն վերագրում ենք սիրահարվածությանը:
1. Ադրենալինը պատասխանատու է արյան ճնշման համար, դրա չափազանց բարձր մակարդակն ավելացնում է սթրեսն ու լարվածությունը` սրտին ստիպելով ավելի արագ բաբախել:
2. Դոպամինն իր հերթին պատասխանատու է այն զգացմունքի համար, որը մենք այդքան շատ ենք սիրում. Հաճույք, թեթև գլխապտույտ, հիացմունք ու երևակայական թևեր մեջքի հետևում:
3. Սերոտոնին, ավելի ստույգ` դրա պակասը, պատասխանատու է այն դեպքերի համար, երբ մենք չեն կարողանում սիրելիին հանել մեր գլխից:
4. Տեստոստերոնը պատասխանատու է գրավչության համար: Որքան բարձր է Տեստոստերոնի մակարդակը, այդքան ավելի գրավիչ է տղամարդը կնոջ համար և հակառակը :
Պե՞տք է ամաչենք մեր զգացմունքներից: Չեմ կարծում: Այդ ամենն ուղղակի քիմիական ռեակցիաների փունջ է, որոնք տեղի են ունենում ձեր օրգանիզմում:
Ի՞նչ է հարկավոր սիրահարվելու համար
Ավելի քիչ բան, քան դուք կարծում եք: 1997թ-ին Արթուր Արոնը անծանոթ զույգի ստիպել է սիրահարվել: Նա 36 հարցից բաղկացած հարցաշար է տվել և անծանոթները պետք է պատասխանեին 45 րոպեի ընթացքում: Ինտիմության մակարդակն աճում էր յուրաքանչյուր հարցին զուգահեռ: Բացի այդ անծանոթները պետք է միմյանց աչքերի մեջ նայեին յուրաքանչուր հարցից հետո, լուռ, 4 րոպե շարունակ:
Բացի այդ անծանոթները պետք է միմյանց աչքերի մեջ նայեին յուրաքանչուր հարցից հետո, լուռ, 4 րեպո շարունակ:
Անծանոթները, որոնք սենյակ էին մտել տարբեր դռներից ու միմյանց առաջին անգամ տեսել էին փորձի սենյակում, այդ սենյակից դուրս եկան սիրահարված, 6 ամիս անց ամուսնացան:
Կարդացեք նաև.
- Ինչի՞ մասին է ստում յուրաքանչյուր կին, երբ զրուցում է տղամարդու հետ
- 5 միջոց զուգընկերոջ հետ մտերմանալու համար (առանց սեքսի)
- 8 պատճառներ, որոնք կարող են փչացնել ձեր սեքսը
Ինչո՞ւ ենք հիմարանում, երբ սիրահարվում ենք
Հիշում ես` ինչպես ես քեզ պահում, գեղեցիկ օրիորդի հետ խոսելիս: Լեզուդ փաթ է ընկնում, զգացողություն ունես, որ հիմար բաներ ես խոսում: Դու մենակ չես:
2009թ.-ին Սեյնս Նոթսն ու Ռադբոու համալսարանի նրա գործընկերները հետազոտություն անցկացրին, որի ընթացքում հետազոտության մասնակից տղամարդկանց առաջարկում էին շփվել գեղեցիկ կանանց հետ: Զրույցից առաջ և հետո ստուգվում էին տղամարդկանց մտավոր ունակությունները: Կանանց հետ շփվելուց հետո մտավոր ունակությունների մակարդակի ցուցանիշն էապես ցածր էր, կանանց դեպքում` ցուցանիշները մնում էին անփոփոխ:
Այս և բազմաթիվ այլ թեստեր վերահաստատում են, որ մենք չենք կարող հակադրվել բնությանն ու արգելափակել մեր զգացմունքները: Գիտությունը հաստատում է, որ սերը, սեքսն ու կապվածությունը կախված են կենսաբանությունից ու քիմիայից: Այդուհանդերձ, սերը չի կորցնում իր հմայքը:
Հետևեք newmag-ին Telegram-ում և Instagram-ում։
Տարածել
Կարդա նաև
Ուշագրավ փաստեր Ֆրանսիական գրականության ամենահայտնի ու հեղինակավոր գրական մրցանակի մասին (տեսանյութ)
Ազնավուր, Մանուշյան, Սառ, Նոտոմբ ու Լյուգան. Ֆրանկոֆեստի 5 հեղինակները
FrancoFest 2024 / GONCOURT մրցանակը ազգային ժյուրի է ստեղծում Հայաստանում (անոնս)
Թարգմանչաց տոնին newmag-ը կանկացնի ֆրանկոֆոն բովանդակությամբ աննախադեպ փառատոն / Francofest 2024