[Իրականում՝ ոչ] Արտահերթը նորաստեղծ կուսակցությունների շա՞նսն է
Բողոքի բազմատեսակ ակցիաների մասնակցած երիտասարդ ակտիվիստները, որոնք լավ գիտեն ազդեցության ժամանակակից տեխնոլոգիաները բանեցնելու նրբությունները, հենց այս փուլում կարող են ներքաղաքական դաշտում զբաղեցնել իրենց հաստատուն տեղը:
Գարնանային իշխանափոխությունից հետո քաղաքական դաշտում գաղափարական ճգնաժամ է: Պահպանողական գաղափարախոսությունը, որը նախկին իշխանության հաղթաթուղթն էր, այլևս կենսունակ չէ: Նոր իշխանությունը հստակ քաղաքական գաղափարախոսություն չի հրապարակել: Մեծությամբ երկրորդ քաղաքական ուժը նույնպես չունի դասական իմաստով քաղաքական գաղափարախոսություն: Այս իմաստով` քաղաքական դաշտում գաղափարական վակուում է, որը լրացնելու ճիշտ ժամանակն է հիմա:
Կուսակցական շատ լիդերներ անցած տարիներին հասցրին հեղինակազրկվել հետընտրական պրոցեսներում: Նրանք ընտրություններից հետո հայտարարեցին, որ իրենք են հաղթել, սակայն չկարողացան տեր կանգնել իրենց ստացած քվեներին և հետընտրական պրոցեսներում մաշեցին իրենց քաղաքական կապիտալը: Այն քաղաքական գործիչները, որոնք նախկին տարիներին իշխանության մեջ էին, աջուձախ մերժվում են նոր իրավիճակում և քաղաքական դաշտում ինքնադրսևորվելու շանս դեռևս չունեն: Այս իմաստով ևս լավ հնարավորություն է ստեղծվել, որ նոր քաղաքական դեմքերը մտնեն քաղաքական դաշտ:
Կարդացեք նաև․
Խելամի՞տ է արտահերթ ընտրությունը դեկտեմբերին անցկացնելը
Հենրիխ Մխիթարյանին դիվանագիտական անձնագրից զրկելը ճի՞շտ էր
Պե՞տք է արգելել աջ ղեկով մեքենաները Հայաստանում
Բայց մի՞թե նորաստեղծ քաղաքական ուժերի նորամուտի ճիշտ ժամանակն է: Իրականում` ոչ:
Նոր քաղաքական ուժերի համար քաղաքականություն մտնելու հնարավորություն հիմա չկա, որովհետև հասարակության համար բնավ էլ կարևոր չէ, թե ինչ գաղափար ես առաջ քաշում: Հիմա հասարակությունը ցանկանում է տեսնել գարնան հետևանքը: Ուզում է հասկանալ, ինչ է անելու Նիկոլ Փաշինյանն` իր երիտասարդ թիմով: Եվ նոր քաղաքական ուժերը այստեղ հետաքրքիր չեն և անելիք չունեն, քանի դեռ պոպուլյար է նոր իշխանությունը:
Նոր ուժերի համար լավ ժամանակ չէ, որովհետև ներկայանալու ու ճանաչվելու համար ժամանակ է անհրաժեշտ, իսկ այդ ժամանակը նույնիսկ քաղաքական դաշտի հին ուժերը չունեն: Արտահերթի ժամկետները չափազանց սեղմ են, որպեսզի որևէ նոր քաղաքական ուժ կարողանա ինքնադրսևորվել: Այս իմաստով` քաղաքական դաշտում ինքնահաստատվելու ժամանակ չկա:
Հիմա` ճի՞շտ ժամանակ է նորաստեղծ քաղաքական ուժերի համար
Կրկին ոչ, որովհետև այս ընտրություններն իրավիճակային են: Նույնիսկ մեկ քաղաքական ուժի պահանջով հրավիրված արտահերթ չէ, սա միայն մեկ քաղաքական գործչի պատվիրած արտահերթ է: Այս արտահերթը միայն նրա համար է, որպեսզի գարնանը հեղափոխություն արած քաղաքական ուժը օրենքով ամրագրի իր հաղթանակը: Սա հաղթանակը պաշտոնապես վավերացնելու գործընթաց է: Հետևաբար` բոլոր նրանք, որոնք լրջորեն կփորձեն միջամտել այդ գործընթացին, կդառնան «սևեր», «հակահեղափոխականներ» և «կփռվեն ասֆալտին»:
Հետևեք newmag-ին Telegram–ում և Instagram–ում
Տարածել
Կարդա նաև
Տեղի ունեցավ Ջուլյա Սամուելի «Ամեն ընտանիք իր պատմությունն ունի» գրքի հեռուստաշնորհանդեսը (տեսանյութ)
Անյես Մարտեն-Լյուգան. «Մեծ ուրախություն և հպարտություն եմ ապրում, որ իմ գրքերը հասել են հայ ընթերցողին» (տեսանյութ)
Newmag-ը ներկայացնում է բրիտանացի հայտնի հոգեթերապևտ Ջուլյա Սամուելի «Ամեն ընտանիք իր պատմությունն ունի» գիրքը (թրեյլեր)
Գիրք-ճանապարհորդություն տարածության և ժամանակի միջով՝ Փարիզից մինչև սենեգալյան հեռավոր մի գյուղ (տեսանյութ)