Ո՞վ է Միշել Օբամայի կյանքի ամենամտերիմ տղամարդը. նոր բացահայտումներ նրա առաջին փոդքասթից (տեսանյութ)
![newmag-y-n](https://newmag.am/public/assets/images/posts/5256/ebbfc06a5a89e1d942b1775365aca386.jpg)
Newmag-ը 2020-ի ապրիլին հրատարակել էր Միշել Օբամայի «Becoming. Իմ պատմությունը» համաշխարհային բեսթսելլերը։ Արդեն օգոստոսին հայտնի դարձավ, որ ԱՄՆ նախկին առաջին տիկինը սկսել է փոդքասթների շարք հայտնի Spotify հավելվածում։ Չնայած, փոդքասթները դուրս են գալիս շաբաթը մեկ անգամ, բայց արդեն առաջացրել են մեծ հետաքրքրություն և հանրային ուշադրություն։
Եթե կարծում էիք, թե Միշել Օբամայի ամենամտերիմ մարդն իր ամուսինն է՝ Բարաք Օբաման, ապա մեղմ ասած սխալվել եք։ Պատասխանը լսելու համար միացրեք Միշել Օբամա Փոդքասթի նոր թողարկումը և իմացեք։ Ձեզ սպասվում է քույր-եղբայր հարաբերությունների մասին մեկ ժամանոց շատ անկեղծ և անմիջական զրույցը:
ԱՄՆ նախկին առաջին տիկնոջ առաջին հերոսը մեծ եղբայրն է եղել՝ Քրեյգ Ռոբինսոնը: Փոդքասթի ընթացքում նրանք պատմում են իրենց բարդ, բայց մանկության ամենավառ ու հետաքրքիր դրվագների մասին, հիշում վեճերի, ծնողների և Բարաք Օբամայի հետ առաջին հանդիպման մասին:
Միշել Օբաման հիշում է՝ ինքնուրույն երեխա էր, չէր սիրում, երբ եղբայրը միջամտում էր, անգամ խաղալիքներին անուններ ընտրելու ժամանակ եղբոր կարծիքը չէր լսում:
«Ես չէի ուզում, որ նա միջամտեր իմ փոքրիկ գործերին: Ես առանձին աշխարհ էի ստեղծել ինձ համար ու ոչ ոքի ներս չէի թողնում: Ինձ թվում էր, որ ցանկացած այլ մարդու էներգիան կփոխեր իմ ստեղծած աշխարհը»,-հիշում է Օբաման։
Ես առանձին աշխարհ էի ստեղծել ինձ համար ու ոչ ոքի ներս չէի թողնում: Ինձ թվում էր, որ ցանկացած այլ մարդու էներգիան կփոխեր իմ ստեղծած աշխարհը:
Միշել Օբաման պատմելով ծնողները միշտ հաշվի էին առնում իր և եղբոր կարծիքը, լսում էին իրենց տեսակետը, հետևաբար ինքնավստահություն էին փոխանցում երեխաներին: Հենց դրա շնորհիվ դեռ մանկահասակ Միշելը հասկացել է՝ իր ձայնը կարևոր է և պետք է լսելի լինի:
«Ես շատ հարցերում ինքնավստահ էի, որովհետև գիտեի, որ ծնողներս կողքիս են: Նույնիսկ, եթե ես ու եղբայրս սխալ մի բան անեինք, նրանք նախ փորձում էին հասկանալ խնդիրը և հետո բացատրել արդյունավետ լուծման տարբերակը»,- խոստովանելով է ԱՄՆ առաջին տիկինը։
Երաժշտությունը Ռոբինսոնների մանկությունից անպակաս էր։ Պապիկի վինիլային հավաքածուներն առաջացրել են երաժշտության հանդեպ սերը, հայրիկի ջազային ալբոմներն էլ ամրապնդել այն:
Նույնիսկ, եթե ես ու եղբայրս սխալ մի բան անեինք, նրանք նախ փորձում էին հասկանալ խնդիրը և հետո բացատրել արդյունավետ լուծման տարբերակը
Միշել Օբամա. «Մեր տանը երաժշտությունն ամեն ինչի հիմնաքարն էր: Առանց երաժշտության ոչինչ, իսկապես ոչինչ չէինք անում, որովհետև մեր հայրը ջազի մեծ սիրահար էր և հսկայական հավաքածու ուներ»
Փոդքասթի վերջում Քրեյգը վերհիշում է Բարաք Օբամայի հետ առաջին հանդիպումը: Օբաման հենց առաջին հանդիպմանը Միշելի եղբոր հետ բասկետբոլ է խաղացել, որովհետև մարզադաշտում տղամարդու պահվածքը նրա մասին շատ բան կարող է պատմել: Հենց այդ հանդիպումից հետո էլ Քրեյգը քրոջն ասել է՝ ճիշտ ընտրություն է։
![Becoming. Իմ պատմությունը](https://newmag.am/public/assets/images/books/0854ebf1245ba93c7dacd2095d48dfd1.jpg)
Միշել Օբամա
5800 ֏
Նկարագրություն
Երբ Միշել Ռոբինսոնը փոքր աղջիկ էր, նրա աշխարհը սահմանափակվում էր Չիկագոյի Սաութ Սայդ թաղամասով: Այդտեղ նա ապրում էր երկհարկանի շենքի մի փոքրիկ բնակարանում՝ ննջասենյակը կիսելով եղբոր՝ Քրեյգի հետ: Շուտով կյանքը նրան տարավ շատ ավելի հեռու՝ Փրինսթոնի համալսարան, որտեղ առաջին անգամ սեփական մաշկի վրա զգաց, թե ինչ է նշանակում լինել լսարանում միակ սևամորթ կինը։ Հետո հայտնվեց ապակեպատ մի աշտարակում, որտեղ աշխատում էր որպես կորպորատիվ իրավաբան: Ու հենց այնտեղ ամռան մի առավոտ նրա աշխատասենյակում հայտնվեց իրավաբանական ֆակուլտետի ուսանող Բարաք Օբաման ու գլխիվայր շուռ տվեց խնամքով մշակած նրա բոլոր ծրագրերը: Գրքում Միշել Օբաման առաջին անգամ խոսում է իր ամուսնության վաղ շրջանի մասին, երբ ձգտում էր և՛ աշխատել, և՛ ընտանիքի հոգսերը հոգալ, և՛ նպաստել ամուսնու քաղաքական վերելքին: Նա անկեղծորեն պատմում է ընտանեկան վեճերի մասին, թե իր ամուսինը պե՞տք է առաջադրվի նախագահի թեկնածու, և թե ինչպես ինքը դարձավ քարոզարշավի ամենաճանաչված ու հաճախ քննադատված դեմքը, հետո էլ՝ ԱՄՆ առաջին տիկինը։ «Իմ պատմությունը» գիրքը պատմում է Այովա նահանգի համեստ բնակավայրերի ու Բուքինգհեմյան պալատի շքեղ սրահների մասին, պարուրում սրտամորմոք վշտով, սովորեցնում դիմակայել դժվարություններին: Իր կյանքի պատմությունը համարձակորեն շարադրելով՝ նա մարտահրավեր է նետում բոլորիս, որպեսզի մտածենք ու հասկանանք՝ ով ենք մենք և ինչի ենք ուզում հասնել:
Կարդա նաև
![ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին](https://newmag.am/public/front/assets/images/placeholder.jpg)
ԱԲ դարաշրջանն արդեն սկսվել է. Յուվալ Նոյ Հարարին՝ նոր գրքի մասին
![ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը](https://newmag.am/public/front/assets/images/placeholder.jpg)
ՀԱՄԱՇԽԱՐՀԱՅԻՆ ՇՆՈՐՀԱՆԴԵՍ / Յուվալ Նոյ Հարարիի նոր գիրքը հայերեն հրատարակվում է բնօրինակի հետ նույն օրը
![«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)](https://newmag.am/public/front/assets/images/placeholder.jpg)
«Մեզնից մեկը հաջորդն է» գիրքը նոր շունչ է դետեկտիվ ժանրում (տեսանյութ)
![Որ մասնագիտություններն են նորաձև AI դարաշրջանում (տեսանյութ)](https://newmag.am/public/front/assets/images/placeholder.jpg)
Որ մասնագիտություններն են նորաձև AI դարաշրջանում (տեսանյութ)
![Վեպ՝ զարմանալի, անկանխատեսելի կյանքի, ընտանիքի ու ընկերների մասին (տեսանյութ)](https://newmag.am/public/front/assets/images/placeholder.jpg)