[Ֆոտոռեպորտաժ]. Տեղի ունեցավ «Մորուս Հասրաթյան. ինքնության և ժառանգության վավերագիրը» գրքի շնորհանդեսը

Newmag-ը ներկայացնում է Աելիտա Դոլուխանյանի «Մորուս Հասրաթյան. ինքնության և ժառանգության վավերագիրը»  աշխատությունը: Այս գիրքը հրատարակվել է «Հասրաթյան-Մինասյան» հիմնադրամի նախաձեռնությամբ և ֆինանսավորմամբ։

Աշխատությունը նվիրված է պատմաբան, բանասեր, սայաթնովայագետ Մորուս Հասրաթյանի կյանքին և գործունեությանը։ Գրքում հանդիպում ենք նաև նրա խոստովանությանը, որ հանդիպել է շատ նշանավոր մարդկանց։ Հասրաթյանի ընկերներն էին Եղիշե Չարենցը, Դերենիկ Դեմիրճյանը, Ավետիք Իսահակյանը, Շիրազը, Չարենցն ու Բակունցը, նշանավոր պատմաբաններ ու ակադեմիկոսներ։ Նրանց մասին Մորուս Հասրաթյանը գրել է հուշերում՝ նկարագրելով իրենց զրույցները, տագնապներն ու մտորումները։

Աելիտա Դոլուխանյանի բացառիկ տեղեկություններով հարուստ այս աշխատությունն ամբողջական է դարձել նաև լուսանկարների ներդիրով: Գրքի խմբագիրը Մորուս Հասրաթյանի որդին է՝ Մուրադ Հասրաթյանը։

Ծննդյան 120-ամյակին  նվիրված միջոցառմանը տեղի ունեցավ նաև ցուցահանդես՝ նվիրված սայաթ-նովայագետ Մորուս Հասրաթյանի գործունեությանը: 

Մոտ երկու ժամ տևողությամբ շնորհանդեսին ողջույնի խոսքով հանդես եկան ականավոր պատմաբաններ, գիտնականներ, թանգարանների տնօրեններ։

Կարդացեք նաև

• Newmag-ի այս աշնան առաջին գիրքը՝ հրատարակվել է պատմաբան, բանասեր Մորուս Հասրաթյանի կենսագրականը (թրեյլեր)